Read La Sankta Biblio, sen Ĉapelo esparanto Mateo 24 Bible Online

Mateo 24 - La Sankta Biblio, sen Ĉapelo esparanto bible

Mateo 24

¹Kaj Jesuo, elirinte, ekforiris de la templo; kaj liaj discxiploj venis al li, por montri al li la konstruajxojn de la templo.

²Sed li responde diris al ili: Cxu vi ne vidas cxion tion? vere mi diras al vi: Ne estos lasita cxi tie sxtono sur sxtono, kiu ne estos dejxetita.

³Kaj dum ili sidis sur la monto Olivarba, la discxiploj venis aparte al li, dirante: Diru al ni, kiam tio estos? Kaj kio estas la signo de via alesto kaj de la maturigxo de la mondagxo?

⁴Kaj Jesuo, respondante, diris al ili: Gardu vin, ke neniu vin forlogu.

⁵Cxar multaj venos en mia nomo, dirante: Mi estas la Kristo; kaj ili forlogos multajn.

⁶Kaj vi auxdos pri militoj kaj famoj de militoj. Zorgu, ke vi ne maltrankviligxu; cxar tio devas okazi; sed ankoraux ne estas la fino.

⁷Cxar levigxos nacio kontraux nacion, kaj regno kontraux regnon; kaj estos malsatoj kaj tertremoj en diversaj lokoj.

⁸Sed cxio tio estas komenco de suferoj.

⁹Tiam oni transdonos vin al afliktado, kaj mortigos vin; kaj vi estos malamataj de cxiuj nacioj pro mia nomo.

¹⁰Tiam multaj ofendigxos, kaj perfidos unu la alian, kaj malamos unu la alian.

¹¹Kaj multaj falsaj profetoj levigxos, kaj forlogos multajn.

¹²Kaj pro la multobligo de maljusteco, la amo de la plimulto malvarmigxos.

¹³Sed kiu persistos gxis la fino, tiu estos savita.

¹⁴Kaj cxi tiu evangelio de la regno estos predikita tra la tuta mondo, kiel atesto al cxiuj nacioj; kaj tiam venos la fino.

¹⁵Kiam do vi vidos la abomenindajxon de dezerteco, pri kiu estas dirite de la profeto Daniel, starantan sur la sankta loko (la leganto komprenu),

¹⁶tiam tiuj, kiuj estas en Judujo, forkuru al la montoj;

¹⁷kiu estas sur la tegmento, tiu ne malsupreniru, por preni ion el sia domo;

¹⁸kaj kiu estas sur la kampo, tiu ne revenu, por preni sian mantelon.

¹⁹Sed ve al la gravedulinoj kaj al la sucxigantinoj en tiuj tagoj!

²⁰Kaj pregxu, ke via forkurado ne estu en vintro nek en sabato;

²¹cxar tiam estos granda aflikto tia, kia ne estis de la komenco de la mondo gxis nun, nek iam estos.

²²Kaj se tiuj tagoj ne estus mallongigitaj, neniu karno estus savita; sed pro la elektitoj tiuj tagoj estos mallongigitaj.

²³Tiam se iu diros al vi: Jen cxi tie la Kristo, aux: Tie; ne kredu;

²⁴cxar levigxos falsaj kristoj kaj falsaj profetoj kaj faros grandajn signojn kaj miraklojn, tiel ke ili forlogus, se eble, ecx la elektitojn.

²⁵Jen mi antauxdiris al vi.

²⁶Se oni do diros al vi: Jen li estas en la dezerto; ne eliru; aux: Jen li estas en sekretaj cxambroj; ne kredu.

²⁷Cxar kiel la fulmo venas el la oriento kaj montrigxas gxis la okcidento, tiel ankaux estos la alesto de la Filo de homo.

²⁸Kie ajn estos la kadavro, tien kolektigxos la agloj.

²⁹Sed tuj post la aflikto de tiuj tagoj la suno mallumigxos, kaj la luno ne donos sian lumon, kaj la steloj falos el la cxielo, kaj la potencoj de la cxielo sxanceligxos;

³⁰kaj tiam aperos sur la cxielo la signo de la Filo de homo, kaj tiam ploros cxiuj gentoj de la tero, kaj oni vidos la Filon de homo, venantan en la nuboj de la cxielo kun potenco kaj granda gloro.

³¹Kaj li elsendos siajn angxelojn kun granda sono de trumpeto, kaj ili kolektos liajn elektitojn el la kvar ventoj, el limo gxis limo de la cxielo.

³²De la figarbo lernu gxian parabolon: kiam gxia brancxo jam moligxis kaj aperigas foliojn, tiam vi scias, ke la somero estas proksima;

³³tiel same vi, kiam vi vidos cxion tion, tiam sciu, ke li estas proksima, cxe la pordoj.

³⁴Vere mi diras al vi: Cxi tiu generacio ne forpasos, gxis cxio tio plenumigxos.

³⁵La cxielo kaj la tero forpasos, sed miaj vortoj ne forpasos.

³⁶Sed pri tiu tago kaj la horo scias neniu, ecx ne la angxeloj de la cxielo, nek la Filo, sed la Patro sola.

³⁷Sed kiel la tagoj de Noa, tiel estos la alesto de la Filo de homo.

³⁸Cxar kiel dum la tagoj, kiuj estis antaux la diluvo, oni mangxis kaj trinkis, edzigxis kaj edzinigxis, gxis la tago, kiam Noa eniris en la arkeon,

³⁹kaj oni ne eksciis, gxis la diluvo venis kaj forprenis cxiujn; tiel estos la alesto de la Filo de homo.

⁴⁰Tiam du viroj estos sur kampo: unu estos prenita, kaj la alia lasita;

⁴¹du virinoj estos muelantaj apud muelilo: unu estos prenita, kaj la alia lasita.

⁴²Tial viglu; cxar vi ne scias, en kiu tago via Sinjoro venos.

⁴³Sed sciu tion, ke se la dommastro scius, en kiu gardoparto venos la sxtelisto, li viglus kaj ne lasus sian domon trafosigxi.

⁴⁴Tial vi ankaux estu pretaj; cxar en horo, kiam vi ne atendas, la Filo de homo venas.

⁴⁵Kiu do estas la fidela kaj prudenta servisto, kiun la sinjoro starigis super siajn domanojn, por doni al ili nutrajxon gxustatempe?

⁴⁶Felicxa estas tiu servisto, kiun lia sinjoro, veninte, trovos tiel faranta.

⁴⁷Vere mi diras al vi, ke super sian tutan havon li starigos lin.

⁴⁸Sed se tiu malbona servisto diros en sia koro: Mia sinjoro malfruas;

⁴⁹kaj komencos bati siajn kunservistojn, kaj mangxi kaj trinki kun la drinkuloj,

⁵⁰la sinjoro de tiu servisto venos en tago, kiam li ne atendas, kaj en horo, kiam li ne scias,

⁵¹kaj distrancxos lin, kaj difinos lian parton kun la hipokrituloj; tie estos la plorado kaj la grincado de dentoj.