Read La Sankta Biblio, sen Ĉapelo esparanto Mateo 3 Bible Online

Mateo 3 - La Sankta Biblio, sen Ĉapelo esparanto bible

Mateo 3

¹En tiuj tagoj venis Johano, la Baptisto, predikante en la dezerto de Judujo,

²kaj dirante: Pentu, cxar alproksimigxis la regno de la cxielo.

³Cxar li estas tiu, pri kiu estis dirite per la profeto Jesaja: Vocxo de krianto en la dezerto: Pretigu la vojon de la Eternulo, Rektigu Liajn irejojn.

⁴Kaj tiu Johano havis sian vestajxon el kamelaj haroj, kaj ledan zonon cxirkaux siaj lumboj, kaj lia nutrajxo estis akridoj kaj sovagxa mielo.

⁵Tiam eliris al li Jerusalem kaj la tuta Judujo kaj la tuta cxirkauxajxo de Jordan;

⁶kaj ili estis baptitaj de li en la rivero Jordan, konfesante siajn pekojn.

⁷Kaj vidante multajn el la Fariseoj kaj Sadukeoj venantajn al lia baptado, li diris al ili: Ho vipuridoj! kiu vin avertis forkuri de la venonta kolero?

⁸Donu do fruktojn tauxgajn por pento;

⁹kaj ne pensu diri en vi: Ni havas Abrahamon kiel patron; cxar mi diras al vi, ke Dio povas el cxi tiuj sxtonoj starigi idojn al Abraham.

¹⁰Kaj jam la hakilo kusxas cxe la radiko de la arboj; tial cxiu arbo, kiu ne donas bonan frukton, estas dehakata, kaj jxetata en fajron.

¹¹Mi ja vin baptas per akvo por pento; sed tiu, kiu venas post mi, estas pli potenca ol mi; liajn sxuojn mi ne estas inda porti; li vin baptos per la Sankta Spirito kaj per fajro;

¹²lia ventumilo estas en lia mano, kaj li elpurigos sian drasxejon, kaj li kolektos sian tritikon en la grenejon; sed la grenventumajxon li bruligos per fajro neestingebla.

¹³Tiam venis Jesuo el Galileo al Jordan al Johano, por esti baptata de li.

¹⁴Sed tiu lin malakceptis, dirante: Mi bezonas esti baptata de vi, kaj cxu vi venas al mi?

¹⁵Sed Jesuo responde diris al li: Lasu do, cxar tiel decas al ni plenumi cxian justecon. Tiam li lasis lin.

¹⁶Kaj Jesuo, baptite, supreniris tuj el la akvo; kaj jen la cxielo malfermigxis, kaj li vidis la Spiriton de Dio malsuprenirantan kiel kolombo, kaj venantan sur lin;

¹⁷kaj jen vocxo el la cxielo, dirante: Cxi tiu estas Mia Filo, la amata, en kiu Mi havas plezuron.