Read La Sankta Biblio, sen Ĉapelo esparanto Mateo 9 Bible Online

Mateo 9 - La Sankta Biblio, sen Ĉapelo esparanto bible

Mateo 9

¹Kaj enirinte en sxipeton, li transiris, kaj venis en sian propran urbon.

²Kaj jen oni alportis al li paralizulon, kusxantan sur lito; kaj Jesuo, vidinte ilian fidon, diris al la paralizulo: Kuragxu, filo, viaj pekoj estas pardonitaj.

³Kaj jen iuj el la skribistoj diris en si: Cxi tiu blasfemas.

⁴Kaj Jesuo, eksciante iliajn pensojn, diris: Kial vi pensas malbonon en viaj koroj?

⁵Cxar kio estas pli facila, diri: Viaj pekoj estas pardonitaj; aux diri: Levigxu kaj piediru?

⁶Sed por ke vi sciu, ke la Filo de homo havas auxtoritaton sur la tero pardoni pekojn - tiam li diris al la paralizulo: Levigxu, prenu vian liton, kaj iru al via domo.

⁷Kaj li levigxis, kaj iris al sia domo.

⁸Kaj vidinte tion, la homamasoj timis, kaj gloris Dion, kiu donis tian auxtoritaton al homoj.

⁹Kaj Jesuo, forpasante de tie, vidis viron nomatan Mateo, sidantan cxe la impostejo; kaj li diris al li: Sekvu min. Kaj li starigxis, kaj sekvis lin.

¹⁰Kaj dum li sidis cxe mangxo en la domo, jen multaj impostistoj kaj pekuloj venis kaj sidigxis tie kun Jesuo kaj liaj discxiploj.

¹¹Kaj vidinte tion, la Fariseoj diris al liaj discxiploj: Kial via instruisto mangxas kun impostistoj kaj pekuloj?

¹²Kaj auxdinte tion, li diris: Ne la sanuloj bezonas kuraciston, sed la malsanuloj.

¹³Sed iru, kaj lernu, kion signifas cxi tio: Mi deziras bonfaradon, sed ne oferon; cxar mi venis, por alvoki ne justulojn, sed pekulojn.

¹⁴Tiam alvenis al li la discxiploj de Johano, dirante: Kial ni kaj la Fariseoj fastas ofte, sed viaj discxiploj ne fastas?

¹⁵Kaj Jesuo diris al ili: Cxu la filoj de la edzigxejo povas malgxoji, dum la fiancxo estas kun ili? Sed venos tagoj, kiam la fiancxo estos prenita for de ili, kaj tiam ili fastos.

¹⁶Kaj neniu alkudras flikajxon el nefulita drapo sur malnovan veston, cxar la plenigajxo forprenas de la vesto, kaj pli malbona sxirajxo farigxas.

¹⁷Ankaux oni ne enversxas novan vinon en malnovajn felsakojn; alie la felsakoj krevos, kaj la vino elfluos, kaj la felsakoj detruigxos; sed oni enversxas novan vinon en novajn felsakojn, kaj ambaux konservigxas.

¹⁸Dum li tion parolis al ili, jen unu estro, alveninte, adorklinigxis al li, dirante: Mia filino jxus mortis; sed venu kaj metu vian manon sur sxin, kaj sxi vivos.

¹⁹Kaj Jesuo levigxis, kaj sekvis lin, kaj ankaux liaj discxiploj.

²⁰Kaj jen virino, kiu jam dek du jarojn havis sangofluon, venis malantaux lin kaj tusxis la randon de lia mantelo;

²¹cxar sxi diris en si: Se mi nur tusxos lian mantelon, mi estos sanigita.

²²Kaj Jesuo, sin turninte kaj vidinte sxin, diris: Kuragxu, filino; via fido vin savis. Kaj en tiu sama horo la virino resanigxis.

²³Kaj Jesuo, veninte en la domon de la estro kaj vidinte la flutistojn kaj la homamason bruantajn,

²⁴diris: Foriru; cxar la knabineto ne mortis, sed dormas. Kaj ili mokridis lin.

²⁵Sed kiam la homamaso estis elpelita, li eniris, kaj prenis sxian manon; kaj la knabineto levigxis.

²⁶Kaj disiris tiu famo en tiun tutan regionon.

²⁷Kaj kiam Jesuo foriris de tie, du blinduloj sekvis lin, kriante kaj dirante: Kompatu nin, ho filo de David.

²⁸Kaj kiam li venis en la domon, la blinduloj alvenis al li, kaj Jesuo diris al ili: Cxu vi kredas, ke mi povas fari cxi tion? Ili diris al li: Jes, Sinjoro.

²⁹Tiam li tusxis iliajn okulojn, dirante: Estu al vi laux via fido.

³⁰Kaj iliaj okuloj malfermigxis. Kaj Jesuo severe ordonis al ili: Gardu vin, ke neniu tion sciu.

³¹Sed elirinte, ili disvastigis lian famon en tiu tuta regiono.

³²Kaj dum ili eliris, jen oni alportis al li mutan demonhavanton.

³³Kaj kiam la demono estis elpelita, la mutulo parolis; kaj la homamasoj miris, dirante: Neniam tia afero estas vidita en Izrael.

³⁴Sed la Fariseoj diris: Per la estro de la demonoj li elpelas demonojn.

³⁵Kaj Jesuo trairis cxiujn urbojn kaj vilagxojn, instruante en iliaj sinagogoj, kaj predikante la evangelion de la regno, kaj sanigante cxian malsanon kaj cxian malfortajxon.

³⁶Kaj vidante la homamasojn, li estis kortusxita pri ili, cxar ili estis mizerigitaj kaj disigitaj, kiel sxafoj ne havantaj pasxtiston.

³⁷Tiam li diris al siaj discxiploj: La rikolto ja estas abunda, sed la laborantoj estas malmultaj.

³⁸Petu do la Sinjoron de la rikolto, ke Li sendu laborantojn en Sian rikolton.