Read La Sankta Biblio, sen Ĉapelo esparanto Marko 1 Bible Online

Marko 1 - La Sankta Biblio, sen Ĉapelo esparanto bible

Marko 1

¹La komenco de la evangelio de Jesuo Kristo, Filo de Dio.

²Kiel estas skribite en la profeto Jesaja: Jen Mi sendas Mian angxelon antaux via vizagxo, Kaj li preparos vian vojon;

³Vocxo de krianto en la dezerto: Pretigu la vojon de la Eternulo, Rektigu Liajn irejojn;

⁴venis Johano, kiu baptis en la dezerto kaj predikis la bapton de pento por la pardonado de pekoj.

⁵Kaj eliris al li la tuta Juduja distrikto, kaj cxiuj Jerusalemanoj; kaj ili estis baptitaj de li en la rivero Jordan, konfesante siajn pekojn.

⁶Kaj Johano estis vestita per kamelharajxo kaj leda zono cxirkaux siaj lumboj, kaj li mangxadis akridojn kaj sovagxan mielon.

⁷Kaj li predikis, dirante: Venas post mi tiu, kiu estas pli potenca ol mi; la rimenon de liaj sxuoj mi ne estas inda, klinigxinte, malligi.

⁸Mi vin baptis per akvo; sed li vin baptos per la Sankta Spirito.

⁹Kaj en tiuj tagoj Jesuo venis el Nazaret de Galileo, kaj estis baptita de Johano en Jordan.

¹⁰Kaj tuj kiam li eliris el la akvo, li vidis la cxielon fenditan, kaj la Spiriton kiel kolombo malsuprenirantan sur lin;

¹¹kaj venis vocxo el la cxielo: Vi estas Mia Filo, la amata, en kiu Mi havas plezuron.

¹²Kaj tuj la Spirito pelis lin for en la dezerton.

¹³Kaj li estis en la dezerto kvardek tagojn, tentata de Satano; kaj li estis kun la sovagxaj bestoj, kaj la angxeloj servadis al li.

¹⁴Kaj post kiam Johano estis arestita, Jesuo iris en Galileon, predikante la evangelion de Dio,

¹⁵kaj dirante: La tempo jam plenumigxis, kaj la regno de Dio alproksimigxis; pentu, kaj kredu al la evangelio.

¹⁶Kaj irante apud la Galilea Maro, li vidis Simonon, kaj Andreon, fraton de Simon, jxetantajn reton en la maron; cxar ili estis fisxkaptistoj.

¹⁷Kaj Jesuo diris al ili: Venu post mi, kaj mi igos vin farigxi kaptistoj de homoj.

¹⁸Kaj ili tuj forlasis la retojn, kaj sekvis lin.

¹⁹Kaj irinte iom antauxen, li vidis Jakobon, filon de Zebedeo, kaj Johanon, lian fraton, kiuj ankaux estis en la sxipeto, riparante la retojn.

²⁰Kaj tuj li alvokis ilin; kaj ili lasis sian patron Zebedeo en la sxipeto kun la dungitoj, kaj foriris post li.

²¹Kaj ili iris en Kapernaumon, kaj tuj en la sabato li eniris en la sinagogon kaj instruis.

²²Kaj oni miris pro lia instruado; cxar li instruis kiel havanta auxtoritaton, kaj ne kiel la skribistoj.

²³Kaj en ilia sinagogo estis viro kun malpura spirito; kaj li ekkriis,

²⁴dirante: Kio estas inter ni kaj vi, Jesuo Nazaretano? cxu vi venis, por pereigi nin? mi scias, kiu vi estas: la Sanktulo de Dio.

²⁵Kaj Jesuo severe admonis lin, dirante: Silentu, kaj eliru el li.

²⁶Kaj la malpura spirito konvulsiigis lin, kaj, lauxte kriinte, eliris el li.

²⁷Kaj cxiuj miregis tiom, ke ili diskutis inter si, dirante: Kio estas cxi tio? jen nova instruado! kun auxtoritato li ordonas ecx al la malpuraj spiritoj, kaj ili obeas lin.

²⁸Kaj tuj la famo pri li disvastigxis cxie en la tutan cxirkauxajxon de Galileo.

²⁹Kaj tuj, elirinte el la sinagogo, ili eniris en la domon de Simon kaj Andreo, kun Jakobo kaj Johano.

³⁰Sed la bopatrino de Simon kusxis malsana de febro; kaj tuj oni sciigis al li pri sxi;

³¹kaj veninte, li prenis sxian manon kaj levis sxin; kaj la febro forlasis sxin, kaj sxi servis al ili.

³²Kaj vespere, kiam la suno subiris, oni venigis al li cxiujn, kiuj estis malsanaj kaj demonhavantaj.

³³Kaj la tuta urbo kolektigxis cxe la pordo.

³⁴Kaj li sanigis multajn, kiuj malsanis de diversaj malsanoj, kaj elpelis multajn demonojn; kaj li ne permesis al la demonoj paroli, cxar ili konis lin.

³⁵Kaj matene, antaux ol la nokto pasis, li levigxis, kaj foriris en dezertan lokon, kaj tie pregxadis.

³⁶Kaj Simon kaj liaj kunuloj elsercxis lin;

³⁷kaj ili trovis lin, kaj diris al li: Cxiuj vin sercxas.

³⁸Kaj li diris al ili: Ni iru aliloken en la proksimajn urbetojn, por ke mi tie ankaux prediku; cxar por tio mi venis.

³⁹Kaj li iris, predikante en iliaj sinagogoj tra la tuta Galileo, kaj elpelante la demonojn.

⁴⁰Kaj venis al li leprulo, alvokante lin, kaj genuinte, li diris al li: Se vi nur volas, vi povas min purigi.

⁴¹Kaj kortusxite, li etendis la manon kaj tusxis lin, kaj diris al li: Mi volas; estu purigita.

⁴²Kaj tuj la lepro foriris de li, kaj li farigxis pura.

⁴³Kaj severe avertinte lin, li tuj forsendis lin,

⁴⁴kaj diris al li: Zorgu, ke vi diru nenion al iu; sed iru, montru vin al la pastro, kaj oferu pro via purigado tion, kion Moseo ordonis, por atesto al ili.

⁴⁵Sed li eliris, kaj komencis diligente rakonti kaj disfamigi la aferon, tiel ke Jesuo jam ne povis malkasxe eniri en urbon, sed restis ekstere en dezertaj lokoj; kaj oni venis al li el cxie.