Read La Sankta Biblio, sen Ĉapelo esparanto Marko 14 Bible Online

Marko 14 - La Sankta Biblio, sen Ĉapelo esparanto bible

Marko 14

¹Kaj post du tagoj estis la Pasko kaj la festo de macoj; kaj la cxefpastroj kaj skribistoj sercxis, kiamaniere ili povu per ruzo lin kapti kaj mortigi;

²cxar ili diris: Ne dum la festo, por ke ne estu tumulto de la popolo.

³Kaj dum li estis en Betania, en la domo de Simon, la leprulo, kiam li sidis cxe mangxo, venis virino, havanta alabastran vazon da pura narda sxmirajxo, tre multekosta; kaj rompinte la vazon, sxi surversxis lian kapon.

⁴Kaj iuj indignis inter si, dirante: Por kio farigxis cxi tiu malsxparo de la sxmirajxo?

⁵Cxar cxi tiun sxmirajxon oni povus vendi por pli ol tricent denaroj, kaj doni al malricxuloj. Kaj ili murmuris kontraux sxi.

⁶Kaj Jesuo diris: Lasu sxin; kial vi gxenas sxin? sxi faris bonan faron al mi.

⁷Cxar la malricxulojn vi cxiam havas kun vi, kaj kiam ajn vi volas, vi povas bonfari al ili; sed min vi ne cxiam havas.

⁸Kion sxi povis, tion sxi faris; sxi antauxfaris la sxmiron de mia korpo por la entombigo.

⁹Vere mi diras al vi: Kie ajn estos predikata la evangelio en la tuta mondo, tio ankaux, kion sxi faris, estos priparolata, por memorajxo de sxi.

¹⁰Kaj Judas Iskariota, kiu estis unu el la dek du, foriris al la cxefpastroj, por transdoni lin al ili.

¹¹Kaj auxdinte, ili gxojis, kaj promesis doni al li monon. Kaj li sercxis, kiamaniere oportune transdoni lin.

¹²Kaj en la unua tago de la macoj, kiam oni bucxis la Paskon, liaj discxiploj diris al li: Kien vi volas, ke ni iru, kaj pretigu, por ke vi mangxu la Paskon?

¹³Kaj li sendis du el siaj discxiploj, kaj diris al ili: Iru en la urbon, kaj vin renkontos viro, portanta krucxon da akvo;

¹⁴lin sekvu, kaj kien li eniros, tie diru al la domomastro: La Majstro diras: Kie estas mia gastocxambro, en kiu mi mangxos la Paskon kun miaj discxiploj?

¹⁵Kaj li mem montros al vi grandan supran cxambron, prete arangxitan; kaj tie vi pretigu por ni.

¹⁶Kaj foriris la discxiploj kaj iris en la urbon, kaj trovis tiel, kiel li diris al ili; kaj ili pretigis la Paskon.

¹⁷Kaj kiam vesperigxis, li venis kun la dek du.

¹⁸Kaj dum ili sidis kaj mangxis, Jesuo diris: Vere mi diras al vi, ke unu el vi perfidos min, unu, kiu mangxas kun mi.

¹⁹Kaj ili komencis malgxoji, kaj diri al li unu post la alia: Cxu eble mi?

²⁰Sed li diris al ili: Unu el la dek du, kiu trempas kun mi en la pladon.

²¹La Filo de homo iros, kiel estas skribite pri li; sed ve al tiu viro, de kiu la Filo de homo estos perfidita! Se tiu homo ne estus naskita, estus bone por li.

²²Kaj dum ili mangxis, li prenis panon, kaj, beninte, dispecigis gxin kaj donis al ili, kaj diris: Prenu; cxi tio estas mia korpo.

²³Kaj li prenis kalikon, kaj, doninte dankon, li donis al ili; kaj cxiuj trinkis el gxi.

²⁴Kaj li diris al ili: Cxi tio estas mia sango de la interligo, kiu estas elversxata por multaj.

²⁵Vere mi diras al vi: Mi ne plu trinkos el la frukto de la vinberarbo, gxis tiu tago, kiam mi trinkos gxin novan en la regno de Dio.

²⁶Kaj kantinte himnon, ili foriris al la monto Olivarba.

²⁷Kaj Jesuo diris al ili: Vi cxiuj ofendigxos; cxar estas skribite: Mi frapos la pasxtiston, kaj la sxafoj diskuros.

²⁸Tamen post mia relevigxo, mi iros antaux vi en Galileon.

²⁹Sed Petro diris al li: Ecx se cxiuj ofendigxos, tamen ne mi.

³⁰Kaj Jesuo diris al li: Vere mi diras al vi, ke hodiaux en cxi tiu nokto, antaux ol dufoje krios koko, vi trifoje malkonfesos min.

³¹Sed tre insiste li diris: Ecx se mi devos morti kun vi, mi neniel vin malkonfesos. Kaj tiel same diris ili cxiuj.

³²Kaj ili venis al loko, kies nomo estas Getsemane; kaj li diris al siaj discxiploj: Sidu cxi tie, dum mi pregxos.

³³Kaj li prenis kun si Petron kaj Jakobon kaj Johanon, kaj komencis tre konsternigxi kaj maltrankviligxi.

³⁴Kaj li diris al ili: Tre malgxoja estas mia animo, ecx gxis morto; restu cxi tie, kaj viglu.

³⁵Kaj irinte iom antauxen, li falis sur la teron, kaj pregxis, ke, se povas esti, la horo pasu for de li.

³⁶Kaj li diris: Aba, Patro, cxio estas ebla cxe Vi: forportu de mi cxi tiun kalikon; tamen estu ne tio, kion mi volas, sed kion Vi volas.

³⁷Kaj li venis, kaj trovis ilin dormantaj, kaj diris al Petro: Simon, cxu vi dormas? cxu vi ne havis forton vigli ecx unu horon?

³⁸Viglu kaj pregxu, por ke vi ne eniru en tenton; la spirito ja estas fervora, sed la karno estas malforta.

³⁹Kaj denove foririnte, li pregxis, dirante la samajn vortojn.

⁴⁰Kaj denove reveninte, li trovis ilin dormantaj, cxar iliaj okuloj pezigxis; kaj ili ne sciis, kion respondi al li.

⁴¹Kaj li venis la trian fojon, kaj diris al ili: Dormu nun kaj ripozu; suficxas; venis la horo; jen la Filo de homo estas perfidata en la manojn de pekuloj.

⁴²Levigxu, ni iru; jen mia perfidanto alproksimigxas.

⁴³Kaj tuj, dum li ankoraux parolis, venis Judas, unu el la dek du; kaj kun li homamaso kun glavoj kaj bastonoj venis de la cxefpastroj kaj la skribistoj kaj la pliagxuloj.

⁴⁴Kaj lia perfidanto jam antauxe arangxis kun ili signon, dirante: Kiun mi kisos, tiu estas li; kaptu kaj forkonduku lin garde.

⁴⁵Kaj veninte, li tuj iris al li, kaj diris: Rabeno; kaj kisis lin.

⁴⁶Kaj ili metis la manojn sur lin kaj arestis lin.

⁴⁷Sed unu el tiuj, kiuj staris apude, eltiris la glavon kaj frapis la sklavon de la cxefpastro, kaj detrancxis al li la orelon.

⁴⁸Kaj Jesuo responde diris al ili: Cxu vi elvenis, kvazaux kontraux rabiston, kun glavoj kaj bastonoj, por kapti min?

⁴⁹Cxiutage mi estis inter vi en la templo, instruante, kaj vi ne arestis min; tamen, ke plenumigxu la Skriboj.

⁵⁰Kaj cxiuj forlasis lin kaj forkuris.

⁵¹Kaj sekvis lin unu junulo, vestita per tolajxo cxirkaux la nuda korpo; kaj oni kaptis lin;

⁵²sed lasinte la tolajxon, li forkuris nuda.

⁵³Kaj oni forkondukis Jesuon al la cxefpastro; kaj kunvenis cxe li cxiuj cxefpastroj kaj pliagxuloj kaj skribistoj.

⁵⁴Kaj Petro malproksime sekvis lin gxis interne de la korto de la cxefpastro; kaj sidis kun la subuloj kaj sin varmigis apud la fajro.

⁵⁵Sed la cxefpastroj kaj la tuta sinedrio sercxis ateston kontraux Jesuo, por lin mortigi, kaj ne trovis.

⁵⁶Cxar multaj malvere atestis kontraux li, kaj iliaj atestoj ne akordigxis.

⁵⁷Kaj elpasxis iuj, kaj malvere atestis kontraux li, dirante:

⁵⁸Ni auxdis lin diri: Mi detruos cxi tiun sanktejon manfaritan, kaj en la dauxro de tri tagoj mi konstruos alian ne manfaritan.

⁵⁹Kaj ecx tiel ilia atesto ne akordigxis.

⁶⁰Kaj la cxefpastro starigxis en la mezo, kaj demandis Jesuon, dirante: Cxu vi respondas nenion? kion atestas cxi tiuj kontraux vi?

⁶¹Sed li silentadis kaj respondis nenion. Denove la cxefpastro demandis lin, kaj diris al li: Cxu vi estas la Kristo, la Filo de la Benato?

⁶²Kaj Jesuo diris: Mi estas; kaj vi vidos la Filon de homo, sidantan dekstre de la Potenco kaj venantan kun la nuboj de la cxielo.

⁶³Kaj la cxefpastro dissxiris siajn vestojn, kaj diris: Pro kio ni plu bezonas atestantojn?

⁶⁴Vi auxdis la blasfemon: kion vi opinias? Kaj ili cxiuj jugxis lin kondamninda al morto.

⁶⁵Kaj iuj komencis kracxi sur lin, kaj cxirkauxkovri lian vizagxon, kaj vangofrapi lin, kaj diri al li: Profetu; kaj la subuloj frapis lin per la manplatoj.

⁶⁶Kaj dum Petro estis malsupre sur la korto, venis unu el la servantinoj de la cxefpastro;

⁶⁷kaj vidante Petron sin varmigantan, sxi rigardis lin, kaj diris: Vi ankaux estis kun la Nazaretano, kun tiu Jesuo.

⁶⁸Sed li malkonfesis, dirante: Mi ne scias, nek komprenas, kion vi diras; kaj li iris en la vestiblon; kaj koko kriis.

⁶⁹Kaj lin vidinte, la servantino denove komencis diri al la apudstarantoj: Tiu estas el ili.

⁷⁰Kaj li denove malkonfesis. Kaj post iom da tempo la apudstarantoj denove diris al Petro: Vere vi estas el ili, cxar vi estas ja Galileano.

⁷¹Kaj li komencis malbeni kaj jxuri: Mi ne konas tiun homon, pri kiu vi parolas.

⁷²Kaj tuj la duan fojon koko kriis. Kaj Petro ekrememoris la vorton, kiun Jesuo diris al li: Antaux ol dufoje krios koko, vi trifoje malkonfesos min. Kaj pripensinte, li ekploris.