Read La Sankta Biblio, sen Ĉapelo esparanto Marko 7 Bible Online

Marko 7 - La Sankta Biblio, sen Ĉapelo esparanto bible

Marko 7

¹Kaj kolektigxis al li la Fariseoj kaj iuj el la skribistoj, kiuj venis el Jerusalem,

²kaj jam vidis, ke kelkaj el liaj discxiploj mangxas panon kun manoj profanaj, tio estas nelavitaj.

³Kaj la Fariseoj kaj cxiuj Judoj, se ili ne lavis zorge la manojn, ne mangxas, tenante la tradicion de la antauxuloj;

⁴kaj veninte el komercejo, ili ne mangxas, ne sin lavinte; kaj estas multaj aliaj aferoj, kiujn ili ricevis por observi, trempon de pokaloj kaj mezurpotoj kaj kupraj vazoj.

⁵Kaj lin demandis la Fariseoj kaj la skribistoj: Kial ne faras viaj discxiploj laux la tradicio de la antauxuloj, sed mangxas panon kun manoj profanaj?

⁶Kaj li diris al ili: Bone profetis Jesaja pri vi hipokrituloj, kiel estas skribite: Cxi tiu popolo honoras Min per siaj lipoj, Sed ilia koro estas malproksime de Mi.

⁷Sed vane ili Min adoras, Instruante kiel doktrinojn ordonojn de homoj.

⁸Cxar, forlasinte la ordonon de Dio, vi tenas la tradicion de homoj.

⁹Kaj li diris al ili: Efektive vi forrifuzas la ordonon de Dio, por observi vian tradicion.

¹⁰Cxar Moseo diris: Respektu vian patron kaj vian patrinon; kaj: Kiu malbenas sian patron aux sian patrinon, tiu nepre mortu.

¹¹Sed vi diras: Se iu diros al sia patro aux sia patrino: Korban, tio estas Oferdono, estu tio, per kio vi povus profiti de mi,

¹²vi jam ne permesas al li fari ion por sia patro aux sia patrino;

¹³vantigante la vorton de Dio per via tradicio, kiun vi transdonis; kaj multajn tiajn aferojn vi faras.

¹⁴Kaj denove alvokinte la homamason, li diris al ili: Cxiuj min auxskultu kaj komprenu:

¹⁵ekzistas nenio, kio, enirante en homon de ekstere, povas lin profani; sed kio eliras el homo, tio profanas la homon.

¹⁶Kiu havas orelojn por auxdi, tiu auxdu.

¹⁷Kaj kiam li eniris en domon for de la homamaso, liaj discxiploj demandis lin pri la parabolo.

¹⁸Kaj li diris al ili: Cxu vi ankaux estas tiel sen kompreno? Cxu vi ne konscias, ke cxio, eniranta de ekstere en homon, ne povas profani lin;

¹⁹cxar gxi eniras ne en lian koron, sed en la ventron, kaj eliras en apartan lokon? Tion li diris, indigante cxiajn mangxajxojn.

²⁰Kaj li diris: Kio elvenas el homo, tio profanas la homon.

²¹Cxar de interne, el la koro de homoj, eliras malvirtaj pensoj, malcxastajxoj,

²²sxteloj, mortigoj, adultoj, avideco, malindajxoj, ruzeco, voluptoj, malica okulo, blasfemo, aroganteco, malsagxeco;

²³cxiuj tiuj malbonoj elvenas de interne kaj profanas la homon.

²⁴Kaj irinte de tie, li venis en la limojn de Tiro kaj Cidon. Kaj enirinte en domon, li volis, ke neniu sciu; sed li ne povis esti kasxita.

²⁵Sed auxdinte pri li, iu virino, kies filineto havis malpuran spiriton, venis kaj falis antaux liaj piedoj.

²⁶Kaj la virino estis Grekino, rase Sirofenika. Kaj sxi petis lin, ke li elpelu la demonon el sxia filino.

²⁷Kaj li diris al sxi: Lasu unue satigi la infanojn, cxar ne decas preni la panon de la infanoj kaj jxeti gxin al la hundetoj.

²⁸Sed sxi respondis kaj diris al li: Jes, Sinjoro; cxar ecx la hundetoj sub la tablo mangxas el la panpecetoj de la infanoj.

²⁹Kaj li diris al sxi: Pro cxi tiu vorto iru vian vojon; la demono eliris el via filino.

³⁰Kaj kiam sxi iris en sian domon, sxi trovis la infaninon kusxigita sur la lito, kaj la demonon foririnta.

³¹Kaj denove foririnte el la limoj de Tiro, li venis tra Cidon al la Galilea Maro, tra la mezo de la limoj de Dekapolis.

³²Kaj oni kondukis al li viron surdan kaj apenaux parolkapablan, kaj petis lin, ke li metu sian manon sur lin.

³³Kaj kondukinte lin el la homamaso en apartan lokon, li metis siajn fingrojn en liajn orelojn, kaj kracxinte, li tusxis lian langon;

³⁴kaj suprenrigardinte al la cxielo, li gxemis, kaj diris al li: Efata, tio estas: Malfermigxu.

³⁵Kaj liaj oreloj malfermigxis, kaj la ligilo de lia lango malstrecxigxis, kaj li parolis klare.

³⁶Kaj li admonis ilin, ke oni diru tion al neniu; sed ju pli li malpermesis, des pli multe ili cxie sciigis gxin.

³⁷Kaj supermezure ili miregis, dirante: Li faris cxion bone; li igas la surdulojn auxdi, kaj la mutulojn paroli.