Read La Sankta Biblio, sen Ĉapelo esparanto Marko 9 Bible Online

Marko 9 - La Sankta Biblio, sen Ĉapelo esparanto bible

Marko 9

¹Kaj li diris al ili: Vere mi diras al vi: Inter la cxi tie starantaj estas iuj, kiuj neniel gustumos morton, antaux ol ili vidos la regnon de Dio venintan en potenco.

²Kaj post ses tagoj Jesuo prenis kun si Petron kaj Jakobon kaj Johanon, kaj kondukis ilin solajn sur altan monton aparte; kaj li estis aliformita antaux ili;

³kaj liaj vestoj farigxis brilantaj, treege blankaj, kiel fulisto sur la tero ne povas blankigi.

⁴Kaj aperis al ili Elija kun Moseo, kaj ili interparoladis kun Jesuo.

⁵Kaj Petro responde diris al Jesuo: Rabeno, estas bone por ni esti cxi tie; kaj ni faru tri lauxbojn: unu por vi, kaj unu por Moseo, kaj unu por Elija.

⁶Cxar li ne sciis, kion respondi, cxar ili tre timigxis.

⁷Kaj nubo superombris ilin; kaj elvenis vocxo el la nubo: Cxi tiu estas Mia Filo, la amata; auxskultu lin.

⁸Kaj subite, cxirkauxrigardinte, ili jam vidis neniun krom Jesuo sola.

⁹Kaj dum ili malsupreniris de la monto, li admonis ilin, ke al neniu ili rakontu tion, kion ili vidis, gxis la Filo de homo relevigxos el la mortintoj.

¹⁰Kaj ili konservis la diron, demandante inter si, kion signifas la relevigxo el la mortintoj.

¹¹Kaj ili demandis lin, dirante: Kial diras la skribistoj, ke Elija devas veni antauxe?

¹²Kaj li diris al ili: Vere Elija venas antauxe, kaj restarigas cxion; kaj kiel estas skribite pri la Filo de homo, ke li devas multe suferi kaj esti malestimata?

¹³Sed mi diras al vi, ke Elija jam venis, kaj oni faris al li cxion, kion ili volis, kiel estas skribite pri li.

¹⁴Kaj veninte al la discxiploj, ili vidis grandan homamason cxirkaux ili, kaj skribistojn diskutantajn kun ili.

¹⁵Kaj tuj la homamaso, vidante lin, forte miris, kaj alkuris, kaj salutis lin.

¹⁶Kaj li demandis ilin: Pri kio vi diskutas kun ili?

¹⁷Kaj unu el la amaso respondis al li: Majstro, mi venigis al vi mian filon, kiu havas mutan spiriton;

¹⁸kaj kie ajn gxi kaptas lin, gxi sxiras lin, kaj li sxauxmas kaj grincigas la dentojn kaj kadukigxas; kaj mi parolis al viaj discxiploj, ke ili elpelu gxin; kaj ili ne povis.

¹⁹Kaj li respondis al ili, dirante: Ho senfida generacio, gxis kiam mi estos kun vi? gxis kiam mi toleros vin? venigu lin al mi.

²⁰Kaj ili venigis lin al li; kaj vidinte lin, tuj la spirito konvulsiigis lin, kaj li falis teren kaj ruligxis sxauxmanta.

²¹Kaj li demandis la patron: De kiom da tempo okazadas cxi tio al li? Kaj li diris: De infaneco.

²²Kaj ofte gxi jxetis lin en fajron kaj en akvon, por pereigi lin; sed se vi povas fari ion, kompatu al ni kaj helpu nin.

²³Kaj Jesuo diris al li: Kiel, se vi povas! Cxio estas ebla por kredanto.

²⁴Tuj ekkriante, la patro de la infano diris: Mi kredas; helpu mian nekredemon.

²⁵Kaj kiam Jesuo vidis, ke homamaso alkuras, li severe admonis la malpuran spiriton, dirante al gxi: Vi muta kaj surda spirito, mi ordonas al vi: Eliru el li, kaj ne plu eniru en lin.

²⁶Kaj ekkriinte, kaj multe konvulsiiginte lin, gxi eliris; kaj li farigxis kvazaux mortinto, tiel ke la plimulto diris: Li mortis.

²⁷Sed Jesuo, preninte lin je la mano, levis lin; kaj li starigxis.

²⁸Kaj kiam li eniris en la domon, liaj discxiploj aparte demandis lin: Kial ni ne povis elpeli gxin?

²⁹Kaj li diris al ili: Cxi tiu speco neniel povas eliri, krom per pregxado.

³⁰Kaj foririnte, ili trapasis tra Galileo; kaj li deziris, ke neniu tion eksciu.

³¹Cxar li instruadis siajn discxiplojn, kaj diris al ili: La Filo de homo estas transdonita en la manojn de homoj, kaj ili mortigos lin; kaj, mortigite, li levigxos post tri tagoj.

³²Sed ili ne komprenis la diron, kaj timis demandi lin.

³³Kaj ili venis al Kapernaum, kaj kiam li estis en la domo, li demandis ilin: Pri kio vi diskutis sur la vojo?

³⁴Sed ili silentis; cxar ili diskutis inter si sur la vojo pri tio, kiu estas la plej granda.

³⁵Kaj sidigxinte, li alvokis la dek du, kaj diris al ili: Se iu volas esti unua, li estos lasta el cxiuj, kaj servanto de cxiuj.

³⁶Kaj preninte infanon, li starigis gxin meze de ili; kaj cxirkauxbrakinte gxin, li diris al ili:

³⁷Kiu akceptos unu el tiaj infanoj en mia nomo, tiu akceptas min; kaj kiu akceptas min, tiu akceptas ne min, sed Tiun, kiu sendis min.

³⁸Johano diris al li: Majstro, ni vidis iun elpelantan demonojn en via nomo; kaj ni malpermesis lin, cxar li ne sekvas nin.

³⁹Sed Jesuo diris: Ne malpermesu lin; cxar neniu, kiu faros miraklon en mia nomo, povos facile paroli malbone pri mi.

⁴⁰Cxar tiu, kiu ne estas kontraux ni, estas por ni.

⁴¹Cxar kiu donos al vi trinki tason da akvo, pro tio, ke vi apartenas al Kristo, vere mi diras al vi, tiu neniel perdos sian rekompencon.

⁴²Kaj kiu igos fali unu el cxi tiuj malgranduloj, kiuj kredas al mi, estus pli bone por tiu, se granda muelsxtono estus pendigita cxirkaux lia kolo, kaj se li estus jxetita en la maron.

⁴³Kaj se via mano faligas vin, detrancxu gxin: estas bone por vi eniri en vivon kripla prefere ol, havante du manojn, eniri en Gehenan, en la neestingeblan fajron,

⁴⁴kie ilia vermo ne pereas kaj la fajro ne estingigxas.

⁴⁵Kaj se via piedo faligas vin, detrancxu gxin: estas bone por vi eniri en vivon lama prefere ol, havante du piedojn, esti jxetita en Gehenan,

⁴⁶kie ilia vermo ne pereas kaj la fajro ne estingigxas.

⁴⁷Kaj se via okulo faligas vin, elsxiru gxin: estas bone por vi eniri en la regnon de Dio kun unu okulo prefere ol, havante du okulojn, esti jxetita en Gehenan,

⁴⁸kie ilia vermo ne pereas kaj la fajro ne estingigxas.

⁴⁹Cxar cxiu estos salita per fajro.

⁵⁰Salo estas bona; sed se la salo farigxis nesala, kiel vi rebonigos gxin? Havu salon en vi, kaj pacigxu unu kun alia.