Read La Sankta Biblio, sen Ĉapelo esparanto Luko 1 Bible Online

Luko 1 - La Sankta Biblio, sen Ĉapelo esparanto bible

Luko 1

¹Cxar multaj jam entreprenis arangxi historion pri la faktoj, kiuj estas konstatitaj inter ni,

²kiel ilin transdonis al ni tiuj, kiuj de la komenco vidis mem kaj estis administrantoj de la vorto,

³sxajnis bone ankaux al mi, esplorinta cxion atente de la komenco, skribi en ordo al vi, plej eminenta Teofilo,

⁴por ke vi povu scii la certecon pri la aferoj, pri kiuj vi estas instruita.

⁵En la tagoj de Herodo, regxo de Judujo, estis pastro nomata Zehxarja, el la dejxora grupo de Abija; kaj li havis edzinon el la filinoj de Aaron, kaj sxia nomo estis Elizabeto.

⁶Kaj ambaux estis justaj antaux Dio, irantaj laux cxiuj ordonoj kaj instruoj de la Eternulo sen riprocxo.

⁷Kaj ili ne havis infanon, cxar Elizabeto estis senfrukta, kaj ili ambaux estis en profunda agxo.

⁸Kaj dum li plenumis sian pastradon antaux Dio en la vico de sia grupo,

⁹laux la kutimo de la pastra ofico estis lia loto eniri en la sanktejon de la Eternulo kaj incensadi.

¹⁰Kaj la tuta amaso de la popolo pregxis ekstere dum la horo de la incensado.

¹¹Kaj aperis antaux li angxelo de la Eternulo, staranta dekstre de la altaro de incensado.

¹²Kaj Zehxarja maltrankviligxis, kiam li vidis lin, kaj sur lin falis timo.

¹³Sed la angxelo diris al li: Ne timu, Zehxarja; cxar via pregxo estas auxdita, kaj via edzino Elizabeto naskos al vi filon, kaj vi donos al li la nomon Johano.

¹⁴Kaj vi havos gxojon kaj felicxon, kaj multaj gxojos pro lia naskigxo.

¹⁵Cxar li estos granda antaux la Sinjoro, kaj li ne trinkos vinon nek ebriigajxon; kaj li estos plena de la Sankta Spirito jam de la ventro de sia patrino.

¹⁶Kaj multajn el la filoj de Izrael li turnos al la Eternulo, ilia Dio.

¹⁷Kaj li iros antaux Lia vizagxo en la spirito kaj potenco de Elija, por turni la korojn de la patroj al la infanoj kaj la malobeemajn al la sagxeco de la justuloj, por pretigi por la Sinjoro popolon preparitan.

¹⁸Kaj Zehxarja diris al la angxelo: Per kio mi scios tion? cxar mi estas maljunulo, kaj mia edzino havas profundan agxon.

¹⁹Kaj la angxelo responde diris al li: Mi estas Gabriel, kiu staras antaux Dio; kaj mi estas sendita, por paroli al vi kaj fari al vi tiun bonan sciigon.

²⁰Kaj jen vi silentos kaj estos ne kapabla paroli, gxis la tago, kiam tio okazos, cxar vi ne kredis miajn vortojn, kiuj plenumigxos siatempe.

²¹Kaj la popolo atendis Zehxarjan, kaj miris pro lia restado en la sanktejo.

²²Kaj kiam li elvenis, li ne povis paroli al ili; kaj ili eksciis, ke li vidis vizion en la sanktejo; kaj li faradis signojn al ili, kaj restis muta.

²³Kaj kiam finigxis la tagoj de lia pastrado, li foriris en sian domon.

²⁴Kaj post tiuj tagoj lia edzino Elizabeto gravedigxis, kaj kasxis sin kvin monatojn, dirante:

²⁵Tiamaniere agis la Eternulo rilate al mi en la tagoj, kiam Li favore rigardis min, por forpreni mian riprocxon inter homoj.

²⁶Kaj en la sesa monato la angxelo Gabriel estis sendita de Dio en urbon de Galileo, nomatan Nazaret,

²⁷al virgulino fiancxinigita kun viro, kies nomo estis Jozef, el la domo de David; kaj la nomo de la virgulino estis Maria.

²⁸Kaj li venis al sxi, kaj diris: Saluton al vi la grace favorita, la Eternulo estas kun vi.

²⁹Sed sxi tre maltrankviligxis cxe tiu diro, kaj konsideris, kia povas esti tiu saluto.

³⁰Kaj la angxelo diris al sxi: Ne timu, Maria; cxar vi trovis gracon antaux Dio.

³¹Kaj jen vi gravedigxos en via ventro kaj naskos filon, kaj vi nomos lin JESUO.

³²Li estos granda, kaj estos nomata Filo de la Plejaltulo; kaj Dio, la Eternulo, donos al li la tronon de lia patro David;

³³kaj li regxos super la domo de Jakob eterne, kaj lia regno ne havos finon.

³⁴Kaj Maria diris al la angxelo: Kiel estos tio, cxar mi ne konas viron?

³⁵Kaj la angxelo responde diris al sxi: La Sankta Spirito venos sur vin, kaj la potenco de la Plejaltulo superombros vin; pro kio ankaux la naskotajxo estos nomata sankta, la Filo de Dio.

³⁶Kaj jen via parencino Elizabeto ankaux gravedigxis je filo en sia maljuneco, kaj la nuna monato estas la sesa por sxi, kiun oni nomis senfrukta.

³⁷Cxar cxe Dio nenio estas neebla.

³⁸Kaj Maria diris: Jen la sklavino de la Eternulo; estu al mi laux via diro. Kaj la angxelo foriris de sxi.

³⁹Kaj en tiuj tagoj Maria levigxis kaj senprokraste vojagxis en la montan regionon, en urbon de Judujo;

⁴⁰kaj enirinte en la domon de Zehxarja, sxi salutis Elizabeton.

⁴¹Kaj kiam Elizabeto auxdis la saluton de Maria, la infaneto eksaltis en sxia ventro; kaj Elizabeto plenigxis de la Sankta Spirito,

⁴²kaj sxi levis sian vocxon per lauxta krio, kaj diris: Benata vi estas inter virinoj, kaj benata estas la frukto de via ventro.

⁴³Kaj pro kio okazas al mi cxi tio, ke la patrino de mia Sinjoro venas al mi?

⁴⁴Cxar jen kiam la vocxo de via saluto venis en miajn orelojn, la infaneto gxoje eksaltis en mia ventro.

⁴⁵Kaj felicxa estas sxi, kiu kredis, cxar plenumigxos tio, kio estas dirita al sxi de la Eternulo.

⁴⁶Kaj Maria diris: Mia animo altigas la Eternulon,

⁴⁷Kaj mia spirito gxojis en Dio, mia Savanto,

⁴⁸Cxar Li rigardis la humilecon de Sia sklavino; Cxar jen de nun cxiuj generacioj nomos min felicxa.

⁴⁹Cxar la Potenculo faris al mi grandajxojn, Kaj sankta estas Lia nomo.

⁵⁰Kaj Lia boneco estas por cxiuj generacioj Al tiuj, kiuj Lin timas.

⁵¹Li montris forton per Sia brako, Li dispelis fierulojn en la penso de ilia koro.

⁵²Li malaltigis potenculojn de iliaj tronoj, Kaj Li altigis humilulojn.

⁵³Malsatulojn Li plenigis per bonajxo, Kaj ricxulojn Li forsendis malplenaj.

⁵⁴Li helpis Sian servanton Izrael, Memorante Sian korfavoron.

⁵⁵Kiel Li parolis al niaj patroj, Al Abraham kaj al lia idaro eterne.

⁵⁶Kaj Maria logxis cxi sxi tri monatojn, kaj reiris al sia domo.

⁵⁷Kaj venis por Elizabeto la tempo, en kiu sxi devis naski; kaj sxi naskis filon.

⁵⁸Kaj sxiaj najbaroj kaj sxiaj parencoj auxdis, ke la Eternulo pligrandigis Sian bonecon al sxi; kaj ili gxojis kun sxi.

⁵⁹Kaj en la oka tago oni venis, por cirkumcidi la infaneton; kaj ili eknomis lin Zehxarja, laux la nomo de lia patro.

⁶⁰Kaj lia patrino responde diris: Tute ne; sed li estos nomata Johano.

⁶¹Kaj ili diris al sxi: El via parencaro estas neniu, kiu estas nomata per tiu nomo.

⁶²Kaj ili faris signojn al lia patro pri tio, kiel li volas, ke li estu nomata.

⁶³Kaj li petis tabuleton, kaj skribis jene: Lia nomo estas Johano. Kaj cxiuj miris.

⁶⁴Kaj tuj lia busxo malfermigxis, kaj lia lango liberigxis; kaj li parolis, glorante Dion.

⁶⁵Kaj timo venis sur cxiujn, kiuj logxis cxirkaux ili, kaj tra la tuta monta regiono de Judujo disvastigxis rakonto pri cxio tio.

⁶⁶Kaj cxiuj auxdantoj konservis tion en sia koro, dirante: Kia do estos cxi tiu knabeto? Cxar la mano de la Eternulo estis kun li.

⁶⁷Kaj lia patro Zehxarja plenigxis de la Sankta Spirito, kaj profetis, dirante:

⁶⁸Benata estu la Eternulo, la Dio de Izrael, Cxar Li vizitis Sian popolon kaj faris por ili elacxeton,

⁶⁹Kaj levis kornon de savo por ni En la domo de Sia servanto David,

⁷⁰Kiel Li parolis per la busxo de Siaj sanktaj profetoj, de post la komenco de la mondo,

⁷¹Savadon el niaj malamikoj kaj el la mano de cxiuj niaj malamantoj;

⁷²Por montri Sian bonecon cxe niaj patroj, Kaj por memori Sian sanktan interligon;

⁷³La jxuron, kiun Li jxuris al nia patro Abraham;

⁷⁴Ke Li donos al ni, ke, liberigite el la mano de niaj malamikoj, Ni servu Lin sentime,

⁷⁵En sankteco kaj justeco antaux Li cxiujn niajn tagojn.

⁷⁶Kaj vi, infano, estos nomata profeto de la Plejaltulo, Cxar vi iros antaux la vizagxo de la Sinjoro, por pretigi liajn vojojn,

⁷⁷Por doni al lia popolo scion de savo En la pardonado de iliaj pekoj,

⁷⁸Pro la kompata koro de nia Dio, Per kiu nin vizitis la sunlevigxo de supre,

⁷⁹Por lumi sur tiujn, kiuj sidas en mallumo kaj en la ombro de morto, Por gvidi niajn piedojn en la vojojn de paco.

⁸⁰Kaj kreskis la infano kaj fortigxis en spirito, kaj estis en la dezertoj gxis la tago de sia ekmontrigxo al Izrael.