Read La Sankta Biblio, sen Ĉapelo esparanto Luko 13 Bible Online

Luko 13 - La Sankta Biblio, sen Ĉapelo esparanto bible

Luko 13

¹Kaj cxeestis en tiu sama tempo iuj, kiuj rakontis al li pri tiuj Galileanoj, kies sangon Pilato miksis kun iliaj oferajxoj.

²Kaj responde li diris al ili: Cxu vi pensas, ke tiuj Galileanoj estis pekuloj pli ol cxiuj Galileanoj, pro tio, ke ili tion suferis?

³Mi diras al vi: Neniel; sed se vi ne pentos, vi cxiuj tiel same pereos.

⁴Aux pri tiuj dek ok, sur kiujn falis la turo en Sxiloahx kaj ilin mortigis, cxu vi pensas, ke ili estis pekuloj pli ol cxiuj homoj, kiuj logxis en Jerusalem?

⁵Neniel, mi diras al vi; sed se vi ne pentos, vi cxiuj ankaux pereos.

⁶Kaj li parolis la jenan parabolon: Unu viro havis figarbon, plantitan en lia vinbergxardeno, kaj li venis, sercxante frukton sur gxi, kaj ne trovis.

⁷Kaj li diris al la vinberisto: Jen tri jarojn mi venas, sercxante frukton sur cxi tiu figarbo, kaj mi ne trovas; elhaku gxin; kial gxi senutiligas ankaux la teron?

⁸Sed li responde diris: Sinjoro, lasu gxin resti ankaux cxi tiun jaron, gxis mi fosos cxirkaux gxi kaj metos sterkon;

⁹kaj se gxi poste donos frukton, bone; sed se ne, vi elhakos gxin.

¹⁰Kaj li instruadis en unu el la sinagogoj en la sabato.

¹¹Kaj jen virino, kiu dum dek ok jaroj havis spiriton de malforteco; kaj sxi estis kunkurbita kaj neniel povis levigxi.

¹²Kaj vidinte sxin, Jesuo vokis sxin, kaj diris: Virino, vi estas liberigita el via malforteco.

¹³Kaj li metis sur sxin la manojn, kaj sxi tuj rektigxis kaj gloris Dion.

¹⁴Kaj la sinagogestro, indignante, ke Jesuo resanigis en la sabato, respondis kaj diris al la homamaso: Ekzistas ses tagoj, en kiuj oni devas labori; en ili do venu, por esti resanigitaj, kaj ne en la sabata tago.

¹⁵Sed la Sinjoro respondis al li kaj diris: Ho hipokrituloj! cxu ne cxiu el vi en la sabato malligas sian bovon aux sian azenon el la stalo, kaj forkondukas gxin, por trinkigi?

¹⁶Kaj cxu ne devis cxi tiu virino, estante filino de Abraham, ligite de Satano jen dek ok jarojn, esti malligita el cxi tiu kateno en la sabata tago?

¹⁷Kaj kiam li tion diris, cxiuj liaj kontrauxuloj hontigxis; kaj la tuta homamaso gxojis pro cxiuj gloraj agoj, faritaj de li.

¹⁸Kaj li diris: Al kio similas la regno de Dio? kaj al kio mi gxin komparu?

¹⁹Gxi estas simila al sinapa semeto, kiun viro prenis kaj jxetis en sian gxardenon; kaj gxi kreskis kaj farigxis arbo; kaj la birdoj de la cxielo logxis en gxiaj brancxoj.

²⁰Poste li diris: Al kio mi komparu la regnon de Dio?

²¹Gxi estas simila al fermentajxo, kiun virino prenis kaj kasxis en tri mezuroj da faruno, gxis la tuto fermentis.

²²Kaj li iris tra urboj kaj vilagxoj, instruante kaj irante cxiam pluen al Jerusalem.

²³Kaj iu diris al li: Sinjoro, cxu malmultaj estas la savataj? Kaj li diris al ili:

²⁴Strebu eniri tra la mallargxa pordo; cxar multaj, mi diras al vi, deziros eniri kaj ne povos.

²⁵Kiam la domomastro levigxos kaj sxlosos la pordon, kaj vi komencos stari ekstere kaj frapi sur la pordon, dirante: Sinjoro, malfermu al ni; kaj li respondos kaj diros al vi: Mi ne scias, de kie vi estas;

²⁶tiam vi ekparolos: Ni mangxis kaj trinkis antaux vi, kaj sur niaj stratoj vi instruadis;

²⁷kaj li parolos, kaj diros al vi: Mi ne scias, de kie vi estas; foriru de mi, cxiuj farantoj de maljusteco.

²⁸Tie estos la plorado kaj la grincado de dentoj, kiam vi vidos Abrahamon kaj Isaakon kaj Jakobon kaj cxiujn profetojn en la regno de Dio, kaj vin mem forpelitaj eksteren.

²⁹Kaj oni venos el oriento kaj el okcidento, kaj el nordo kaj el sudo, kaj sidigxos en la regno de Dio.

³⁰Kaj jen estas lastaj, kiuj estos unuaj; kaj estas unuaj, kiuj estos lastaj.

³¹En tiu sama horo alvenis iuj Fariseoj, kaj diris al li: Eliru kaj foriru de cxi tie, cxar Herodo volas mortigi vin.

³²Kaj li diris al ili: Iru, kaj diru al tiu vulpo: Jen mi elpelas demonojn kaj faras sanigojn hodiaux kaj morgaux, kaj la trian tagon mi estos perfektigita.

³³Sed mi devas iradi hodiaux kaj morgaux kaj postmorgaux, cxar ne povas esti, ke profeto pereos ekster Jerusalem.

³⁴Ho Jerusalem, Jerusalem, kiu pereigas la profetojn kaj sxtonmortigas tiujn, kiuj estas senditaj al gxi! kiom ofte mi deziris kolekti viajn infanojn, kiel kokino kolektas sian idaron sub la flugilojn, kaj vi ne volis!

³⁵Jen via domo estas lasita al vi dezerta; kaj mi diras al vi: Vi min ne vidos, gxis vi diros: Estu benata tiu, kiu venas en la nomo de la Eternulo.