Read La Sankta Biblio, sen Ĉapelo esparanto Luko 20 Bible Online

Luko 20 - La Sankta Biblio, sen Ĉapelo esparanto bible

Luko 20

¹Kaj en unu el la tagoj, dum li instruis la popolon en la templo kaj predikis la evangelion, la cxefpastroj kaj la skribistoj venis kun la pliagxuloj;

²kaj ili ekparolis, dirante al li: Diru al ni: Laux kia auxtoritato vi cxi tion faras? aux kiu estas tiu, kiu donis al vi tian auxtoritaton?

³Kaj responde li diris al ili: Mi ankaux faros al vi demandon, kaj diru al mi:

⁴La baptado de Johano, cxu gxi estis el la cxielo, aux el homoj?

⁵Kaj ili diskutis inter si, dirante: Se ni diros: El la cxielo; li diros: Kial vi ne kredis al li?

⁶Sed se ni diros: El homoj; la tuta popolo sxtonmortigos nin, cxar ili estas konvinkitaj, ke Johano estis profeto.

⁷Kaj ili respondis, ke ili ne scias, de kie gxi estis.

⁸Kaj Jesuo diris al ili: Kaj mi ne diras al vi, laux kia auxtoritato mi faras cxi tion.

⁹Kaj li komencis paroli al la popolo la jenan parabolon: Unu viro plantis vinbergxardenon, kaj luigis gxin al kultivistoj, kaj forvojagxis por longa tempo.

¹⁰Kaj en la gxusta tempo li sendis sklavon al la kultivistoj, por ke ili donu al li el la frukto de la vinberejo; sed la kultivistoj skurgxis lin, kaj forsendis lin senhava.

¹¹Kaj li sendis ankoraux alian sklavon, kaj lin ankaux ili skurgxis kaj malhonoris, kaj forsendis lin senhava.

¹²Kaj li sendis ankoraux trian, kaj lin ankaux ili vundis kaj eljxetis.

¹³Kaj la sinjoro de la vinberejo diris: Kion mi faru? Mi sendos mian amatan filon; eble lin ili respektos.

¹⁴Sed kiam la kultivistoj lin vidis, ili diskutis unu kun alia, dirante: Cxi tiu estas la heredonto; ni lin mortigu, por ke la heredajxo farigxu nia.

¹⁵Kaj ili eljxetis lin el la vinberejo kaj lin mortigis. Kion do faros al ili la sinjoro de la vinberejo?

¹⁶Li venos kaj pereigos cxi tiujn kultivistojn, kaj donos la vinberejon al aliaj. Kaj auxdinte tion, ili diris: Ne tiel estu.

¹⁷Sed li, rigardante ilin, diris: Kio do estas la jena skribitajxo: Sxtono, kiun malsxatis la konstruantoj, Farigxis sxtono bazangula?

¹⁸Cxiu, kiu falas sur tiun sxtonon, rompigxos; sed sur kiun gxi falos, tiun gxi polvigos.

¹⁹Kaj la skribistoj kaj cxefpastroj celis meti manojn sur lin en tiu sama horo, kaj ili timis la popolon; cxar ili eksciis, ke kontraux ili li parolis cxi tiun parabolon.

²⁰Kaj ili observis lin, kaj elsendis spionojn, kiuj sxajnigis sin justaj, por ke ili ekkaptu lian parolon, celante transdoni lin al la potenco kaj auxtoritato de la provincestro.

²¹Kaj ili demandis lin, dirante: Majstro, ni scias, ke vi prave parolas kaj instruas, kaj ne akceptas ies personon, sed instruas laux vero la vojon de Dio:

²²Cxu konvenas al ni doni tributon al Cezaro, aux ne?

²³Sed sciante ilian ruzecon, li diris al ili:

²⁴Montru al mi denaron. Kies bildon kaj surskribajxon gxi portas? Kaj ili respondis: De Cezaro.

²⁵Kaj li diris al ili: Tial redonu al Cezaro la proprajxon de Cezaro, kaj al Dio la proprajxon de Dio.

²⁶Kaj ili ne povis ekkapti la diron antaux la popolo; kaj ili miris pro lia respondo, kaj silentis.

²⁷Kaj venis iuj el la Sadukeoj, kiuj diras, ke ne estas relevigxo; kaj ili demandis lin,

²⁸dirante: Majstro, Moseo skribis por ni, ke, se ies frato mortos, havante edzinon, kaj li estas seninfana, lia frato prenu la edzinon kaj naskigu idaron al sia frato.

²⁹Estis do sep fratoj; kaj la unua edzigxis, kaj mortis seninfana;

³⁰ankaux la dua;

³¹kaj la tria sxin prenis; kaj tiel same ankaux la sep ne lasis infanojn, kaj mortis.

³²Laste mortis ankaux la virino.

³³En la relevigxo do por kiu el ili sxi estos edzino? cxar la sep havis sxin kiel edzinon.

³⁴Kaj Jesuo diris al ili: La filoj de cxi tiu mondo edzigxas kaj estas edzigataj;

³⁵sed kiuj estas jugxitaj indaj atingi tiun mondon kaj la relevigxon el la mortintoj, tiuj nek edzigxas nek edzinigxas;

³⁶cxar ili ne plu povas morti; cxar ili estas egalaj kun la angxeloj, kaj estas filoj de Dio, estante filoj de la relevigxo.

³⁷Sed ke la mortintoj levigxas, Moseo mem montris en la arbetajxo, kiam li nomis la Eternulon la Dio de Abraham kaj la Dio de Isaak kaj la Dio de Jakob.

³⁸Li estas Dio ne de mortintoj, sed de la vivantoj, cxar cxiuj vivas al Li.

³⁹Kaj iuj el la skribistoj responde diris: Majstro, vi bone diris.

⁴⁰Kaj ili ne plu kuragxis fari al li demandon.

⁴¹Kaj li diris al ili: Kiel oni diras, ke la Kristo estas filo de David?

⁴²Cxar David mem diras en la Psalmaro: La Eternulo diris al mia Sinjoro: Sidu dekstre de Mi,

⁴³Gxis Mi faros viajn malamikojn benketo por viaj piedoj.

⁴⁴Tial David nomas lin Sinjoro, kaj kiamaniere li estas lia filo?

⁴⁵Kaj dum la tuta popolo auxskultis, li diris al siaj discxiploj:

⁴⁶Gardu vin kontraux la skribistoj, kiuj amas promenadi en roboj kaj amas salutojn sur la placoj, kaj cxefsegxojn en la sinagogoj, kaj cxeflokojn cxe festenoj;

⁴⁷kaj kiuj formangxas domojn de vidvinoj, kaj por preteksto longe pregxas. Cxi tiuj ricevos pli severan kondamnon.