Read La Sankta Biblio, sen Ĉapelo esparanto Luko 22 Bible Online

Luko 22 - La Sankta Biblio, sen Ĉapelo esparanto bible

Luko 22

¹Jam alproksimigxis la festo de macoj, kiu estas nomata la Pasko.

²Kaj la cxefpastroj kaj la skribistoj sercxis, kiamaniere ili povu mortigi lin, cxar ili timis la popolon.

³Kaj Satano eniris en Judason, nomatan Iskariota, kiu estis el la nombro de la dek du.

⁴Kaj li foriris kaj interparolis kun la cxefpastroj kaj kapitanoj, kiamaniere transdoni lin al ili.

⁵Kaj ili gxojis, kaj konsentis doni al li monon.

⁶Kaj li promesis, kaj sercxis okazon transdoni lin al ili, for de la homamaso.

⁷Kaj venis la tago de macoj, kiam oni devis bucxi la Paskon.

⁸Kaj li sendis Petron kaj Johanon, dirante: Iru kaj pretigu por ni la Paskon, por ke ni gxin mangxu.

⁹Kaj ili diris al li: Kie vi volas, ke ni pretigu?

¹⁰Kaj li diris al ili: Jen kiam vi estos enirintaj en la urbon, vin renkontos viro, portanta krucxon da akvo; lin sekvu en la domon, en kiun li eniros.

¹¹Kaj vi diros al la domomastro: La Majstro diras: Kie estas la gastocxambro, en kiu mi mangxos la Paskon kun miaj discxiploj?

¹²Kaj li montros al vi grandan supran cxambron arangxitan; tie pretigu.

¹³Kaj ili iris kaj trovis tiel, kiel li diris al ili; kaj ili pretigis la Paskon.

¹⁴Kaj kiam alvenis la horo, li sidigxis, kaj la apostoloj kun li.

¹⁵Kaj li diris al ili: Kun deziro mi deziris mangxi cxi tiun Paskon kun vi, antaux ol mi suferos;

¹⁶cxar mi diras al vi: Mi ne mangxos gxin, antaux ol gxi plenumigxos en la regno de Dio.

¹⁷Kaj ricevinte kalikon, kaj doninte dankon, li diris: Cxi tion prenu kaj dividu inter vi;

¹⁸cxar mi diras al vi: De nun mi ne trinkos el la frukto de la vinberarbo, gxis venos la regno de Dio.

¹⁹Kaj li prenis panon, kaj doninte dankon, li gxin dispecigis kaj donis al ili, dirante: Cxi tio estas mia korpo, kiu estas donita por vi; cxi tion faru por memorigo pri mi.

²⁰Sammaniere ankaux la kalikon post la vespermangxo, dirante: Cxi tiu kaliko estas la nova interligo en mia sango, kiu estas elversxata por vi.

²¹Sed jen la mano de tiu, kiu min perfidas, estas apud mi sur la tablo.

²²Cxar la Filo de homo ja iros, laux la antauxdecido; sed ve al tiu viro, de kiu li estos perfidata!

²³Kaj ili komencis diskuti inter si: kiu el ili faros tion.

²⁴Kaj farigxis ankaux inter ili disputo: kiun el ili oni opinias la plej granda.

²⁵Kaj li diris al ili: La regxoj de la nacianoj faras sin sinjoroj super ili; kaj tiujn, kiuj potencas inter ili, oni nomas Bonfarantoj.

²⁶Sed vi ne estu tiaj; sed kiu estas la pli granda el vi, tiu farigxu kiel la pli juna; kaj tiu, kiu estas cxefa, kiel la servanto.

²⁷Cxar kiu estas la pli granda, la sidanto cxe mangxo, aux la servanto? cxu ne la sidanto cxe mangxo? sed mi estas meze de vi kiel la servanto.

²⁸Sed vi estas tiuj, kiuj restadis apud mi en miaj tentoj;

²⁹kaj mi difinas por vi regnon, kiel mia Patro difinis por mi;

³⁰por ke vi mangxu kaj trinku cxe mia tablo en mia regno, kaj sidu sur tronoj, jugxante la dek du tribojn de Izrael.

³¹Simon, Simon, jen Satano postulis vin cxiujn, por kribri kiel tritikon;

³²sed mi pregxis por vi, ke via fido ne sxanceligxu; kaj vi, kiam vi konvertigxos, firmigu viajn fratojn.

³³Kaj li diris al li: Sinjoro, vin mi estas preta akompani ecx al malliberejo kaj al morto.

³⁴Kaj li diris: Mi diras al vi, Petro, koko ne krios hodiaux, antaux ol vi trifoje malkonfesos, ke vi min konas.

³⁵Kaj li diris al ili: Kiam mi vin elsendis sen monujo kaj sako kaj sxuoj, cxu io mankis al vi?

³⁶Kaj ili diris: Nenio. Kaj li diris al ili: Sed nun kiu havas monujon, tiu prenu gxin, kaj ankaux sakon; kaj kiu ne havas, tiu vendu sian mantelon kaj acxetu glavon.

³⁷Cxar mi diras al vi, ke tio, kio estas skribita, devas plenumigxi pri mi: Kaj li estis alkalkulita al krimuloj; cxar tio, kio rilatas al mi, havas sian finon.

³⁸Kaj ili diris: Sinjoro, jen estas du glavoj; kaj li diris al ili: Suficxas.

³⁹Kaj elirinte, li iris laux sia kutimo al la monto Olivarba, kaj la discxiploj lin sekvis.

⁴⁰Kaj veninte al la loko, li diris al ili: Pregxu, ke vi ne eniru en tenton.

⁴¹Kaj li iris for de ili proksimume sxtonjxeton, kaj li genuis, kaj pregxis,

⁴²dirante: Patro, se Vi volas, formetu de mi cxi tiun kalikon; tamen plenumigxu ne mia volo, sed Via.

⁴³Kaj aperis antaux li angxelo el la cxielo, fortigante lin.

⁴⁴Kaj estante en agonio, li pregxis pli fervore, kaj lia sxvito farigxis kiel gutoj da sango, defalantaj sur la teron.

⁴⁵Kaj levigxinte post la pregxo, li venis al la discxiploj kaj trovis ilin dormantaj de malgxojo,

⁴⁶kaj diris al ili: Kial vi dormas? levigxu kaj pregxu, ke vi ne eniru en tenton.

⁴⁷Dum li ankoraux parolis, jen homamaso; kaj tiu, kiu estis nomata Judas, unu el la dek du, iris antaux ili, kaj alproksimigxis al Jesuo, por kisi lin.

⁴⁸Sed Jesuo diris al li: Judas, cxu vi perfidas per kiso la Filon de homo?

⁴⁹Kaj kiam tiuj, kiuj cxirkauxis lin, vidis, kio sekvos, ili diris: Sinjoro, cxu ni frapu per glavo?

⁵⁰Kaj unu el ili frapis la sklavon de la cxefpastro, kaj detrancxis lian dekstran orelon.

⁵¹Sed Jesuo responde diris: Permesu tiom. Kaj li tusxis lian orelon kaj sanigis lin.

⁵²Kaj Jesuo diris al la cxefpastroj kaj kapitanoj de la templo kaj pliagxuloj, kiuj venis kontraux lin: Cxu vi elvenis kun glavoj kaj bastonoj, kvazaux kontraux rabiston?

⁵³Kiam mi estis cxiutage inter vi en la templo, vi ne etendis kontraux min viajn manojn; sed cxi tiu estas via horo, kaj la potenco de mallumo.

⁵⁴Kaj ili kaptis lin, kaj forkondukinte, venigis lin en la domon de la cxefpastro. Sed Petro sekvis malproksime.

⁵⁵Kaj kiam oni ekbruligis fajron meze de la korto kaj sidis kune, Petro sidigxis meze de ili.

⁵⁶Kaj unu servantino, vidante lin sidantan en la fajrolumo, kaj fikse rigardinte lin, diris:

⁵⁷Cxi tiu ankaux estis kun li. Sed li malkonfesis, dirante: Virino, mi lin ne konas.

⁵⁸Kaj post iom da tempo alia vidis lin, kaj diris: Vi ankaux estas el ili. Sed Petro diris: Viro, mi ne estas.

⁵⁹Kaj post la dauxro de unu horo proksimume, alia asertis persiste, dirante: Vere, cxi tiu ankaux estis kun li, cxar li estas Galileano.

⁶⁰Sed Petro diris: Viro, mi ne scias, kion vi diras. Kaj tuj, dum li ankoraux parolis, la koko kriis.

⁶¹Kaj la Sinjoro sin turnis, kaj alrigardis Petron. Kaj Petro ekmemoris la vorton de la Sinjoro, ke li diris al li: Antaux ol koko krios hodiaux, vi trifoje min malkonfesos.

⁶²Kaj li eliris, kaj maldolcxe ploris.

⁶³Kaj tiuj, kiuj gardis Jesuon, lin mokis kaj batis.

⁶⁴Kaj ili cxirkauxkovris lin, kaj demandis lin, dirante: Profetu, kiu vin frapis?

⁶⁵Kaj per multaj aliaj insultoj ili parolis kontraux li.

⁶⁶Kaj tuj kiam tagigxis la pliagxularo de la popolo kunvenis, kaj cxefpastroj kaj skribistoj, kaj ili forkondukis lin antaux sian sinedrion, kaj diris:

⁶⁷Se vi estas la Kristo, diru al ni. Sed li diris al ili: Se mi diros al vi, vi ne kredos;

⁶⁸kaj se mi demandos, vi ne respondos.

⁶⁹Tamen, de nun la Filo de homo sidos dekstre de la Potenco de Dio.

⁷⁰Kaj ili cxiuj demandis: Cxu vi do estas la Filo de Dio? Kaj li respondis: Vi diras, ke mi estas.

⁷¹Kaj ili diris: Pro kio ni bezonas pluan atestadon? cxar ni mem auxdis el lia propra busxo.