Read La Sankta Biblio, sen Ĉapelo esparanto Luko 4 Bible Online

Luko 4 - La Sankta Biblio, sen Ĉapelo esparanto bible

Luko 4

¹Kaj Jesuo, plena de la Sankta Spirito, revenis de Jordan, kaj estis kondukata de la Spirito en la dezerton

²dum kvardek tagoj, tentate de la diablo. Kaj li mangxis nenion en tiuj tagoj; kaj kiam ili finigxis, li malsatis.

³Kaj la diablo diris al li: Se vi estas Filo de Dio, ordonu al cxi tiu sxtono, ke gxi farigxu pano.

⁴Kaj Jesuo respondis al li: Estas skribite: Ne per la pano sole vivos homo.

⁵Kaj kondukinte lin supren, li montris al li cxiujn regnojn de la mondo en momento da tempo.

⁶Kaj la diablo diris al li: Mi donos al vi la tutan cxi tiun potencon kaj ilian gloron; cxar gxi estas transdonita al mi, kaj al kiu ajn mi volas, al tiu mi gxin donas.

⁷Se do vi adorklinigxos antaux mi, cxio estos via.

⁸Kaj responde Jesuo diris al li: Estas skribite: Al la Eternulo, via Dio, adorklinigxu, kaj al Li sola servu.

⁹Kaj li kondukis lin al Jerusalem, kaj starigis lin sur la tegmenta pinto de la templo, kaj diris al li: Se vi estas Filo de Dio, jxetu vin de cxi tie malsupren;

¹⁰cxar estas skribite: Al siaj angxeloj Li ordonos pri vi, ke ili vin gardu,

¹¹kaj: Sur la manoj ili vin portos, Por ke vi ne falpusxigxu sur sxtono per via piedo.

¹²Kaj responde Jesuo diris al li: Estas dirite: Ne provu la Eternulon, vian Dion.

¹³Kaj fininte la tutan tentadon, la diablo foriris de li gxis estonta tempo.

¹⁴Kaj revenis Jesuo en la potenco de la Spirito en Galileon; kaj eliris famo pri li tra la tuta cxirkauxajxo.

¹⁵Kaj li instruadis en iliaj sinagogoj, glorate de cxiuj.

¹⁶Kaj li venis al Nazaret, kie li estis edukita; kaj laux sia kutimo li eniris en la sinagogon en la sabata tago, kaj starigxis, por legi.

¹⁷Kaj estis donita al li libro de la profeto Jesaja. Kaj, malferminte la libron, li trovis la lokon, kie estis skribite:

¹⁸La spirito de la Eternulo estas sur mi, Cxar Li min sanktoleis, por bonanonci al malricxuloj; Li sendis min, por anonci liberecon al kaptitoj Kaj vidpovon al blinduloj, Por meti la vunditojn en liberecon,

¹⁹Por proklami favorjaron de la Eternulo.

²⁰Kaj kunvolvinte la libron, kaj redoninte gxin al la subulo, li sidigxis; kaj la okuloj de cxiuj en la sinagogo atente lin rigardis.

²¹Kaj li ekparolis al ili: Hodiaux tiu skribo plenumigxas en viaj oreloj.

²²Kaj cxiuj atestis pri li, kaj miris pro la vortoj de graco, kiuj eliris el lia busxo; kaj ili diris: Cxu cxi tiu ne estas la filo de Jozef?

²³Kaj li diris al ili: Sendube vi diros al mi la jenan sentencon: Kuracisto, sanigu vin mem; kiajn aferojn, pri kiuj ni auxdis, en Kapernaum faritajn, tiajn faru cxi tie en via patrujo.

²⁴Kaj li diris: Vere mi diras al vi: Neniu profeto estas akceptata en sia patrujo.

²⁵Kun vereco mi diras al vi: Estis multaj vidvinoj en Izrael en la tagoj de Elija, kiam estis sxlosita la cxielo tri jarojn kaj ses monatojn, kiam okazis granda malsato sur la tuta lando;

²⁶kaj al neniu el ili Elija estis sendita, krom al Carfat en la lando Cidon, al virino vidvino.

²⁷Kaj estis multaj lepruloj en Izrael en la tagoj de la profeto Elisxa; sed neniu el ili estis purigita, krom Naaman, la Siriano.

²⁸Kaj cxiuj en la sinagogo plenigxis de kolero, auxdante tion;

²⁹kaj levigxinte, ili eljxetis lin ekster la urbon, kaj kondukis lin gxis la krutajxo de la monteto, sur kiu ilia urbo estis konstruita, por jxeti lin malsupren.

³⁰Sed li foriris, trapasinte tra ilia mezo.

³¹Kaj li malsupreniris al Kapernaum, urbo Galilea. Kaj li instruis ilin en la sabato;

³²kaj oni miris pro lia instruado, cxar kun auxtoritato estis lia vorto.

³³Kaj en la sinagogo estis viro, havanta spiriton de malpura demono; kaj li kriegis per lauxta vocxo,

³⁴dirante: Ha! kio estas inter ni kaj vi, Jesuo Nazaretano? Cxu vi venis, por pereigi nin? Mi scias, kiu vi estas, la Sanktulo de Dio.

³⁵Kaj Jesuo severe admonis lin, dirante: Silentu, kaj eliru el li. Kaj jxetinte lin en la mezon, la demono eliris el li, neniel difektinte lin.

³⁶Kaj falis miro sur cxiujn, kaj ili kunparoladis inter si, dirante: Kia vorto estas cxi tio? cxar kun auxtoritato kaj potenco li ordonas al la malpuraj spiritoj, kaj ili eliras.

³⁷Kaj famo pri li eliris al cxiu loko de la tuta cxirkauxajxo.

³⁸Kaj levigxinte el la sinagogo, li eniris en la domon de Simon. Kaj la bopatrino de Simon estis tenata de granda febro, kaj ili petis lin pri sxi.

³⁹Kaj starante super sxi, li admonis la febron; kaj gxi forlasis sxin, kaj sxi tuj levigxis kaj servis al ili.

⁴⁰Kaj cxe la subiro de la suno cxiuj, kiuj havis malsanulojn kun diversaj malsanoj, venigis ilin al li; kaj li metis sur cxiun el ili la manojn, kaj sanigis ilin.

⁴¹Eliris ankaux demonoj el multaj, kriegante, kaj dirante: Vi estas la Filo de Dio. Kaj severe admonante, li ne permesis al ili paroli, cxar ili sciis, ke li estas la Kristo.

⁴²Kaj kiam tagigxis, li eliris, kaj venis en dezertan lokon; kaj la homamasoj lin sercxis, kaj venis al li, kaj lin detenis, ke li ne foriru de ili.

⁴³Sed li diris al ili: Ankaux al la ceteraj urboj mi devas prediki la evangelion de la regno de Dio; cxar por tio mi estas sendita.

⁴⁴Kaj li predikis en la sinagogoj de Galileo.