Read La Sankta Biblio, sen Ĉapelo esparanto Joano 2 Bible Online

Joano 2 - La Sankta Biblio, sen Ĉapelo esparanto bible

Joano 2

¹La trian tagon okazis edzigxo en Kana Galilea, kaj la patrino de Jesuo cxeestis tie;

²ankaux Jesuo kaj liaj discxiploj estis invititaj al la edzigxo.

³Kaj kiam mankis vino, la patrino de Jesuo diris al li: Ili ne havas vinon.

⁴Kaj Jesuo diris al sxi: Kio estas inter mi kaj vi, virino? mia horo ankoraux ne venis.

⁵Lia patrino diris al la servantoj: Kion ajn li diros al vi, tion faru.

⁶Kaj estis tie ses akvokuvoj sxtonaj, metitaj laux la purigo de la Judoj, enhavantaj po du gxis tri metretoj.

⁷Jesuo diris al ili: Plenigu la akvokuvojn per akvo. Kaj oni plenigis ilin gxis la rando.

⁸Kaj li diris al ili: Cxerpu nun, kaj alportu al la festenestro. Kaj oni alportis.

⁹Kiam la festenestro gustumis la akvon, nun farigxintan vino, kaj ne sciis, de kie gxi estas (sciis tamen la servantoj, kiuj cxerpis la akvon), la festenestro alvokis la fiancxon,

¹⁰kaj diris al li: Cxiu homo prezentas unue la bonan vinon, kaj kiam oni jam drinkis, tiam la malpli bonan; sed vi rezervis la bonan vinon gxis nun.

¹¹Cxi tiun komencon de signoj Jesuo faris en Kana Galilea, kaj elmontris sian gloron, kaj liaj discxiploj kredis al li.

¹²Post tio li malsupreniris al Kapernaum, kaj kun li lia patrino kaj liaj fratoj kaj liaj discxiploj; kaj tie ili restis ne multajn tagojn.

¹³Kaj la Pasko de la Judoj alproksimigxis, kaj Jesuo supreniris al Jerusalem.

¹⁴Kaj li trovis en la templo vendistojn de bovoj kaj sxafoj kaj kolomboj, kaj la monsxangxistojn sidantajn;

¹⁵kaj farinte skurgxon el sxnuretoj, li elpelis cxiujn el la templo, sxafojn kaj bovojn; kaj elsxutis la monerojn de la monsxangxistoj kaj renversis la tablojn;

¹⁶kaj al la vendistoj de la kolomboj li diris: Forportu tion de cxi tie; ne faru la domon de mia Patro domo de komerco.

¹⁷La discxiploj rememoris, ke estis skribite: Fervoro pri Via domo min konsumis.

¹⁸La Judoj do respondis kaj diris al li: Kian signon vi montras al ni, cxar vi faras tion?

¹⁹Respondis Jesuo kaj diris al ili: Detruu cxi tiun sanktejon, kaj mi levos gxin en la dauxro de tri tagoj.

²⁰La Judoj diris: Kvardek ses jarojn cxi tiu sanktejo estis konstruata; cxu vi levos gxin en la dauxro de tri tagoj?

²¹Sed li parolis pri la sanktejo de sia korpo.

²²Kiam do li levigxis el la mortintoj, la discxiploj rememoris, ke li diris tion; kaj ili kredis la Skribon, kaj la vorton, kiun Jesuo diris.

²³Kaj kiam li estis en Jerusalem cxe la Pasko, dum la festo, multaj fidis al lia nomo, vidante la signojn, kiujn li faris.

²⁴Sed Jesuo ne konfidis sin al ili, cxar li konis cxiujn,

²⁵kaj ne bezonis, ke iu atestu pri la homo, cxar li mem sciis, kio estas en la homo.