Read La Sankta Biblio, sen Ĉapelo esparanto Joano 7 Bible Online

Joano 7 - La Sankta Biblio, sen Ĉapelo esparanto bible

Joano 7

¹Kaj post tio Jesuo iradis en Galileo; cxar li ne volis iradi en Judujo, cxar la Judoj celis mortigi lin.

²La festo de la Judoj, nomata la festo de lauxboj, proksimigxis.

³Liaj fratoj do diris al li: Transiru de cxi tie, kaj iru en Judujon, por ke viaj discxiploj ankaux vidu viajn farojn, kiujn vi faras.

⁴Cxar neniu faras ion sekrete, kaj celas mem esti publike konata. Se vi faras tiajn farojn, montru vin al la mondo.

⁵Cxar liaj fratoj mem ne kredis al li.

⁶Jesuo do diris al ili: Mia tempo ankoraux ne venis; sed via tempo cxiam estas preta.

⁷La mondo ne povas vin malami; sed min gxi malamas, cxar mi atestas pri gxi, ke gxiaj faroj estas malbonaj.

⁸Supreniru vi al la festo; mi ankoraux ne supreniras al la festo, cxar mia tempo ankoraux ne maturigxis.

⁹Dirinte tion al ili, li restis ankoraux en Galileo.

¹⁰Sed kiam liaj fratoj supreniris al la festo, tiam li ankaux supreniris, ne malkasxe, sed kvazaux sekrete.

¹¹La Judoj do sercxis lin cxe la festo, kaj diris: Kie li estas?

¹²Kaj farigxis multe da murmurado inter la homamasoj pri li. Unuj diris: Li estas bonulo; aliaj diris: Ne, sed li erarigas la amason.

¹³Tamen neniu parolis malkasxe pri li, pro timo antaux la Judoj.

¹⁴Sed cxirkaux la mezo de la festo, Jesuo supreniris en la templon kaj instruis.

¹⁵Kaj la Judoj miris, dirante: Kiel cxi tiu scias skribojn, neniam lerninte?

¹⁶Jesuo respondis al ili kaj diris: Mia instruado estas ne mia, sed Ties, kiu min sendis.

¹⁷Se iu volas plenumi Lian volon, tiu scios pri la instruado, cxu gxi estas de Dio, aux cxu mi parolas nur el mi mem.

¹⁸Kiu parolas el si mem, tiu celas sian propran gloron; sed kiu celas la gloron de Tiu, kiu lin sendis, tiu estas verema, kaj maljusteco ne estas en li.

¹⁹Cxu Moseo ne donis al vi la legxon? kaj neniu el vi observas la legxon. Kial vi celas mortigi min?

²⁰La homamaso respondis: Vi havas demonon; kiu celas mortigi vin?

²¹Jesuo respondis kaj diris al ili: Mi faris unu faron, kaj vi cxiuj miras pro tio.

²²Moseo donis al vi cirkumcidon (tamen gxi estas ne de Moseo, sed de la patroj); kaj vi en la sabato cirkumcidas viron.

²³Se viro estas cirkumcidata en la sabato, por ke oni ne malobeu al la Mosea legxo, cxu vi koleras kontraux mi pro tio, ke mi tute sanigis viron en sabato?

²⁴Ne jugxu laux sxajno, sed jugxu justan jugxon.

²⁵Tiam kelkaj el la Jerusalemanoj diris: Cxu li ne estas tiu, kiun oni celas mortigi?

²⁶Kaj jen li parolas maltime, kaj ili diras al li nenion. Cxu eble la estraro certe scias, ke cxi tiu estas la Kristo?

²⁷Tamen ni scias, de kie cxi tiu estas; sed kiam la Kristo venos, neniu scios, de kie li estas.

²⁸Jesuo do, instruante en la templo, ekkriis kaj diris: Vi jam min konas, kaj vi ankaux scias, de kie mi estas; kaj mi ne venis de mi mem; sed Tiu, kiu min sendis, estas vera, sed Lin vi ne konas.

²⁹Mi Lin konas, cxar mi estas de Li; kaj Li min sendis.

³⁰Oni do celis kapti lin; sed neniu metis sur lin sian manon, cxar lia horo ankoraux ne venis.

³¹Kaj multaj el la homamaso kredis al li, kaj diris: Kiam la Kristo venos, cxu li faros pli multe da signoj, ol cxi tiu faris?

³²La Fariseoj auxdis la amason murmuranta tion pri li, kaj la cxefpastroj kaj la Fariseoj sendis oficistojn, por kapti lin.

³³Jesuo do diris al ili: Ankoraux iom da tempo mi estas kun vi, kaj mi foriras al Tiu, kiu min sendis.

³⁴Vi min sercxos kaj ne trovos; kaj kie mi estas, vi ne povas tien veni.

³⁵Tial la Judoj inter si diris: Kien cxi tiu iros, ke ni lin ne trovos? cxu li iros al la disjxetitoj inter la Grekoj kaj instruos la Grekojn?

³⁶Kia diro estas tio, kion li diris: Vi min sercxos kaj ne trovos, kaj: Kie mi estas, vi ne povas tien veni?

³⁷En la lasta tago, la granda tago de la festo, Jesuo staris kaj kriis, dirante: Se iu soifas, tiu venu al mi kaj trinku.

³⁸Kiu kredas al mi, kiel la Skribo diris, el ties ventro fluos riveroj da viva akvo.

³⁹Sed tion li diris pri la Spirito, kiun estis ricevontaj tiuj, kiuj kredis al li; cxar la Spirito ankoraux ne estis donita, cxar Jesuo ankoraux ne estis glorita.

⁴⁰Iuj do el la homamaso, auxdinte tiujn vortojn, diris: Vere cxi tiu estas la Profeto.

⁴¹Aliaj diris: Cxi tiu estas la Kristo. Sed kelkaj diris: Tamen cxu el Galileo la Kristo venas?

⁴²Cxu la Skribo ne diris, ke la Kristo venas el la idaro de David kaj el la vilagxo Bet-Lehxem, kie David estis?

⁴³Tiel farigxis pro li malkonsento inter la homamaso.

⁴⁴Kaj iuj el ili volis kapti lin, sed neniu metis sur lin la manojn.

⁴⁵Tiam la oficistoj revenis al la cxefpastroj kaj Fariseoj, kaj cxi tiuj diris al ili: Kial vi lin ne alkondukis?

⁴⁶Respondis la oficistoj: Ankoraux neniam tiel parolis homo.

⁴⁷La Fariseoj do respondis al ili: Cxu vi ankaux estas erarigitaj?

⁴⁸Cxu kredis al li iu el la regantoj, aux el la Fariseoj?

⁴⁹Sed tiu homamaso, kiu ne scias la legxon, estas malbenita.

⁵⁰Tiam Nikodemo (tiu, kiu venis nokte al Jesuo, estante unu el ili) diris al ili:

⁵¹Cxu nia legxo jugxas iun, se antauxe oni ne auxskultis lin, kaj ne sciigxis, kion li faras?

⁵²Ili respondis kaj diris al li: Cxu vi ankaux estas el Galileo? Esploru, kaj vidu, ke neniam el Galileo venas profeto.

⁵³Kaj cxiu iris al sia domo;