Read La Sankta Biblio, sen Ĉapelo esparanto Agoj 11 Bible Online

Agoj 11 - La Sankta Biblio, sen Ĉapelo esparanto bible

Agoj 11

¹Kaj la apostoloj kaj la fratoj, kiuj estis en Judujo, auxdis, ke la nacianoj ankaux ricevis la vorton de Dio.

²Kaj kiam Petro venis al Jerusalem, tiuj, kiuj estis el la cirkumcido, disputis kun li,

³dirante: Vi eniris al viroj ne cirkumciditaj, kaj mangxis kun ili.

⁴Sed Petro klarigis la aferon al ili orde, dirante:

⁵Dum mi pregxis en la urbo Jafo, en ekstazo mi vidis vizion, ujon malsuprenirantan, kvazaux grandan tukon, mallevatan el la cxielo per la kvar anguloj; kaj gxi venis gxis mi;

⁶kun fiksa rigardo mi gxin observis, kaj vidis kvarpiedajn bestojn de la tero kaj sovagxajn bestojn kaj rampajxojn kaj birdojn de la cxielo.

⁷Kaj mi auxdis vocxon dirantan al mi: Levigxu, Petro; bucxu kaj mangxu.

⁸Sed mi diris: Ho ne, Sinjoro, cxar nenio profana aux malpura eniris iam en mian busxon.

⁹Sed vocxo respondis al mi la duan fojon el la cxielo: Kion Dio purigis, tion vi ne nomu profana.

¹⁰Cxi tio farigxis trifoje, kaj cxio estis retirata en la cxielon.

¹¹Kaj jen antaux la domo, en kiu mi estis, tuj staris tri viroj senditaj el Cezarea al mi.

¹²Kaj la Spirito ordonis, ke mi iru kun ili, tute ne hezitante. Kaj cxi tiuj ses fratoj min akompanis, kaj ni eniris en la domon de la viro;

¹³kaj li diris al ni, ke li vidis en sia domo la angxelon starantan, kaj dirantan: Sendu al Jafo, kaj venigu Simonon, kies alnomo estas Petro,

¹⁴kiu parolos al vi vortojn, per kiuj vi kaj via tuta familio savigxos.

¹⁵Kaj dum mi komencis paroli, la Sankta Spirito malsupreniris sur ilin tiel same, kiel sur nin en la komenco.

¹⁶Kaj mi rememoris la vorton de la Sinjoro, ke li diris: Johano ja baptis per akvo; sed vi baptigxos per la Sankta Spirito.

¹⁷Se do al ili Dio donis la saman donacon, kiel al ni, kiam ni ekkredis al la Sinjoro Jesuo Kristo, kia homo mi estis, ke mi povus kontrauxstari al Dio?

¹⁸Kiam ili tion auxdis, ili silentigxis, kaj gloris Dion, dirante: Ankaux do al la nacianoj Dio donacis penton por vivo.

¹⁹Tiuj do, kiuj dispeligxis pro la suferado, kiu okazis pro Stefano, vojagxis gxis Fenikio kaj Kipro kaj Antiohxia, priparolante la vorton al neniu krom nur Judoj.

²⁰Sed iuj el ili, viroj el Kipro kaj Kireno, veninte en Antiohxian, parolis al la Grekoj ankaux, predikante la Sinjoron Jesuo.

²¹Kaj la mano de la Sinjoro estis kun ili; kaj granda nombro kredis kaj turnigxis al la Sinjoro.

²²Kaj la raporto pri tio estis auxdita de la eklezio, kiu estis en Jerusalem; kaj ili forsendis Barnabason gxis Antiohxia;

²³li, veninte, kaj vidante la gracon de Dio, gxojis; kaj li admonis ilin cxiujn, ke kun korfirmeco ili restu fidelaj al la Sinjoro;

²⁴cxar li estis bona viro, kaj plena de la Sankta Spirito kaj de fido; kaj multo da homoj aldonigxis al la Sinjoro.

²⁵Kaj li iris al Tarso, por sercxi Sauxlon;

²⁶kaj trovinte, li kondukis lin al Antiohxia. Kaj dum tuta jaro ili kunvenadis kun la eklezio, kaj instruis grandan aron da homoj; kaj en Antiohxia la discxiploj unue nomigxis Kristanoj.

²⁷Kaj en tiuj tagoj profetoj el Jerusalem vojagxis al Antiohxia.

²⁸Kaj starigxis unu el ili, nomata Agabo, kaj deklaris per la Spirito, ke estos granda malsato tra la tuta mondo; kaj tio okazis en la tagoj de Klauxdio.

²⁹Kaj la discxiploj decidis, ke cxiu laux sia bonstato sendu helpon al la fratoj, kiuj logxis en Judujo;

³⁰tion ankaux ili faris, sendante al la presbiteroj per la manoj de Barnabas kaj Sauxlo.