Read La Sankta Biblio, sen Ĉapelo esparanto Agoj 6 Bible Online

Agoj 6 - La Sankta Biblio, sen Ĉapelo esparanto bible

Agoj 6

¹Kaj en tiuj tagoj, kiam la nombro de la discxiploj multigxis, farigxis murmurado de la Grekaj Judoj kontraux la Hebreaj pro tio, ke iliaj vidvinoj estas preterlasataj en la cxiutaga servado.

²Kaj la dek du, alvokinte la amason de la discxiploj, diris: Ne estas dezirinde, ke ni forlasu la vorton de Dio, por servi cxe tabloj.

³Tial elsercxu, fratoj, el inter vi sep homojn, bone atestatajn, plenajn de la Spirito kaj de sagxo, kiujn ni difinos por tiu afero.

⁴Sed ni persistos en pregxado kaj la servado de la Vorto.

⁵Kaj tiu diro placxis al la tuta amaso; kaj ili elektis Stefanon, viron plenan de fido kaj de la Sankta Spirito, kaj Filipon kaj Prohxoron kaj Nikanoron kaj Timonon kaj Parmenason, kaj Nikolaon, prozeliton el Antiohxia;

⁶tiujn ili starigis antaux la apostoloj; kaj cxi tiuj, pregxinte, metis sur ilin la manojn.

⁷Kaj la vorto de Dio kreskis, kaj la nombro de la discxiploj multigxis treege en Jerusalem, kaj granda aro el la pastroj obeis al la fido.

⁸Kaj Stefano, plena de graco kaj potenco, faris grandajn mirindajxojn kaj signojn inter la popolo.

⁹Sed starigxis iuj el la sinagogo nomata la Sinagogo de la Liberigitoj, kaj el la Kirenanoj kaj el la Aleksandrianoj kaj el la homoj el Kilikio kaj Azio; kaj ili diskutis kun Stefano.

¹⁰Kaj ili ne povis rezisti al la sagxeco kaj la Spirito, per kiu li parolis.

¹¹Tiam ili subinstigis virojn, kiuj diris: Ni auxdis lin paroli blasfemajn vortojn kontraux Moseo kaj kontraux Dio.

¹²Kaj ili incitis la popolon kaj la pliagxulojn kaj la skribistojn, kaj venis sur lin kaj kaptis lin, kaj kondukis lin al la sinedrio,

¹³kaj starigis mensogajn atestantojn, kiuj diris: Cxi tiu homo ne cxesas paroli vortojn kontraux cxi tiu sankta loko kaj la legxo;

¹⁴cxar ni auxdis lin diri, ke cxi tiu Jesuo, la Nazaretano, detruos cxi tiun lokon, kaj sxangxos la kutimojn, kiujn Moseo transdonis al ni.

¹⁵Kaj cxiuj, kiuj sidis en la sinedrio, fikse rigardante lin, vidis lian vizagxon kvazaux vizagxon de angxelo.