Read La Sankta Biblio, sen Ĉapelo esparanto Romanoj 10 Bible Online

Romanoj 10 - La Sankta Biblio, sen Ĉapelo esparanto bible

Romanoj 10

¹Fratoj, la deziro de mia koro kaj mia pregxo al Dio pri ili estas por ilia savado.

²Cxar mi atestas pri ili, ke ili havas fervoron al Dio, sed ne laux scio.

³Cxar nesciante la justecon de Dio, kaj penante starigi sian propran justecon, ili ne subigxis al la justeco de Dio.

⁴Cxar Kristo estas la fino de la legxo por justeco por cxiu, kiu kredas.

⁵Cxar Moseo skribis, ke tiu, kiu plenumas la justecon de la legxo, vivos per gxi.

⁶Sed la justeco, kiu estas el fido, diras jene: Ne diru en via koro: Kiu suprenirus en la cxielon? (tio estas, por malsuprenigi Kriston),

⁷nek: Kiu malsuprenirus en la abismon? (tio estas, por suprenkonduki Kriston el la mortintoj).

⁸Sed kion gxi diras? La afero estas proksime de vi, en via busxo kaj en via koro; tio estas, la vorto de fido, kiun ni predikas;

⁹cxar se vi per via busxo konfesas Jesuon Sinjoro, kaj kredas en via koro, ke Dio lin levis el la mortintoj, vi savigxos;

¹⁰cxar per la koro la homo kredas gxis justeco, kaj per la busxo konfesas gxis savo.

¹¹Cxar la Skribo diras: Cxiu, kiu fidas al li, ne estos hontigita.

¹²Cxar estas nenia diferencigo inter Judo kaj Greko, cxar unu sama estas Sinjoro de cxiuj, kaj estas ricxa por cxiuj, kiuj lin vokas;

¹³cxar: Cxiu, kiu vokos la nomon de la Eternulo, savigxos.

¹⁴Kiel do ili vokos Tiun, al kiu ili ne kredis? kaj kiel ili kredos al Tiu, pri kiu ili ne auxdis? kaj kiel ili auxdos sen predikanto?

¹⁵kaj kiel oni predikos, se ili ne estos senditaj? kiel estas skribite: Kiel cxarmaj estas la piedoj de la anoncantoj de la evangelio de bono!

¹⁶Sed ne cxiuj auxskultis la evangelion. Cxar Jesuo diris: Ho Eternulo! kiu kredus al tio, kion ni auxdis?

¹⁷La fido venas do per auxdado, kaj auxdado per la vorto de Kristo.

¹⁸Sed mi diras: Cxu ili ne auxdis? Certe: Tra la tuta mondo iris ilia sono, Kaj gxis la finoj de la tero iris iliaj vortoj.

¹⁹Sed mi diras: Cxu Izrael ne sciis? Unue Moseo diris: Mi incitos vin per ne-popolo, Per popolo malnobla Mi vin kolerigos.

²⁰Kaj Jesaja estis tre kuragxa, kaj diris: Mi estas trovebla por tiuj, kiuj Min ne sercxis; Mi montris Min al tiuj, kiuj pri Mi ne demandis.

²¹Sed pri Izrael li diris: Cxiutage Mi etendis Miajn manojn al popolo malobeema kaj obstina.