Read La Sankta Biblio, sen Ĉapelo esparanto Romanoj 3 Bible Online

Romanoj 3 - La Sankta Biblio, sen Ĉapelo esparanto bible

Romanoj 3

¹Kia do estas la supereco de la Judoj? aux kia estas la utilo de cirkumcido?

²Multa en cxiu rilato: unue, ke al ili estis konfiditaj la orakoloj de Dio.

³Cxu do estas grave, se kelkaj ne fidis? cxu ilia senfideco vantigos la fidelecon de Dio?

⁴Nepre ne! Dio montrigxu vera, sed cxiu homo mensoganto, kiel estas skribite: Ke Vi estu justa en Via vorto Kaj pura en Via jugxo.

⁵Sed se nia maljusteco rekomendas la justecon de Dio, kion ni diros? Cxu maljusta estas Dio, kiu alportas koleron? (Mi parolas kiel homo.)

⁶Nepre ne! cxar kiel Dio jugxus la mondon?

⁷Cxar se la vero de Dio per mia mensogo abundis al Lia gloro, kial mi estas ankoraux jugxata, kiel pekinto?

⁸kaj kial ne (kiel ni estas kalumniataj, kaj kelkaj asertas, ke ni diras): Ni faru malbonon, por ke venu bono? ilia kondamno estas justa.

⁹Kio do? cxu ni nin senkulpigas? Tute ne: cxar ni jam akuzis egale Judojn kaj Grekojn, ke cxiuj estas sub peko;

¹⁰kiel estas skribite: Ne ekzistas justulo, ne ecx unu;

¹¹Ne ekzistas prudentulo, Ne ekzistas iu, kiu sercxas Dion;

¹²Cxiuj devojigxis, cxiuj senutiligxis; Ekzistas neniu, kiu faras bonon, ne ecx unu;

¹³Malfermita tombo estas ilia gorgxo; Per sia lango ili hipokritis; Veneno de vipuro estas sub iliaj lipoj;

¹⁴Ilia busxo estas plena de malbenado kaj malico;

¹⁵Iliaj piedoj rapidas, por versxi sangon;

¹⁶Ruinigo kaj pereigo estas sur iliaj vojoj;

¹⁷Kaj vojon de paco ili ne konas;

¹⁸Antaux iliaj okuloj ne ekzistas timo antaux Dio.

¹⁹Sed ni scias, ke cxion ajn, kion la legxo diras, gxi parolas al tiuj, kiuj estas sub la legxo; ke cxiu busxo fermigxu, kaj ke la tuta mondo submetigxu sub la jugxon de Dio;

²⁰cxar per la faroj de la legxo neniu karno pravigxos antaux Li; cxar per la legxo venas konscio pri peko.

²¹Sed nun, ekster la legxo, justeco de Dio montrigxis, atestata per la legxo kaj la profetoj;

²²nome, la justeco de Dio, per fido al Jesuo Kristo, por cxiuj kredantoj, cxar ne ekzistas diferencigo;

²³cxar cxiuj pekis kaj maltrafis la gloron de Dio;

²⁴pravigite donace de Lia graco, per la elacxeto, kiu estas en Kristo Jesuo;

²⁵kiun Dio antauxdifinis kiel repacigilon per fido en lia sango, por la elmontrado de Sia justeco per la pardono de la pekoj, antauxe faritaj laux la toleremeco de Dio;

²⁶por la elmontrado de Lia justeco en la nuna tempo, kaj ke Li estas mem justa, kaj estas la praviganto de tiu, kiu havas fidon en Jesuo.

²⁷Kie do estas la fanfaronado? Gxi estas esceptita. Per kia legxo? de faroj? Ne; sed per la legxo de fido.

²⁸Ni do konkludas, ke homo pravigxas per fido, ekster la faroj de la legxo.

²⁹Cxu Dio estas nur Dio de la Judoj? cxu ne ankaux de la nacianoj? Jes, ankaux de la nacianoj;

³⁰cxar Dio estas unu, kaj Li pravigos la cirkumcidularon pro fido kaj la necirkumcidularon per fido.

³¹Cxu ni do per fido vantigas la legxon? Nepre ne! sed ni firmigas la legxon.