Read La Sankta Biblio, sen Ĉapelo esparanto 1 Korintanoj 5 Bible Online

1 Korintanoj 5 - La Sankta Biblio, sen Ĉapelo esparanto bible

1 Korintanoj 5

¹Efektive oni raportas, ke estas cxe vi malcxasteco, kaj tia malcxasteco, kia ne ekzistas ecx inter la nacianoj, ke iu havas la edzinon de sia patro.

²Kaj vi blovesxvelis, kaj ne prefere ploregis, por ke tiu, kiu faris tion, forigxu el inter vi.

³Cxar mi vere, korpe forestante, sed spirite cxeestante, jam jugxis, kvazaux cxeestante, tiun, kiu tiel faris tion,

⁴en la nomo de nia Sinjoro Jesuo Kristo, en kunveno de vi kaj de mia spirito kun la potenco de nia Sinjoro Jesuo,

⁵transdoni tian homon al Satano por la detruo de la karno, por ke la spirito savigxu en la tago de la Sinjoro Jesuo.

⁶Ne bona estas via fanfaronado. Cxu vi ne scias, ke malmulto da fermentajxo fermentigas la tutan mason?

⁷Forpurigu la malnovan fermentajxon, por ke vi estu nova maso, kiel vi estas nefermentintaj. Cxar por ni ankaux Pasko estas oferita, nome Kristo;

⁸tial ni festu, ne per malnova fermentajxo, nek per fermentajxo de malico kaj malboneco, sed per la senfermenta pano de sincereco kaj vereco.

⁹En mia epistolo mi skribis al vi, ke vi ne intermiksu vin kun malcxastuloj;

¹⁰ne tute kun la malcxastuloj de cxi tiu mondo, aux kun la aviduloj kaj rabemuloj, aux kun idolanoj; cxar tiuokaze estus necese, ke vi eliru el la mondo;

¹¹sed nun mi skribas al vi, ke vi ne intermiksu vin, se iu, nomata frato, eble estas malcxastulo, aux avidulo, aux idolano, aux insultanto, aux drinkulo, aux rabemulo; kun tia homo ecx ne kunmangxu.

¹²Cxar kiel koncernas min jugxi la eksterulojn? Cxu vi ne jugxas la internulojn,

¹³dum la eksterulojn jugxas Dio? Forigu el inter vi la malvirtulon.