Read La Sankta Biblio, sen Ĉapelo esparanto 1 Korintanoj 6 Bible Online

1 Korintanoj 6 - La Sankta Biblio, sen Ĉapelo esparanto bible

1 Korintanoj 6

¹Cxu iu el vi, havante aferon kontraux sia proksimulo, kuragxas procesi antaux la malpiuloj, kaj ne antaux la sanktuloj?

²Aux cxu vi ne scias, ke la sanktuloj jugxos la mondon? kaj se la mondon vi jugxos, cxu vi ne estas indaj jugxi la plej malgrandajn aferojn?

³Cxu vi ne scias, ke ni jugxos angxelojn? kiom pli do aferojn de la nuna vivo?

⁴Se do vi devas starigi tribunalon pri la aferoj de la nuna vivo, cxu vi faras jugxantoj tiujn, kiuj estas negravaj en la eklezio?

⁵Mi diras tion, por vin hontigi. Cxu efektive ne ekzistas cxe vi ecx unu sagxulo, kiu povus decidi inter siaj fratoj,

⁶sed frato procesas kontraux frato, kaj ecx antaux nekredantoj?

⁷Certe jam estas cxe vi granda domagxo, ke vi faras procesojn unu kontraux alia. Kial vi ne prefere suferas maljustecon? kial vi ne prefere suferas rabadon?

⁸Tamen ecx vi mem faras maljustecon kaj rabadon, kaj ecx kontraux la fratoj.

⁹Aux cxu vi ne scias, ke la maljustuloj ne heredos la regnon de Dio? Ne trompigxu: nek malcxastuloj, nek idolanoj, nek adultuloj, nek molmoruloj, nek viruzacxantoj,

¹⁰nek sxtelistoj, nek aviduloj, nek drinkuloj, nek insultantoj, nek rabemuloj, heredos la regnon de Dio.

¹¹Kaj tiaj estis kelkaj el vi; sed vi lavigxis, sed vi sanktigxis, sed vi justigxis en la nomo de la Sinjoro Jesuo Kristo kaj en la Spirito de nia Dio.

¹²Cxio estas por mi permesata, sed ne cxio estas oportuna. Cxio estas por mi permesata; sed mi ne volas sub io submetigxi.

¹³Mangxajxoj por la ventro, kaj la ventro por mangxajxoj; sed Dio neniigos kune gxin kaj ilin. Sed la korpo estas ne por malcxasteco, sed por la Sinjoro; kaj la Sinjoro por la korpo;

¹⁴kaj Dio levis la Sinjoron, kaj levos ankaux nin per Sia potenco.

¹⁵Cxu vi ne scias, ke viaj korpoj estas membroj de Kristo? cxu mi do prenos la membrojn de Kristo, kaj faros ilin membroj de malcxastistino? Nepre ne!

¹⁶Aux cxu vi ne scias, ke tiu, kiu kunigxas kun malcxastistino, estas kun sxi unu korpo? cxar: Ili, Li diris, estos unu karno.

¹⁷Sed tiu, kiu kunigxas kun la Sinjoro, estas kun li unu spirito.

¹⁸Forkuru de malcxasteco. Cxiu peko, kiun homo faras, estas ekster la korpo; sed tiu, kiu malcxastas, pekas kontraux sia propra korpo.

¹⁹Aux cxu vi ne scias, ke via korpo estas templo de la Sankta Spirito, kiu estas en vi kaj kiun vi havas de Dio? kaj vi ne apartenas al vi mem,

²⁰cxar vi estas acxetitaj per prezo; gloru do Dion en via korpo.