Read La Sankta Biblio, sen Ĉapelo esparanto 2 Korintanoj 6 Bible Online

2 Korintanoj 6 - La Sankta Biblio, sen Ĉapelo esparanto bible

2 Korintanoj 6

¹Kaj kunlaborante kun li, ni petegas ankaux, ke vi ne vane akceptu la gracon de Dio

²(cxar Li diris: En tempo de favoro Mi auxskultis vin, Kaj en tago de savo Mi helpis vin; jen nun la tempo de favoro; jen nun la tago de savo);

³ni donu en nenio okazon por maledifo, por ke oni ne kulpigu nian administradon;

⁴sed en cxio ni aprobigu nin, kiel servantoj de Dio, en multa pacienco, en suferoj, en afliktoj, en malfacilajxoj,

⁵en batovundoj, en malliberigoj, en tumultoj, en laboroj, en maldormoj, en malsatoj,

⁶en cxasteco, en sciado, en pacienco, en afableco, en Spirito Sankta, en amo senhipokrita,

⁷en la vorto de vero, en la potenco de Dio; per la armajxo de justeco dekstre kaj maldekstre,

⁸per gloro kaj malgloro, per malbonfamo kaj bonfamo; kiel trompantoj, tamen veraj;

⁹kiel nekonataj, tamen bone konataj; kiel mortantaj, kaj jen ni vivas; kiel pune korektataj, tamen ne mortigataj;

¹⁰kiel dolorplenaj, tamen cxiam gxojantaj; kiel malricxaj, tamen multajn ricxigantaj; kiel nenion havantaj, tamen posedantaj cxion.

¹¹Nia busxo estas malfermita al vi, ho Korintanoj, nia koro estas plivastigita.

¹²Vi ne estas malvastigitaj en ni, sed vi estas malvastigitaj en viaj propraj internajxoj.

¹³Pro rekompenco samspeca do (mi parolas kiel al infanoj) vi ankaux estu plivastigitaj.

¹⁴Ne estigxu kunjuguloj maltauxge kun nekredantoj; cxar kian partoprenon havas justeco kun maljusteco? aux kian komunajxon havas lumo kun mallumo?

¹⁵Kaj kian akordon havas Kristo kun Belial? aux kian kunecon havas kredanto kun nekredanto?

¹⁶Kaj kian konsenton havas templo de Dio kun idoloj? cxar ni estas templo de Dio vivanta; kiel diris Dio: Mi logxos inter ili, kaj Mi iros inter ili; kaj Mi estos ilia Dio, kaj ili estos Mia popolo.

¹⁷Tial Eliru el inter ili, kaj estu apartaj, diras la Eternulo, Kaj ne tusxu malpurajxon; Kaj Mi vin akceptos,

¹⁸Kaj Mi estos por vi Patro, Kaj vi estos Miaj filoj kaj filinoj, diras la Eternulo Plejpotenca.