Read La Sankta Biblio, sen Ĉapelo esparanto Galatoj 1 Bible Online

Galatoj 1 - La Sankta Biblio, sen Ĉapelo esparanto bible

Galatoj 1

¹Pauxlo, apostolo (ne de homoj, nek per homo, sed per Jesuo Kristo, kaj Dio, la Patro, kiu levis lin el la mortintoj),

²kaj cxiuj fratoj, kiuj estas kun mi, al la eklezioj de Galatujo:

³Graco al vi kaj paco de Dio, la Patro, kaj de nia Sinjoro Jesuo Kristo,

⁴kiu sin donis pro niaj pekoj, por liberigi nin el la nuna malbona mondo, laux la volo de nia Dio kaj Patro;

⁵al kiu estu la gloro por cxiam kaj eterne. Amen.

⁶Mi miras, ke tiel rapide vi forigxas for de Tiu, kiu vokis vin en la gracon de Kristo, al malsama evangelio;

⁷kiu ja ne estas alia, sed trovigxas iuj, kiuj vin maltrankviligas kaj deziras renversi la evangelion de Kristo.

⁸Tamen se ecx ni, aux angxelo el la cxielo, al vi instruus ian evangelion krom tiu, kiun ni jam al vi instruis, tiu estu anatemita.

⁹Kiel ni antauxe diris, tiel nun mi denove diras: Se iu al vi instruas ian evangelion krom tiu, kiun vi ricevis, tiu estu anatemita.

¹⁰Cxar cxu mi nun influas homojn, aux Dion? aux cxu mi celas placxi al homoj? se mi ankoraux nun placxus al homoj, mi ne estus servisto de Kristo.

¹¹Cxar mi sciigas vin, fratoj, rilate al la evangelio predikita de mi, ke gxi ne estas laux homo.

¹²Cxar mi ne ricevis gxin de homo, kaj gxi ne estas instruita al mi krom per malkasxo de Jesuo Kristo.

¹³Cxar vi iam auxdis pri mia estinta vivmaniero en Judismo, ke mi forte persekutis la eklezion de Dio kaj gxin atakis;

¹⁴kaj mi plimulte progresis en Judismo, ol multaj miaj samagxuloj en mia nacio, estante multe pli fervoranima pri la tradicioj de miaj prapatroj.

¹⁵Sed kiam bonvole placxis al Dio, kiu el la ventro de mia patrino apartigis min kaj per Sia graco min vokis,

¹⁶por malkasxi en mi Sian Filon, por ke mi prediku lin inter la nacianoj: mi ne konsiligxis kun karno kaj sango,

¹⁷kaj mi ne supreniris al Jerusalem, al la antaux mi apostoloj, sed mi tuj foriris en Arabujon, kaj poste mi revenis al Damasko.

¹⁸Tiam, post tri jaroj, mi supreniris al Jerusalem, por viziti Kefason, kaj mi restis kun li dek kvin tagojn.

¹⁹Sed neniun alian el la apostoloj mi vidis, krom Jakobo, la frato de la Sinjoro.

²⁰Pri tio, kion mi skribas al vi, jen, antaux Dio, mi ne mensogas.

²¹Poste mi venis en la regionojn de Sirio kaj Kilikio.

²²Kaj mi ankoraux estis vizagxe nekonata de la eklezioj de Judujo, kiuj estis en Kristo;

²³sed ili nur auxdis la jenon: Kiu nin iam persekutis, tiu nun predikas la fidon, kiun iam li atakis;

²⁴kaj ili gloris Dion en mi.