Read La Sankta Biblio, sen Ĉapelo esparanto Galatoj 3 Bible Online

Galatoj 3 - La Sankta Biblio, sen Ĉapelo esparanto bible

Galatoj 3

¹Ho malsagxaj Galatoj, kiu vin ensorcxis? vin, antaux kies okuloj Kristo Jesuo estis publike prezentita krucumita.

²Nur la jenon mi deziras sciigxi de vi: Cxu per faroj de la legxo vi ricevis la Spiriton, aux per la auxdado de fido?

³Cxu vi tiel malsagxaj estas? komencinte en Spirito, cxu vi en karno nun perfektigxas?

⁴Cxu vi vane tiom suferis? se ja tio estas vana.

⁵Cxu do Tiu, kiu donas al vi la Spiriton kaj faras cxe vi miraklojn, tion faras per faroj de la legxo, aux per la auxdado de fido?

⁶Tiel same, kiel Abraham kredis al Dio, kaj tio estis kalkulita al li kiel virto.

⁷Sciu do, ke tiuj, kiuj rilatas al fido, estas filoj de Abraham.

⁸Antauxvidante do, ke per fido Dio pravigos la nacianojn, la Skribo antauxpredikis la evangelion al Abraham, dirante: Benigxos per vi cxiuj gentoj.

⁹Tial do tiuj, kiuj rilatas al fido, benigxas kun la fidela Abraham.

¹⁰Cxar cxiuj, kiuj rilatas al faroj de la legxo, estas sub malbeno; cxar estas skribite: Malbenita estas cxiu, kiu ne persistos en cxio, kio estas skribita en la libro de la legxo, por plenumi gxin.

¹¹Sed ke neniu pravigxas antaux Dio per la legxo, estas evidente; cxar: La virtulo vivos per fido;

¹²kaj la legxo ne rilatas al fido; sed: Kiu plenumas ilin, tiu vivos en ili.

¹³Kristo elacxetis nin el la malbeno de la legxo, farigxinte malbeno pro ni; cxar estas skribite: Malbenita estas cxiu, kiu pendas sur lignajxo;

¹⁴por ke venu sur la nacianojn la beno de Abraham en Kristo Jesuo; por ke per fido ni ricevu la promeson de la Spirito.

¹⁵Fratoj, mi parolas laux homo: Konfirmitan interligon, ecx nur homan, neniu nuligas nek prialdonas.

¹⁶Sed al Abraham kaj al lia semo la promesoj estis parolitaj. Li ne diras: Kaj al semoj, kvazaux pri multaj; sed kvazaux unu: Kaj al via semo, kiu estas Kristo.

¹⁷Sed jen kion mi diras: Interligon, antauxe konfirmitan de Dio, la legxo, kiu venis kvarcent tridek jarojn poste, ne nuligas, tiel ke gxi malefektivigus la promeson.

¹⁸Cxar se la heredajxo estas de la legxo, gxi jam ne estas de promeso; sed Dio gxin donis al Abraham per promeso.

¹⁹Kio do estas la legxo? Gxi estis aldonita kauxze de eraroj, gxis venos la idaro, al kiu la promeso estas donita; ordigite per angxeloj en la mano de interulo.

²⁰Interulo ne estas de unu, sed Dio estas unu.

²¹Cxu do la legxo kontrauxstaras al la promesoj de Dio? Nepre ne! cxar se estus donita legxo, kiu povus vivigi, efektive justeco estus per la legxo.

²²Tamen la Skribo kune ensxlosis cxion sub peko, por ke la promeso per fido al Kristo Jesuo estu donata al cxiuj, kiuj fidas.

²³Sed antaux ol fido venis, ni estis gardataj sub la legxo, ensxlositaj por la fido malkasxota.

²⁴Tial la legxo farigxis nia pedagogo, kondukanta al Kristo, por ke ni pravigxu per fido.

²⁵Sed nun, post kiam la fido alvenis, ni jam ne estas sub pedagogo.

²⁶Cxar vi cxiuj per la fido estas filoj de Dio en Kristo Jesuo.

²⁷Cxar cxiuj el vi, kiuj al Kristo baptigxis, surmetis al si Kriston.

²⁸Ne estas ja Judo nek Greko, ne estas sklavo nek liberulo, ne estas ja vira kaj virina; cxar vi cxiuj estas unu en Kristo Jesuo.

²⁹Se do vi apartenas al Kristo, vere vi estas la idaro de Abraham, kaj heredantoj laux la promeso.