Read La Sankta Biblio, sen Ĉapelo esparanto Galatoj 4 Bible Online

Galatoj 4 - La Sankta Biblio, sen Ĉapelo esparanto bible

Galatoj 4

¹Kaj mi sciigas vin, ke tiel longe, kiel la heredanto estas infano, li neniel malsimilas sklavon, kvankam li estas estro de cxio;

²sed li estas sub guvernantoj kaj administrantoj, gxis la templimo difinita de la patro.

³Tiel ankaux ni, dum ni estis infanoj, estis en sklaveco sub la elementoj de la mondo;

⁴sed kiam venis la pleneco de la tempo, Dio elsendis Sian Filon, el virino naskitan, sub legxo naskitan,

⁵por reacxeti tiujn, kiuj estas sub la legxo, por ke ni ricevu la filadopton.

⁶Kaj cxar vi estas filoj, Dio elsendis la Spiriton de Sia Filo en niajn korojn, kriantan, Aba, Patro!

⁷Tiel ke cxiu el vi estas jam ne sklavo, sed filo; kaj se filo, ankaux heredanto per Dio.

⁸Tamen, tiam ne konante Dion, vi estis en sklaveco al tiuj, kiuj nature ne estas dioj;

⁹sed jam nun konante Dion, aux pli gxuste, de Dio konate, kial vi returnigxas al la malfortaj kaj mizeraj elementoj, al kiuj vi deziras denove sklavigxi?

¹⁰Vi observas tagojn kaj monatojn kaj tempojn kaj jarojn.

¹¹Mi timas pri vi, ke eble mi vane laboris cxe vi.

¹²Mi petegas vin, fratoj, estu kiel mi, cxar mi ankaux estas kiel vi. Vi neniel al mi malbonfaris;

¹³sed vi scias, ke pro malforteco de la karno mi la unuan fojon predikis al vi la evangelion;

¹⁴kaj vian elprovon en mia karno vi ne malestimis nek abomenis, sed kvazaux angxelon de Dio vi akceptis min, kvazaux Kriston Jesuon.

¹⁵Kie do estas via singratulado? mi atestas al vi, ke se estus eble, vi estus elsxirintaj viajn okulojn kaj donintaj ilin al mi.

¹⁶Cxu mi do per verdirado farigxis al vi malamiko?

¹⁷Ili fervore sercxas vin, ne bone; ili ecx volas elsxlosi vin, por ke vi sercxu ilin.

¹⁸Sed estas bone esti fervore sercxata cxiam en bona afero, kaj ne nur tiam, kiam mi estas cxe vi.

¹⁹Miaj infanetoj, pro kiuj mi denove suferas naskodoloron, gxis Kristo formigxos en vi,

²⁰mi tute deziris esti cxe vi nun, kaj sxangxi mian vocxon; cxar vere mi dubas pri vi.

²¹Diru al mi, vi, kiuj volas esti sub la legxo, cxu vi ne auxskultas la legxon?

²²Cxar estas skribite, ke Abraham havis du filojn, unu el la sklavino kaj unu el la liberulino.

²³Tamen tiu el la sklavino naskigxis laux la karno, sed cxi tiu el la liberulino naskigxis per promeso.

²⁴Cxi tio enhavas alegorion; cxar la du virinoj estas du interligoj, unu el la monto Sinaj, por sklaveco naskante, kiu estas Hagar.

²⁵Cxar tiu Hagar estas la monto Sinaj en Arabujo, kaj prezentas la nunan Jerusalemon, cxar sxi estas sklavigita kune kun siaj infanoj.

²⁶Sed la supera Jerusalem estas libera, kiu estas patrino nia.

²⁷Estas ja skribite: Gxoju, ho senfruktulino, kiu ne naskis, Sonigu kanton kaj gxojkriu, ho vi, kiu ne suferas naskodoloron; Cxar la forlasitino havos pli da infanoj, ol la havanta edzon.

²⁸Sed ni, fratoj, estas filoj de promeso tiel same, kiel Isaak.

²⁹Sed kiel tiam la laux karno naskita persekutis la lauxspiritulon, tiel estas ankaux nuntempe.

³⁰Sed kion diras la Skribo? Forpelu la sklavinon kaj sxian filon; cxar la filo de la sklavino ne heredos kun la filo de la liberulino.

³¹Tial, fratoj, ni estas filoj ne de sklavino, sed de la liberulino.