Read La Sankta Biblio, sen Ĉapelo esparanto Galatoj 5 Bible Online

Galatoj 5 - La Sankta Biblio, sen Ĉapelo esparanto bible

Galatoj 5

¹Por libereco Kristo nin liberigis; tial staru fortike, kaj ne reimplikigxu en jugon de sklaveco.

²Jen mi, Pauxlo, diras al vi, ke, se vi cirkumcidigxos, Kristo al vi tute ne utilos.

³Mi denove atestas al cxiu homo cirkumcidata, ke li estas sxuldanto, por plenumi la tutan legxon.

⁴Vi, kiuj volas vin pravigi per la legxo, apartigxis for de Kristo; vi forfalis de graco.

⁵Cxar ni en la Spirito atendas la esperon de justeco per la fido.

⁶Cxar en Kristo Jesuo nek cirkumcido nek necirkumcido valoras ion, sed nur fido, energianta per amo.

⁷Vi bone kuradis; kiu vin malhelpis, ke vi ne obeu la veron?

⁸Cxi tiu influo ne venas de tiu, kiu vin vokas.

⁹Malmulto da fermentajxo fermentigas la tutan mason.

¹⁰Mi fidas pri vi en la Sinjoro, ke vi ne alie sentados; sed tiu, kiu malkvietigas vin, elportos sian propran jugxon, kiu ajn li estas.

¹¹Sed mi, fratoj, se mi ankoraux predikas cirkumcidon, kial mi estas ankoraux persekutata? tiuokaze la falpusxilo de la kruco estas formovita.

¹²Mi volus, ke tiuj, kiuj vin maltrankviligas, sin fortrancxu.

¹³Cxar vi, fratoj, estas vokitaj al libereco; tamen ne uzu vian liberecon kiel pretekston por la karno, sed per amo servu unu la alian.

¹⁴Cxar la tuta legxo estas plenumata en unu diro, jene: Amu vian proksimulon kiel vin mem.

¹⁵Sed se vi mordas kaj mangxegas unu la alian, gardu vin, ke vi ne estu detruitaj unu de la alia.

¹⁶Sed mi diras: Iradu laux la Spirito, kaj la deziregon de la karno vi ne plenumos.

¹⁷Cxar la karno deziregas kontraux la Spirito, kaj la Spirito kontraux la karno; cxar cxi cxiuj interbatalas reciproke, por ke vi ne faru tion, kion vi volas.

¹⁸Sed se vi estas kondukataj de la Sinjoro, vi jam ne estas sub la legxo.

¹⁹Evidentaj estas la faroj de la karno, kiuj estas malcxasteco, malpureco, voluptemo,

²⁰idolkulto, sorcxado, malamikeco, malpaco, jxaluzoj, koleregoj, partiemeco, skismoj, herezoj,

²¹envioj, ebrieco, dibocxado, kaj aliaj similaj; pri kiuj mi avertas vin, kiel mi jam antauxe admonis vin, ke tiuj, kiuj tion faradas, ne heredos la regnon de Dio.

²²Sed la frukto de la Spirito estas amo, gxojo, paco, pacienco, komplezo, bonkoreco, fideleco,

²³mildeco, sinregado; kontraux tiaj ne ekzistas legxo.

²⁴Kaj tiuj, kiuj apartenas al Kristo Jesuo, jam krucumis la karnon kun gxiaj pasioj kaj voluptoj.

²⁵Se ni vivas per la Spirito, en la Spirito ni ankaux iradu.

²⁶Ni ne farigxu fanfaronemaj, incitante kaj enviante unu la alian.