Read La Sankta Biblio, sen Ĉapelo esparanto Galatoj 6 Bible Online

Galatoj 6 - La Sankta Biblio, sen Ĉapelo esparanto bible

Galatoj 6

¹Fratoj, ecx se homo estos trovita en ia kulpo, vi, kiuj estas spiritaj, restarigu tiun per spirito de mildeco; rigardante vin, cxiu sin mem, por ke vi ne estu tentataj.

²Reciproke subtenadu viajn sxargxojn, kaj tiamaniere plenumu la legxon de Kristo.

³Cxar, se iu, estante nenio, sin estimas, kvazaux li estas io, li sin trompas.

⁴Sed cxiu kontrolu sian propran faradon, kaj tiam li havos singratuladon pri si mem, kaj ne pri sia proksimulo.

⁵Cxar cxiu devas subteni sian propran portajxon.

⁶Tiu, kiu estas instruata en la parolo de Dio, partoprenu kun tiu, kiu lin instruas, en cxiuj bonajxoj.

⁷Ne trompigxu; Dio ne estas mokata; cxar cxion, kion oni semas, tion ankaux li rikoltos.

⁸Cxar kiu semas por sia karno, el la karno tiu rikoltos putradon; sed kiu semas por la Spirito, el la Spirito tiu rikoltos eternan vivon.

⁹Kaj ni ne lacigxu en bonfarado; cxar gxustatempe ni rikoltos, se ni ne senfortigxos.

¹⁰Tial laux nia oportuna tempo ni bonfaradu al cxiuj, precipe al tiuj, kiuj apartenas al la familio de la fido.

¹¹Vidu, per kiaj grandaj literoj mi skribis al vi propramane.

¹²Kiuj deziras sin paradi per la karno, tiuj devigas vin cirkumcidigxi; sole por ke ili ne estu persekutataj pro la kruco de Kristo.

¹³Cxar ecx tiuj mem, kiuj cirkumcidigxas, ne observas la legxon; sed ili deziras, ke vi cirkumcidigxu, por ke ili fanfaronu pri via karno.

¹⁴Sed por mi ne estu fanfarono krom pri la kruco de nia Sinjoro Jesuo Kristo, per kiu la mondo estas krucumita al mi, kaj mi al la mondo.

¹⁵Cxar nek cirkumcido nek necirkumcido estas io, sed nova kreitajxo.

¹⁶Kaj kiuj irados laux tiu regulo, paco kaj kompato estu sur ili cxiuj, kaj sur la Izrael de Dio.

¹⁷De nun neniu min gxenu, cxar mi portas en mia korpo la signojn de Jesuo.

¹⁸La graco de nia Sinjoro Jesuo Kristo estu kun via spirito, fratoj. Amen.