Read La Sankta Biblio, sen Ĉapelo esparanto Efesanoj 4 Bible Online

Efesanoj 4 - La Sankta Biblio, sen Ĉapelo esparanto bible

Efesanoj 4

¹Mi do, malliberulo pro la Sinjoro, petegas vin, ke vi iradu inde je la voko, en kiu vi estas vokitaj,

²kun cxia humileco kaj mildeco, kun toleremeco, paciencante unu al alia en amo,

³penante konservi la unuecon de la Spirito en la ligilo de paco.

⁴Estas unu korpo, kaj unu Spirito, kiel ankaux vi estas vokitaj en unu espero de via voko;

⁵unu Sinjoro, unu fido, unu bapto,

⁶unu Dio kaj Patro de cxiuj, kiu estas super cxiuj, kaj tra cxiuj, kaj en cxiuj.

⁷Sed al cxiu el ni la graco estas donita, laux la mezuro de la dono de Kristo.

⁸Tial li diras: Kiam li supreniris alten, li alkondukis kaptitojn, Kaj donis donacojn al homoj.

⁹(Cxi tio do: Li supreniris-kio gxi estas krom tio, ke li ankaux antauxe malsupreniris gxis la profundajxoj de la tero?

¹⁰La malsuprenirinto-tiu sama estis la suprenirinto alte super cxiuj cxieloj, por plenigi cxion.)

¹¹Kaj unujn li donis por esti apostoloj; aliajn, profetoj; aliajn, evangeliistoj; kaj aliajn, pasxtistoj kaj instruistoj;

¹²por perfektigo de la sanktuloj, por la laboro de pastrado, por la konstruo de la korpo de Kristo,

¹³gxis ni cxiuj atingos la unuecon de la fido kaj de la scio de la Filo de Dio, gxis la homo perfekta, gxis la mezuro de la matureco de la pleneco de Kristo;

¹⁴por ke ni jam ne estu infanoj, onde jxetataj kaj cxirkauxpelataj de cxiu vento de doktrino, per jxonglado de homoj, per ruzo laux artifiko de trompo;

¹⁵sed parolante la veron en amo, ni cxiel kreskadu en tiun, kiu estas la kapo, Kristo,

¹⁶el kiu la tuta korpo, kunigita kaj kunfortikigita tra cxiu artiko de la livera sistemo, per energio, laux la mezuro de cxiu parto, faras kreskadon de la korpo, por la sinedifado en amo.

¹⁷La jenon do mi diras, kaj protestas en la Sinjoro, ke vi ne plu iru tiel, kiel iras ankaux la nacianoj en la vanteco de siaj mensoj,

¹⁸mallumigitaj en intelekto, fremdigitaj for de la vivo de Dio, pro la nescio, kiu estas en ili, pro la malmoleco de ilia koro;

¹⁹kiuj, sensentigxinte, fordonis sin al malcxasteco por la praktikado de cxia malpureco kun avideco.

²⁰Sed vi ne tiel lernis Kriston;

²¹se almenaux vi lin auxdis, kaj en li estis instruitaj, kiel en Jesuo estas vero;

²²por ke vi formetu, rilate al antauxa konduto, la malnovan homon, pereeman laux trompaj deziroj,

²³kaj renovigxu rilate al la spirito de via menso,

²⁴kaj surmetu la novan homon, kreitan laux Dio en justeco kaj vera sankteco.

²⁵Pro tio, formetante malveron, cxiu parolu veron kun sia proksimulo, cxar ni estas membroj unu de alia.

²⁶Koleru kaj ne peku, la suno ne subiru sur via kolero;

²⁷ankaux ne donu lokon al la diablo.

²⁸Sxtelinto ne plu sxtelu, sed prefere li laboru, farante bonon per siaj manoj, por ke li havu ion por doni al bezonanto.

²⁹El via busxo eliru neniu putra vorto, sed nur tio, kio estas bona, por konvena edifado, por ke gxi donu gracon al la auxdantoj.

³⁰Kaj ne cxagrenu la Sanktan Spiriton de Dio, en kiu vi estis sigelitaj al la tago de elacxeto.

³¹Cxia akreco kaj indigno kaj kolero kaj vocxbruado kaj kalumnio estu formetitaj el inter vi, kune kun cxia malico;

³²kaj estu bonfaraj unu al alia, bonkoraj, pardonantaj unu al alia, kiel ankaux Dio en Kristo pardonis al vi.