Read La Sankta Biblio, sen Ĉapelo esparanto Efesanoj 5 Bible Online

Efesanoj 5 - La Sankta Biblio, sen Ĉapelo esparanto bible

Efesanoj 5

¹Estu do imitantoj de Dio, kiel infanoj amataj;

²kaj iradu en amo, kiel Kristo nin amis kaj sin donis pro ni, donajxon kaj oferajxon al Dio por agrabla odorajxo.

³Sed malcxasteco kaj cxia malpureco kaj avideco ne ecx estu nomataj inter vi, kiel decas por sanktuloj;

⁴nek ia hontindajxo, nek sensenca parolado, nek tro libera babilado, kiuj ne konvenas; sed prefere dankesprimo.

⁵Cxar vi ja scias, ke cxiu malcxastulo kaj malpurulo kaj avidulo, kiu estas idolano, havas nenian heredon en la regno de Kristo kaj Dio.

⁶Neniu vin trompu per vantaj vortoj; cxar pro tiuj aferoj venas sur la infanojn de malobeo la kolero de Dio.

⁷Ne estu do partoprenantoj kun ili;

⁸cxar iam vi estis mallumo, sed jam vi estas lumo en la Sinjoro; iru kiel infanoj de lumo

⁹(cxar la frukto de la lumo estas en cxia boneco kaj justeco kaj vero),

¹⁰provante, kio bone placxas al la Sinjoro;

¹¹kaj ne partoprenu kun la senfruktaj faroj de mallumo, sed prefere refutu ilin;

¹²cxar estas hontinde ecx paroli pri tio, kion ili faras sekrete.

¹³Sed cxio, kio estas refutata, estas elmontrata per la lumo, cxar cxio elmontrata estas lumo.

¹⁴Tial estas dirite: Vekigxu, dormanto, kaj relevigxu el la mortintoj, kaj Kristo al vi lumos.

¹⁵Zorgu do, ke vi atente iradu, ne kiel malsagxaj, sed kiel sagxaj;

¹⁶elacxetante la tempon, cxar malbonaj estas la tagoj.

¹⁷Ne estu do senprudentaj, sed komprenu, kio estas la volo de la Sinjoro.

¹⁸Kaj ne ebriigxu per vino, en kio estas dibocxo, sed plenigxu per la Spirito;

¹⁹parolante unu al alia per psalmoj kaj himnoj kaj kantoj spiritaj, kantante kaj psalmante en viaj koroj al la Sinjoro,

²⁰dankante Dion, la Patron, cxiam pro cxio en la nomo de nia Sinjoro Jesuo Kristo;

²¹submetigxante unu al alia en la timo al Kristo.

²²Edzinoj, submetigxu al viaj edzoj tiel same, kiel al la Sinjoro.

²³Cxar edzo estas kapo de edzino, kiel ankaux Kristo estas kapo de la eklezio; kaj li estas la savanto de la korpo.

²⁴Sed kiel la eklezio sin submetas al Kristo, tiel ankaux edzinoj al edzoj en cxio.

²⁵Edzoj, amu viajn edzinojn, kiel Kristo amis la eklezion kaj pro gxi sin donis,

²⁶por ke li sanktigu gxin per akvolavo, kun la vorto,

²⁷por ke li starigu gxin antaux si glora eklezio, ne havanta makulon, nek malglatajxon, nek ion tian, sed por ke gxi estu sankta kaj sendifekta.

²⁸Tiel same devas edzoj ami siajn edzinojn kiel siajn proprajn korpojn. Kiu amas sian edzinon, tiu amas sin mem;

²⁹cxar oni neniam malamas sian propran karnon, sed nutras kaj prizorgas gxin, kiel ankaux la Sinjoro la eklezion;

³⁰cxar ni estas membroj de lia korpo.

³¹Tial viro forlasos sian patron kaj sian patrinon, kaj aligxos al sia edzino, kaj ili du estos unu karno.

³²Cxi tiu mistero estas granda, sed mi parolas pri Kristo kaj la eklezio.

³³Tamen ankaux cxiu el vi individue amu sian edzinon, kiel sin mem; kaj la edzino timu sian edzon.