Read La Sankta Biblio, sen Ĉapelo esparanto Filipianoj 2 Bible Online

Filipianoj 2 - La Sankta Biblio, sen Ĉapelo esparanto bible

Filipianoj 2

¹Se do en Kristo ekzistas ia konsolo, ia simpatio de amo, ia kunuleco de la Spirito, ia korfavoro kaj kompato,

²plenigu mian gxojon, ke vi tiel same sentu, havante la saman amon, estante unuanimaj, sampensaj,

³nenion farante malpace aux arogante, sed kun humileco rigardante unu la alian kiel pli indan, ol li mem;

⁴ne atentu cxiu siajn proprajn aferojn, sed cxiu ankaux la aferojn de aliaj.

⁵Tiu sama spirito estu en vi, kiu estis ankaux en Kristo Jesuo,

⁶kiu, estante en la formo de Dio, ne rigardis kiel sxatindajxon la egalecon kun Dio

⁷sed sin malplenigis, alprenante la formon de sklavo, farigxante laux la bildo de homoj;

⁸kaj trovigxinte lauxfigure kiel homo, li sin humiligis kaj farigxis obeema gxis morto, ecx gxis la morto per kruco.

⁹Pro tio do Dio tre alte superigis lin, kaj donis al li nomon, kiu estas super cxia nomo,

¹⁰por ke en la nomo de Jesuo klinigxu cxiu genuo, de encxieluloj kaj surteruloj kaj subteruloj,

¹¹kaj cxiu lango konfesu, ke Jesuo Kristo estas Sinjoro, al la gloro de Dio, la Patro.

¹²Tial, miaj amatoj, kiel vi cxiam obeis, ne nur dum mia cxeestado cxe vi, sed nun ecx pli multe dum mia forestado, ellaboru kun timo kaj tremo vian propran savon;

¹³cxar Dio estas Tiu, kiu elfaras en vi la volon kaj la energion laux Sia bonvolo.

¹⁴Cxion faru sen murmuroj kaj disputoj,

¹⁵por ke vi estu senkulpaj kaj simplaj, filoj de Dio, neriprocxindaj, meze de perversa kaj malhonesta generacio, inter kiuj vi brilas kiel lumiloj en la mondo,

¹⁶forte tenante la vorton de la vivo; por ke estu por mi io, pri kio mi povos min gratuli en la tago de Kristo, ke mi ne vane kuris kaj laboris.

¹⁷Cetere, ecx se mi estas elversxata sur la oferon kaj servon de via fido, mi gxojas kaj kungxojas kun vi cxiuj;

¹⁸kaj tiel same vi ankaux gxoju kaj kungxoju kun mi.

¹⁹Sed mi esperas en la Sinjoro Jesuo baldaux sendi al vi Timoteon, por ke mi ankaux refresxigxu, kiam mi certigxos pri via stato.

²⁰Cxar mi havas neniun samsentan, kiu sincere zorgos pri via stato.

²¹Cxar cxiu celas siajn aferojn, ne la aferojn de Jesuo Kristo.

²²Sed vi ja konas lian provadon, ke kiel filo servas al sia patro, tiel li servis kun mi por la evangelio.

²³Lin do mi esperas tuj sendi, kiam mi certigxos, kio al mi okazos,

²⁴sed mi fidas al la Sinjoro, ke mi mem ankaux venos baldaux.

²⁵Tamen sxajnis al mi necese sendi al vi Epafroditon, mian fraton kaj kunlaboranton kaj kunbatalanton, vian senditon kaj helpanton por mia bezono;

²⁶cxar li sopiris al vi cxiuj, kaj forte maltrankviligxis pro tio, ke vi jam sciigxis pri lia malsano;

²⁷cxar efektive li malsanis, preskaux gxis morto; sed Dio kompatis lin, kaj ne sole lin, sed ankaux min, por ke mi ne havu malgxojon super malgxojo.

²⁸Mi do sendis lin des pli diligente, por ke, revidante lin, vi gxoju, kaj ke mi estu sen malgxojo.

²⁹Akceptu lin do en la Sinjoro kun plena gxojo, kaj tiajn homojn honoru;

³⁰cxar pro la laboro por Kristo li alproksimigxis al morto, riskante sian vivon, por kompletigi tion, kio mankis cxe via servado al mi.