Read La Sankta Biblio, sen Ĉapelo esparanto Koloseanoj 2 Bible Online

Koloseanoj 2 - La Sankta Biblio, sen Ĉapelo esparanto bible

Koloseanoj 2

¹Mi volas do, ke vi sciu, kiel grandan klopodon mi havas pro vi, kaj pro tiuj en Laodikea, kaj pro cxiuj, kiuj ne vidis mian vizagxon en la karno;

²por ke iliaj koroj konsoligxu, dum ili kunkrocxigxas en amo, kaj al cxia ricxeco de la plena certigxo de kompreno, por ke ili sciu la misteron de Dio, Kriston,

³en kiu estas kasxitaj cxiuj trezoroj de sagxeco kaj de scio.

⁴Tion mi diras, por ke neniu vin trompu per parola allogeco.

⁵Cxar kvankam mi laux karno forestas, tamen laux spirito mi estas kun vi, gxojante kaj vidante vian ordon kaj la firmecon de via fido al Kristo.

⁶Kiel do vi ricevis Kriston Jesuon, la Sinjoron, tiel vi iradu en li,

⁷enradikigite kaj konstruite en li, kaj firmigite en la fido, kiel vi estas instruitaj, kun abundo da dankesprimo.

⁸Gardu vin, ke neniu prirabu vin per filozofio kaj vanta trompo, laux la tradicio de homoj, laux la elementoj de la mondo, kaj ne laux Kristo;

⁹cxar en li korpe logxas la tuta pleneco de la Dieco,

¹⁰kaj vi estas plenigitaj en li, kiu estas la kapo de cxia estreco kaj auxtoritato;

¹¹en kiu ankaux vi cirkumcidigxis per cirkumcido ne manfarita, en la demeto de la korpo de la karno, en la cirkumcido de Kristo;

¹²enterigite kun li en bapto, en kiu ankaux vi estas kunlevitaj per la fido al la energio de Dio, kiu lin levis el la mortintoj.

¹³Kaj vin, kiuj estis malvivaj per viaj eraroj kaj la necirkumcido de via karno, Li vivigis kun li, pardoninte al ni cxiujn erarojn;

¹⁴elvisxinte la dekreton kontraux ni en ordonoj skribitan, kiu estis al ni malfavora, kaj li forprenis gxin el la mezo, najlinte gxin al la kruco;

¹⁵kaj foriginte de si la estrecojn kaj la auxtoritatojn, parade malkasxis ilin, triumfante super ili en gxi.

¹⁶Neniu do vin jugxu pri mangxajxo, aux trinkajxo, aux rilate al festo, aux novmonato, aux sabato;

¹⁷kiuj estas ombro de la estontajxoj, sed la korpo apartenas al Kristo.

¹⁸Neniu forrabu de vi vian premion per memvola humileco kaj kulto de la angxeloj, entrudante sin en tion, kion li ne vidis, vante blovosxvelinte per sia karna menso,

¹⁹kaj ne tenante sin al la Kapo, el kiu la tuta korpo, per la artikoj kaj ligiloj provizita kaj kunigita, kreskas laux la kreskigo de Dio.

²⁰Se vi mortis kun Kristo for de la elementoj de la mondo, kial, kiel vivantaj en la mondo, vi submetigxas al dekretoj:

²¹Ne tusxu, ne gustumu, ne palpu,

²²pri cxio, kio pereas per la uzado, laux la ordonoj kaj doktrinoj de homoj?

²³Cxio tio havas sxajnon de sagxeco en volokulto kaj humileco kaj severeco rilate al la korpo, sed ne en ia valoro por plensatigo de la karno.