Read La Sankta Biblio, sen Ĉapelo esparanto Koloseanoj 3 Bible Online

Koloseanoj 3 - La Sankta Biblio, sen Ĉapelo esparanto bible

Koloseanoj 3

¹Se do vi estas levitaj kun Kristo, sercxu tion, kio estas supre, kie Kristo sidas dekstre de Dio.

²Atentu tion, kio estas supre, ne surterajxojn.

³Cxar vi mortis, kaj via vivo kasxigxis kun Kristo en Dio.

⁴Kiam aperos Kristo, nia vivo, tiam vi ankaux kun li aperos en gloro.

⁵Malvivigu do viajn membrojn, kiuj estas sur la tero: malcxastecon, malpurecon, volupton, malbonan deziron, kaj avidecon, kiu estas idolkulto;

⁶pro kio venas la kolero de Dio sur la filojn de malobeo;

⁷en kiuj vi ankaux iam iradis, kiam vi vivis en ili.

⁸Sed nun formetu ankaux la jenajn: koleron, pasian indignon, malicon, kalumnion, hontindan parolon el via busxo;

⁹ne mensogu unu al alia, cxar vi jam formetis la malnovan homon kun liaj agoj,

¹⁰kaj surmetis la novan homon, kiu estas renovigata al scio laux la bildo de Tiu, kiu lin kreis;

¹¹kie ne povas esti Greko kaj Judo, cirkumcido kaj necirkumcido, barbaro, Skito, sklavo, liberulo, sed Kristo estas cxio kaj en cxio.

¹²Surmetu do, kiel elektitoj de Dio, sanktaj kaj amataj, koron de kompato, bonkorecon, humilecon, mildecon, toleremecon;

¹³reciproke paciencante kaj pardonante, se iu havas plendon kontraux iu; kiel la Sinjoro pardonis vin, tiel vi ankaux faru;

¹⁴kaj super cxion tion surmetu amon, kiu estas ligilo de perfekteco.

¹⁵Kaj la paco de Kristo prezidu en viaj koroj, al kiu ankaux vi estas vokitaj en unu korpo, kaj estu dankemaj.

¹⁶La vorto de Kristo logxu en vi ricxe, en cxia sagxeco; kaj instruu kaj admonu unu la alian per psalmoj kaj himnoj kaj spiritaj kantoj, kantante kun graco en viaj koroj al Dio.

¹⁷Kaj kion ajn vi faras per vorto aux ago, faru cxion en la nomo de la Sinjoro Jesuo, dankante Dion, la Patron, per li.

¹⁸Edzinoj, submetigxu al viaj edzoj, kiel decas en la Sinjoro.

¹⁹Edzoj, amu viajn edzinojn, kaj ne maldolcxigxu kontraux ili.

²⁰Infanoj, obeu viajn gepatrojn en cxio, cxar tio placxas al la Sinjoro.

²¹Patroj, ne kolerigu viajn infanojn, por ke ili ne senkuragxigxu.

²²Sklavoj, obeu en cxio al la sinjoroj laux la karno, ne per okulservo, kiel homplacxantoj, sed en simpleco de koro, timante la Sinjoron;

²³kaj kion ajn vi faras, laboru plenanime, kiel por la Sinjoro, kaj ne por homoj,

²⁴sciante, ke de la Sinjoro vi ricevos la rekompencon de la heredajxo; cxar vi servas la Sinjoron Kristo.

²⁵Sed cxiu maljuste faranta ricevos returne laux sia maljustajxo, kaj ne ekzistas personfavorado.