Read La Sankta Biblio, sen Ĉapelo esparanto Josuo 11 Bible Online

Josuo 11 - La Sankta Biblio, sen Ĉapelo esparanto bible

Josuo 11

¹Kiam tion auxdis Jabin, regxo de Hxacor, li sendis al Jobab, regxo de Madon, kaj al la regxo de Sximron kaj al la regxo de Ahxsxaf,

²kaj al la regxoj, kiuj logxis norde sur la monto, kaj sur la stepo sude de Kinerot, kaj sur la malaltajxo, kaj en Nafot-Dor apud la maro,

³al la Kanaanidoj oriente kaj okcidente, kaj al la Amoridoj kaj Hxetidoj kaj Perizidoj, kaj Jebusidoj sur la monto, kaj al la Hxividoj sub Hxermon en la lando Micpa.

⁴Kaj eliris ili kaj ilia tuta militistaro kun ili, granda nombro da homoj, kiel la sablo sur la bordo de la maro, kaj tre multe da cxevaloj kaj cxaroj.

⁵Kaj kunigxis cxiuj tiuj regxoj, kaj venis kaj starigis siajn tendarojn kune apud la akvo Merom, por batali kontraux Izrael.

⁶Kaj la Eternulo diris al Josuo: Ne timu ilin, cxar morgaux en cxi tiu tempo Mi transdonos ilin cxiujn mortigotajn al Izrael; iliajn cxevalojn vi lamigos, kaj iliajn cxarojn vi forbruligos per fajro.

⁷Kaj eliris kontraux ilin Josuo kune kun cxiuj militistoj subite al la akvo Merom, kaj jxetis sin sur ilin.

⁸Kaj la Eternulo transdonis ilin en la manojn de la Izraelidoj, kaj cxi tiuj batis ilin, kaj persekutis ilin gxis Granda Cidon kaj gxis Misrefot- Maim, kaj gxis la valo de Micpe oriente, kaj batis ilin tiel, ke ili lasis al ili neniun restanton.

⁹Kaj Josuo agis kun ili tiel, kiel diris al li la Eternulo: iliajn cxevalojn li lamigis, kaj iliajn cxarojn li forbruligis per fajro.

¹⁰Kaj en tiu tempo Josuo iris returne, kaj prenis Hxacoron, kaj gxian regxon li mortigis per glavo; cxar Hxacor antauxe estis la cxefa el cxiuj tiuj regnoj.

¹¹Kaj ili mortigis per glavo cxion vivantan, kio estis en gxi; ili ekstermis tiel, ke restis neniu animo; kaj Hxacoron li forbruligis per fajro.

¹²Kaj cxiujn urbojn de tiuj regxoj kaj cxiujn iliajn regxojn Josuo prenis, kaj mortigis ilin per glavo, ekstermis ilin, kiel ordonis Moseo, servanto de la Eternulo.

¹³Sed cxiujn urbojn, kiuj staris sur montetoj, la Izraelidoj ne forbruligis; nur Hxacoron solan Josuo forbruligis.

¹⁴Kaj la tutan akireblajxon el tiuj urboj kaj la brutojn la Izraelidoj rabis al si; nur cxiujn homojn ili mortigis per glavo, gxis ili ekstermis ilin, restigante neniun animon.

¹⁵Kiel la Eternulo ordonis al Sia servanto Moseo, tiel Moseo ordonis al Josuo, kaj tiel faris Josuo; li mankigis nenion el cxio, kion la Eternulo ordonis al Moseo.

¹⁶Tiamaniere Josuo prenis tiun tutan landon, la monton kaj la tutan sudan parton kaj la tutan landon Gosxen kaj la malaltajxon kaj la stepon kaj la monton de Izrael kun gxia bazo;

¹⁷de la monto Hxalak, kiu levigxas en la direkto al Seir, gxis Baal-Gad en la valo de Lebanon, sub la monto Hxermon; kaj cxiujn iliajn regxojn li prenis, kaj batis ilin kaj mortigis ilin.

¹⁸Dum longa tempo Josuo militis kontraux cxiuj tiuj regxoj.

¹⁹Ne ekzistis urbo, kiu faris pacon kun la Izraelidoj, krom la Hxividoj, logxantoj en Gibeon; cxiujn ili prenis per milito.

²⁰Cxar de la Eternulo venis la obstinigxo de ilia koro al milito kontraux Izrael, por ekstermi ilin, por ke ne estu indulgo por ili, sed por ekstermi ilin plene, kiel la Eternulo ordonis al Moseo.

²¹Kaj en tiu tempo venis Josuo, kaj ekstermis la Anakidojn sur la monto, en Hxebron, en Debir, en Anab, kaj sur la tuta monto de Jehuda kaj sur la monto de Izrael; kun iliaj urboj Josuo ekstermis ilin.

²²Ne restis Anakidoj en la lando de la Izraelidoj; nur en Gaza, en Gat, kaj en Asxdod ili restis.

²³Tiamaniere Josuo prenis la tutan landon, konforme al cxio, kion la Eternulo diris al Moseo; kaj Josuo donis gxin kiel heredan posedajxon al Izrael, laux iliaj partoj, laux iliaj triboj. Kaj la lando trankviligxis de milito.