Read La Sankta Biblio, sen Ĉapelo esparanto 1 Timoteo 3 Bible Online

1 Timoteo 3 - La Sankta Biblio, sen Ĉapelo esparanto bible

1 Timoteo 3

¹Fidinda estas la diro: Se iu celas episkopecon, tiu deziras bonan laboron.

²Episkopo do devas esti neriprocxebla, edzo de unu edzino, sobra, moderema, ordema, gastama, instruema,

³ne vindrinkema, ne batema; sed mildanima, ne disputema, ne monamanto;

⁴reganta bone sian propran domanaron, tenante siajn gefilojn sub regado kun cxia seriozeco

⁵(sed se iu ne scias regi sian propran domon, kiel li zorgos pri la eklezio de Dio?);

⁶ne novico, por ke li ne sxvelu per fiereco kaj ne falu en la kondamnon de la diablo.

⁷Krom tio li devas havi bonan ateston de la eksteruloj, por ke li ne falu en riprocxon kaj kaptilon de la diablo.

⁸Tiel same diakonoj devas esti seriozaj, ne duflanke parolantaj, ne tro amantaj vinon, ne avidantaj malhonoran gajnon;

⁹tenantaj la misteron de la fido en pura konscienco.

¹⁰Kaj tiuj ankaux estu unue provitaj; poste ili servu kiel diakonoj, se ili estos neriprocxeblaj.

¹¹Virinoj ankaux devas esti seriozaj, ne kalumniantoj, sobraj, fidelaj pri cxio.

¹²La diakonoj estu edzoj de po unu edzino, regantaj bone siajn gefilojn kaj siajn proprajn domojn.

¹³Cxar tiuj, kiuj bone servadis kiel diakonoj, akiras al si bonan gradon kaj grandan kuragxon en la fido, kiu estas en Kristo Jesuo.

¹⁴Cxi tion mi skribas al vi, esperante veni al vi baldaux,

¹⁵sed se mi prokrastos, por ke vi komprenu, kiel oni devas konduti en la domo de Dio, kiu estas la eklezio de la vivanta Dio, la kolono kaj bazo de la vero.

¹⁶Kaj laux konsento, granda estas la mistero de pieco: Tiu, kiu elmontrigxis en la karno, pravigxis en la spirito, estis vidita de angxeloj, pripredikita cxe la nacioj, prikredita en la mondo, prenita supren en gloro.