Read La Sankta Biblio, sen Ĉapelo esparanto 2 Timoteo 2 Bible Online

2 Timoteo 2 - La Sankta Biblio, sen Ĉapelo esparanto bible

2 Timoteo 2

¹Vi do, mia filo, fortikigxu en la graco, kiu estas en Kristo Jesuo.

²Kaj kion vi de mi auxdis inter multaj atestantoj, tion transdonu al fidelaj homoj, kompetentaj instrui ankaux aliajn.

³Vi do elportu suferojn, kiel bona militisto de Jesuo Kristo.

⁴Neniu militanto sin implikas en la aferojn de cxi tiu vivo; por ke li placxu al sia varbinto.

⁵Kaj se iu konkuras kiel atleto, li ne estas kronata, se li ne lauxregule konkuris.

⁶La laboranta terkultivisto devas la unua partopreni en la fruktoj.

⁷Konsideru tion, kion mi diras; cxar la Sinjoro donos al vi komprenon pri cxio.

⁸Memoru Jesuon Kriston, levitan el la mortintoj, el la idaro de David, laux mia evangelio;

⁹en gxi mi elportas suferadon gxis ligiloj, kiel krimulo, sed la vorto de Dio ne estas ligita.

¹⁰Tial mi suferas cxion pro la elektitoj, por ke ili ankaux atingu la en Kristo Jesuo savon kun gloro eterna.

¹¹Fidinda estas la diro: Cxar se ni mortis kun li, ni ankaux vivos kun li;

¹²se ni suferas, ni ankaux regxos kun li; se ni malkonfesos lin, li ankaux nin malkonfesos;

¹³se ni malfidas, li restas fidela; cxar li ne povas malkonfesi sin mem.

¹⁴Memorigu ilin pri tio, admonante ilin antaux la Sinjoro, ke ili ne vortobatalu, kio estas neniel utila, kun risko de sxancelo por la auxdantoj.

¹⁵Klopodu prezenti vin cxe Dio kiel aprobita, laboranto senriprocxa, gxuste pritaksante la vorton de la vero.

¹⁶Sed evitu profanajn babiladojn; cxar ili iros antauxen al pli multe da malpieco,

¹⁷kaj ilia parolo dismordos kiel gangreno; el kiuj estas Himeneo kaj Fileto,

¹⁸kiuj pri la vero eraris, dirante, ke la relevigxo estas jam pasinta; kaj ili renversas la fidon de kelkaj.

¹⁹Tamen la firma fundamento de Dio staras, havante la jenan sigelon: La Sinjoro konas tiujn, kiuj estas liaj, kaj: Foriru de maljusteco cxiu, kiu nomas la nomon de la Sinjoro.

²⁰Sed en granda domo estas vazoj ne nur oraj kaj argxentaj, sed ankaux lignaj kaj argilaj, kaj unuj por honoro kaj aliaj por malhonoro.

²¹Se do iu purigos sin de cxi tiuj, li estos vazo por honoro, sanktigita, tauxga por la mastro, pretigita por cxiu bona laboro.

²²Sed forkuru de junulaj voluptoj, kaj sekvu justecon, fidon, amon, pacon, kune kun tiuj, kiuj vokas la Sinjoron el pura koro.

²³Sed malsagxajn kaj neklerajn demandojn evitu, sciante, ke ili naskas malpacojn.

²⁴Kaj la servisto de la Sinjoro devas ne malpaci, sed esti afabla al cxiuj, instruema, tolerema,

²⁵en humileco instruante tiujn, kiuj kontrauxstaras; eble Dio donos al ili penton, por ke ili venu al scio de la vero,

²⁶kaj por ke ili sobraj eligxu el la kaptilo de la diablo, kaptite de li, por plenumi lian volon.