Read La Sankta Biblio, sen Ĉapelo esparanto 2 Timoteo 3 Bible Online

2 Timoteo 3 - La Sankta Biblio, sen Ĉapelo esparanto bible

2 Timoteo 3

¹Sed sciu, ke en la lastaj tagoj venos dangxeraj tempoj.

²Cxar homoj estos sinamantaj, monamantaj, fanfaronemaj, arogantaj, insultemaj, malobeemaj al gepatroj, sendankaj, nesanktaj,

³neparencamaj, nepacigeblaj, kalumniemaj, nesinregantaj, malmildaj, ne bonamantaj,

⁴perfidemaj, pasiemaj, ventoplenaj, plezuron amantaj pli ol Dion;

⁵havante sxajnon de pieco, sed neinte gxian potencon; de cxi tiuj ankaux vin forturnu.

⁶Cxar el cxi tiuj estas tiuj, kiuj rampas en domojn, kaj forkaptas malsagxajn virinojn, sxargxitajn de pekoj, forkondukatajn per diversaj voluptoj,

⁷cxiam lernantajn, kaj neniam kapablajn veni al la scio de la vero.

⁸Kaj kiel Janes kaj Jambres kontrauxstaris al Moseo, tiel same cxi tiuj ankaux kontrauxstaras al la vero, homoj kun malnobligita spirito, por la fido senvaloraj.

⁹Sed ili ne plu iros antauxen; cxar ilia malsagxeco evidentigxos al cxiuj, kiel ankaux farigxis cxe tiuj.

¹⁰Sed vi sekvis mian instruon, konduton, celon, fidon, toleremecon, amon, paciencon,

¹¹persekutojn, suferojn, kiaj okazis al mi en Antiohxia, en Ikonio, en Listra; kiajn persekutojn mi suferis; kaj el cxio tio la Sinjoro min savis.

¹²Jes, kaj cxiuj, kiuj volas vivi pie en Kristo Jesuo, estos persekutataj.

¹³Sed malbonaj homoj kaj ruzuloj cxiam iros antauxen al pli granda malbono, trompantaj kaj trompataj.

¹⁴Sed restu vi en tio, kion vi lernis kaj pri kio vi certigxis, sciante, de kiu vi gxin lernis,

¹⁵kaj ke jam de frua infaneco vi konas la sanktajn skribojn, kiuj povas fari vin sagxa por savo per la fido, kiu estas en Kristo Jesuo.

¹⁶Cxiu skribajxo inspirita de Dio estas ankaux utila por instruo, por admono, por korekto, por disciplino en justeco;

¹⁷por ke la homo de Dio estu perfekta, plene provizita por cxiu bona laboro.