Read La Sankta Biblio, sen Ĉapelo esparanto 2 Timoteo 4 Bible Online

2 Timoteo 4 - La Sankta Biblio, sen Ĉapelo esparanto bible

2 Timoteo 4

¹Mi ordonas al vi antaux Dio, kaj antaux Kristo Jesuo, kiu jugxos la vivantojn kaj la mortintojn, kaj pro lia apero kaj lia regno;

²prediku la vorton; insistu gxustatempe, malgxustatempe; konvinku, admonu, konsilu, en cxia pacienco kaj instruado.

³Cxar venos tempo, kiam oni ne toleros la sanan instruon; sed havante jukantajn orelojn, amasigos al si instruantojn, laux siaj deziroj;

⁴kaj ili deturnos de la vero sian orelon, kaj turnos sin flanken al fabeloj.

⁵Sed vi estu sobra en cxio, elportu suferojn, faru la laboron de evangeliisto, plenumu vian servadon.

⁶Cxar mi jam estas elversxata kvazaux versxofero, kaj venis la horo de mia foriro.

⁷Mi batalis la bonan batalon, mi finis la kuradon, mi gardis la fidon;

⁸de nun estas konservita por mi la krono de justeco, kiun la Sinjoro, la justa jugxisto, donos al mi en tiu tago; kaj ne nur al mi, sed ankaux al cxiuj, kiuj amis lian aperon.

⁹Klopodu veni baldaux al mi;

¹⁰cxar Demas min forlasis, amante la nunan mondon, kaj iris al Tesaloniko; Kreskens al Galatujo, Tito al Dalmatujo.

¹¹Nur Luko estas kun mi. Prenu Markon kaj alkonduku lin kun vi, cxar li utilas al mi por la servado.

¹²Sed Tihxikon mi sendis al Efeso.

¹³La mantelon, kiun mi lasis en Troas cxe Karpo, alportu, kiam vi venos, kaj la librojn, precipe la pergamenojn.

¹⁴Aleksandro, la kupristo, faris al mi multe da malbono; la Sinjoro redonos al li laux liaj faroj;

¹⁵kontraux li vi ankaux vin gardu, cxar li multege kontrauxstaris al niaj vortoj.

¹⁶Cxe mia unua pledo, neniu staris kun mi, sed cxiuj min forlasis; tio ne estu kalkulita kontraux ili.

¹⁷Sed la Sinjoro staris apud mi, kaj min fortigis, por ke per mi la anonco estu plene publikigita, kaj ke cxiuj nacianoj auxdu; kaj mi forsavigxis el la busxo de la leono.

¹⁸La Sinjoro min savos de cxiu malbona faro, kaj min savkondukos en sian cxielan regnon; al li la gloro por cxiam kaj eterne. Amen.

¹⁹Salutu Priskilan kaj Akvilan kaj la domon de Onesiforo.

²⁰Erasto restis en Korinto; sed Trofimon mi lasis malsanan en Mileto.

²¹Klopodu veni antaux la vintro. Salutas vin Euxbulo kaj Pudens kaj Lino kaj Klauxdia kaj cxiuj fratoj.

²²La Sinjoro estu kun via spirito. Graco estu kun vi.