Read La Sankta Biblio, sen Ĉapelo esparanto Filemon 1 Bible Online

Filemon 1 - La Sankta Biblio, sen Ĉapelo esparanto bible

Filemon 1

¹Pauxlo, malliberulo por Kristo Jesuo, kaj Timoteo, la frato, al Filemon, nia amato kaj kunlaboranto,

²kaj al Apfia, la fratino, kaj al Arhxipo, nia kunbatalanto, kaj al la eklezio en via domo:

³Graco al vi kaj paco de Dio, nia Patro, kaj de la Sinjoro Jesuo Kristo.

⁴Mi cxiam dankas mian Dion, memorigante pri vi en miaj pregxoj,

⁵auxdinte pri via amo kaj pri la fido, kiun vi havas al la Sinjoro Jesuo kaj al cxiuj sanktuloj;

⁶por ke la partoprenado en via fido farigxu energia per la sciigo de cxiu bonajxo, kiu estas en vi, por Kristo.

⁷Cxar mi tre gxojis kaj havis multon da konsolo pro via amo, cxar la koroj de la sanktuloj refresxigxis per vi, frato mia.

⁸Kvankam do mi havas plenan kuragxon en Kristo, por ordoni al vi tion, kio estas konvena,

⁹tamen pro la amo mi preferas petegi tia, kia mi estas, Pauxlo, maljunulo kaj nun ankaux malliberulo pro Kristo Jesuo;

¹⁰mi petegas vin koncerne mian filon, kiun mi naskis en miaj katenoj; tio estis Onesimo,

¹¹kiu estis iam senutila por vi, sed nun estas utila por vi kaj por mi;

¹²mi jxus resendis al vi lin mem, alivorte, mian propran koron;

¹³lin mi volonte ja tenus apud mi, por ke anstataux vi li estu al mi helpanto en la ligiloj de la evangelio;

¹⁴sed mi nenion volis fari sen via konsento; por ke via boneco estu ne kvazaux deviga, sed lauxvola.

¹⁵Cxar eble li pro tio estas apartigita for de vi por kelka tempo, por ke vi havu lin por cxiam;

¹⁶jam ne kiel sklavon, sed kiel pli bonan ol sklavo, kiel fraton amatan, precipe por mi, sed des pli por vi, kaj en la karno kaj en la Sinjoro.

¹⁷Se vi do rigardas min kiel kunulon, akceptu lin tiel same, kiel min mem.

¹⁸Se tamen li faris ian malhonestajxon, aux sxuldas ion al vi, tion enkalkulu en mian konton;

¹⁹mi, Pauxlo, skribas per mia propra mano, mi gxin repagos; mi tamen ne diras al vi, ke vi viaparte sxuldas al mi ecx vin mem.

²⁰Jes, frato mia, lasu min havi plezuron de vi en la Sinjoro; refresxigu mian koron en Kristo.

²¹Fidante pri via obeo, mi skribas al vi, sciante, ke vi faros ecx pli multe, ol kiom mi diras.

²²Sed krom tio pretigu por mi gastocxambron; cxar mi esperas, ke mi, laux viaj pregxoj, estos donita al vi.

²³Salutas vin Epafras, mia kunmalliberulo en Kristo Jesuo,

²⁴Marko, Aristarhxo, Demas, Luko, miaj kunlaborantoj.

²⁵La graco de nia Sinjoro Jesuo Kristo estu kun via spirito. Amen.