Read La Sankta Biblio, sen Ĉapelo esparanto Hebreoj 10 Bible Online

Hebreoj 10 - La Sankta Biblio, sen Ĉapelo esparanto bible

Hebreoj 10

¹Cxar la legxo, havante ombron de estontaj bonajxoj, ne la bildon mem de la aferoj, neniam povas, per tiuj samaj oferoj, kiujn oni oferadas sencxese jaron post jaro, perfektigi la tien venantajn.

²Cxar alie cxu ili ne cxesus esti oferataj? tial, ke la adorantoj, unufoje purigite, jam ne havus konsciencon pri pekoj.

³Sed en tiuj oferoj estas cxiujara rememorigo pri pekoj.

⁴Cxar ne eble estas, ke la sango de bovoj kaj kaproj forprenus pekojn.

⁵Tial, venante en la mondon, li diris: Oferojn kaj donacojn Vi ne deziras, Sed korpon Vi preparis por mi;

⁶Bruloferojn kaj pekoferojn Vi ne sxatis.

⁷Tiam mi diris: Jen mi venis (En la rulajxo de la libro estas skribite pri mi), Por plenumi Vian volon, ho Dio!

⁸Antauxe dirinte: Oferojn kaj donacojn kaj bruloferojn kaj pekoferojn Vi nek deziris nek sxatis (kiuj estas oferataj laux la legxo),

⁹tiam li diris: Jen mi venis, por plenumi Vian volon. Li forprenas la unuan, por ke li starigu la duan.

¹⁰Laux tiu volo ni estas sanktigitaj per la ofero de la korpo de Jesuo Kristo unufoje por cxiam.

¹¹Kaj cxiu pastro staradas cxiutage, servante kaj oferante ofte la samajn oferojn, kiuj neniam povas forpreni pekojn;

¹²sed li, oferinte unu oferon por pekoj por cxiam, sidigxis dekstre de Dio;

¹³de nun atendante, gxis liaj malamikoj farigxos benketo por liaj piedoj.

¹⁴Cxar per unu ofero li perfektigis gxis eterneco la sanktigatojn.

¹⁵Kaj la Sankta Spirito ankaux atestas al ni; cxar, dirinte:

¹⁶Jen estas la interligo, kiun Mi faros kun ili Post tiu tempo, diras la Eternulo: Mi metos Miajn legxojn en ilian internon, Kaj sur ilia koro Mi ilin skribos; li ankaux diras:

¹⁷Kaj iliajn pekojn kaj malbonajxojn Mi ne plu rememoros.

¹⁸Sed kie estas absolvo de cxi tiuj, ne plu estas oferado pro peko.

¹⁹Havante do, fratoj, kuragxon eniri en la plejsanktejon per la sango de Jesuo,

²⁰per la vojo nova kaj vivanta, kiun li dedicxis por ni, tra la kurteno, tio estas, lia karno,

²¹kaj havante grandan pastron super la domo de Dio,

²²ni alproksimigxu kun sincera koro, en pleneco de fido, kun niaj koroj aspergitaj for de malbona konscienco, kaj kun la korpoj lavitaj per akvo pura;

²³ni tenu firme la konfeson de nia espero sendeklinigxe; cxar la promesinto estas fidela;

²⁴kaj ni pripensu unu la alian, por instigi al amo kaj bonaj faroj;

²⁵ne forlasante nian kunvenadon, kiel estas la kutimo de iuj; sed konsilante unu la alian, kaj des pli forte, ju pli vi vidas la tagon alproksimigxanta.

²⁶Cxar se, ricevinte la scion de la vero, ni pekos memvole, jam ne restas ofero pro pekoj,

²⁷sed ia timoplena atendo de jugxo, kaj de fajra kolero, kiu ekstermos la kontrauxulojn.

²⁸Tiu, kiu malsxatis la legxon de Moseo, sen kompato mortas cxe du aux tri atestantoj;

²⁹kiom pli severan punon, vi opinias, ke meritos tiu, kiu piedpremis la Filon de Dio kaj rigardas kiel ne sanktan la sangon de la interligo, per kiu li estis sanktigita, kaj kiu spitis la Spiriton de graco?

³⁰Cxar ni konas Tiun, kiu diris: Cxe Mi estas vengxo, Mi repagos. Kaj ankaux: La Eternulo jugxos Sian popolon.

³¹Terure estas fali en la manojn de la vivanta Dio.

³²Sed memoru la antauxajn tagojn, en kiuj vi, jam allumite, elportis grandan konflikton de suferoj;

³³unuflanke, kiam vi farigxis spektaklo per riprocxoj kaj doloroj, kaj aliflanke, kiam vi partoprenis kun tiuj, kiuj tian sperton havis.

³⁴Cxar vi kompatis tiujn, kiuj estis en katenoj, kaj gxoje akceptis la rabadon de via posedajxo, sciante, ke vi mem havas pli bonan kaj restantan posedajxon.

³⁵Tial ne forjxetu vian kuragxon, kiu havas rekompencon grandan.

³⁶Cxar vi havas bezonon de pacienco, por ke, plenuminte la volon de Dio, vi ricevu la promeson.

³⁷Cxar ankoraux iomete da tempo, La venonto venos, kaj ne malfruos.

³⁸Sed virtulo vivos per sia fideleco; Kaj se li sin tiros malantauxen, mia spirito ne gxojos en li.

³⁹Sed ni ne estas el la malantauxen tirigxantaj en pereon, sed el la kredantaj por la gajnado de la animo.