Read La Sankta Biblio, sen Ĉapelo esparanto Hebreoj 3 Bible Online

Hebreoj 3 - La Sankta Biblio, sen Ĉapelo esparanto bible

Hebreoj 3

¹Tial, fratoj sanktaj, partoprenantaj en cxiela voko, pripensu la Apostolon kaj Cxefpastron de nia konfeso, Jesuon,

²kiu estis fidela al Tiu, kiu nomis lin kiel ankaux Moseo en Lia domo.

³Cxar cxi tiu estas rigardita kiel inda je tiom pli granda gloro ol Moseo, kiom pli grandan honoron, ol la domo, havas gxia stariginto.

⁴Cxar cxiu domo estas starigita de iu; sed la stariginto de cxio estas Dio.

⁵Kaj Moseo ja estis fidela en Lia tuta domo, kiel servanto, por atestajxo pri tio, kio estis parolota;

⁶sed Kristo, kiel filo super Lia domo; kies domo ni estas, se ni tenos nian kuragxon kaj la gxojadon de nia espero firmaj gxis la fino.

⁷Tial, kiel diras la Sankta Spirito: Hodiaux, se vi auxskultas Lian vocxon,

⁸Ne obstinigu vian koron, kiel en la indignigo, Kiel en la tago de la tento en la dezerto,

⁹Kiam viaj patroj Min incitis, Esploris kaj vidis Miajn farojn kvardek jarojn.

¹⁰Pro tio Mi indignis kontraux tiu generacio, Kaj Mi diris: Ili cxiam estas kun koro malgxusta, Kaj ili ne volas koni Miajn vojojn;

¹¹Tial Mi jxuris en Mia kolero, Ke ili ne venos en Mian ripozejon.

¹²Gardu vin, fratoj, ke ne estu en iu el vi koro malbona de nekredemo, en defalo de la vivanta Dio;

¹³sed konsilu unu la alian cxiutage, dum estas nomate hodiaux, por ke neniu el vi estu obstinigita per la trompeco de peko;

¹⁴cxar ni farigxis partoprenantoj en Kristo, se la komencon de nia certigxo ni tenos firma gxis la fino;

¹⁵dum estas dirite: Hodiaux, se vi auxskultas Lian vocxon, Ne obstinigu vian koron, kiel en la indignigo.

¹⁶Cxar kiuj, auxskultinte, indignigis? cxu ne cxiuj elirintoj el Egiptujo per Moseo?

¹⁷Kaj kontraux kiuj Li indignis kvardek jarojn? cxu ne kontraux la pekintoj, kies korpoj falis en la dezerto?

¹⁸Kaj al kiuj Li jxuris, ke ili ne venos en Lian ripozejon, krom al la neobeantoj?

¹⁹Kaj ni vidas, ke ili pro nekredemo ne povis enveni.