Read La Sankta Biblio, sen Ĉapelo esparanto Hebreoj 5 Bible Online

Hebreoj 5 - La Sankta Biblio, sen Ĉapelo esparanto bible

Hebreoj 5

¹Cxar cxiu cxefpastro, prenata el inter homoj, pro homoj estas difinita por aferoj rilatantaj al Dio, por ke li oferu kaj donacojn kaj oferojn pro pekoj;

²povante indulgi tiujn, kiuj estas malkleraj kaj erarantaj, tial, ke li mem estas cxirkauxata de malforteco;

³kaj pro tio li devas, kiel por la popolo, tiel ankaux por si mem, oferi pro pekoj.

⁴Kaj neniu alprenas al si tiun honoron krom la vokato de Dio, tiel same, kiel Aaron.

⁵Tiel ankaux Kristo sin mem ne honoris, por farigxi cxefpastro, sed lin honoris Tiu, kiu diris al li: Vi estas Mia Filo, Hodiaux Mi vin naskis;

⁶kiel ankaux aliloke Li diris: Vi estas pastro por cxiam, Laux la maniero de Melkicedek.

⁷En siaj karnaj tagoj, pregxojn kaj petegojn oferinte, kun forta kriado kaj larmoj, al Tiu, kiu povis lin savi el morto, kaj auxdite pro sia pia timo,

⁸tiu, kvankam li estis Filo, tamen lernis obeon per tio, kion li suferis;

⁹kaj perfektigite, li farigxis la fonto de eterna savo al cxiuj al li obeantaj;

¹⁰nomite de Dio cxefpastro laux la maniero de Melkicedek.

¹¹Pri tiu ni havas dirotajxojn multajn, kaj malfacile klarigeblajn tial, ke vi surdigxis en auxdado.

¹²Cxar kvankam vi jam devus esti instruistoj, vi ankoraux bezonas, ke oni instruu al vi, kiaj estas la komencaj elementoj de la orakoloj de Dio, kaj vi farigxis bezonantoj de lakto kaj ne de solida nutrajxo.

¹³Cxar cxiu, kiu nutrigxas per lakto, estas nesperta rilate la vorton de justeco; cxar li estas infaneto.

¹⁴Sed solida nutrajxo estas por la plenagxuloj, kiuj per uzado havas la sentojn ekzercitaj, por distingi inter bono kaj malbono.