Read La Sankta Biblio, sen Ĉapelo esparanto 1 Petro 2 Bible Online

1 Petro 2 - La Sankta Biblio, sen Ĉapelo esparanto bible

1 Petro 2

¹Formetinte do cxian malbonon kaj cxian trompon kaj hipokritecon kaj enviojn kaj cxiajn kalumniojn,

²kiel jxusnaskitaj sucxinfanoj, sopiru al la spirita lakto pura, por ke vi per tio kresku en savon,

³se vi gustumis, ke la Sinjoro estas bona;

⁴al kiu alvenante, kvazaux al sxtono vivanta, de homoj rifuzita, sed cxe Dio elektita, honorinda,

⁵vi ankaux, kiel sxtonoj vivantaj, konstruigxas domo spirita, sankta pastraro, por oferi spiritajn oferojn, akcepteblajn de Dio per Jesuo Kristo.

⁶Cxar estas enhavate en skribo: Jen Mi kusxigas en Cion bazangulan sxtonon, elektitan, valoregan; Kaj kiu lin fidas, tiu ne estos hontigita.

⁷Por vi do, la fidantoj, estas la valoregeco; sed por nefidantoj: Sxtono, kiun malsxatis la konstruantoj, Farigxis sxtono bazangula;

⁸kaj: Sxtono de falpusxigxo kaj roko de alfrapigxo; ili falpusxigxas pro la vorto, malobeante, por kio ankaux ili estas difinitaj.

⁹Sed vi estas raso elektita, pastraro regxa, nacio sankta, popolo Diposedata, por ke vi proklamu la gloron de Tiu, kiu vokis vin el mallumo en Sian lumon mirindan;

¹⁰kiuj iam estis ne-popolo, sed nun estas popolo de Dio; antauxe nekompatitoj, sed nun kompatitoj.

¹¹Amataj, mi petegas vin kiel fremdulojn kaj migrantojn, detenu vin de karnaj voluptoj, kiuj militadas kontraux la animo;

¹²kondutante dece cxe la nacianoj, por ke, kvankam ili kalumnias vin kiel malbonagulojn, tamen, vidante viajn bonfarojn, ili gloru Dion en la tago de vizitado.

¹³Submetu vin al cxiu homa institucio pro la Sinjoro; cxu al la regxo, la superreganto;

¹⁴cxu al regantoj, kiel liaj senditoj por vengxo al malbonaguloj kaj por lauxdo al bonaguloj.

¹⁵Cxar la volo de Dio estas, ke bonfarante, vi silentigu la nesciadon de homoj malsagxaj;

¹⁶kiel liberaj, kaj ne farantaj el via libereco kovrilon de malico, sed kiel servistoj de Dio.

¹⁷Cxiujn honoru. La frataron amu. Dion timu. La regxon honoru.

¹⁸Servantoj, submetu vin al viaj sinjoroj kun cxia timo; ne sole al la bonaj kaj malseveraj, sed ankaux al la malbonhumoraj.

¹⁹Cxar tio estas lauxdinda, se pro konscienco al Dio oni elportas malgxojon, suferante maljuste.

²⁰Cxar kia honoro estas, se, pekante kaj sekve batate, vi tion pacience elportas? sed se, bonfarante kaj sekve suferante, vi tion pacience elportas, tio estas lauxdinda antaux Dio.

²¹Cxar al cxi tio vi estas vokitaj; pro tio, ke Kristo ankaux suferis pro vi, postlasante por vi ekzemplon, por ke vi sekvu liajn postesignojn;

²²pekon li ne faris, kaj trompo ne trovigxis en lia busxo;

²³insultate, li ne insultis responde; suferante, li ne minacis, sed submetis sin al la juste jugxanta;

²⁴li mem portis niajn pekojn en sia korpo sur la lignajxo, por ke ni, malvivigite koncerne pekojn, vivu por justeco; per lia vundo vi resanigxis.

²⁵Cxar vi estis kiel sxafoj erarvagantaj; sed nun vi returne venis al la Pasxtisto kaj Episkopo de viaj animoj.