Read La Sankta Biblio, sen Ĉapelo esparanto 1 Petro 4 Bible Online

1 Petro 4 - La Sankta Biblio, sen Ĉapelo esparanto bible

1 Petro 4

¹Cxar Kristo do suferis en la karno, vi ankaux armu vin per la sama intenco; cxar la suferinto en la karno apartigxis de pekoj;

²por ke vi travivu la reston de la enkarna tempo jam ne laux la voluptoj de homoj, sed laux la volo de Dio.

³Cxar la tempo pasinta suficxas, por elfari la deziron de la nacianoj kaj iradi en dibocxoj, voluptoj, vindrinkado, brufestenoj, ebrieco, kaj abomenaj idolkultoj;

⁴en kio ili miras, ke vi ne kuras kune kun ili en la saman superfluon de dibocxado, kaj ili kalumnias vin;

⁵ili prirespondos al Tiu, kiu estas preta jugxi la vivantojn kaj la mortintojn.

⁶Cxar por tio ankaux la evangelio estas anoncita al la mortintoj, por ke ili estu korpe jugxitaj laux homoj, sed spirite vivu laux Dio.

⁷Sed la fino de cxio alproksimigxas; prudentigxu do, kaj sobrigxu por pregxoj;

⁸antaux cxio havante fervoran amon unu al alia; cxar amo kovras amason da pekoj;

⁹estu gastamaj unu al alia sen murmurado;

¹⁰lauxmezure, kiel cxiu ricevis donacon, tiel gxin administrante inter vi, kiel bonaj administrantoj de la diversaspeca graco de Dio;

¹¹se iu parolas, li parolu kvazaux orakolojn de Dio; se iu administras, li administru kvazaux el la forto, kiun Dio provizas; por ke en cxio Dio estu glorata per Jesuo Kristo, kies estas la gloro kaj la potenco por cxiam kaj eterne. Amen.

¹²Amataj, ne surprizigxu pri la fajrego cxe vi okazanta por provi vin, kvazaux io stranga okazus cxe vi;

¹³sed laux tio, ke vi partoprenas en la suferoj de Kristo, gxoju; por ke ankaux en la elmontro de lia gloro vi gxoju ravege.

¹⁴Se vi estas riprocxataj pro la nomo de Kristo, felicxegaj vi estas; cxar la Spirito de gloro kaj la Spirito de Dio restas sur vi.

¹⁵Nur neniu el vi suferu kiel mortiginto, aux sxtelisto, aux malbonfarinto, aux kiel sintrudanto en malpropraj aferoj;

¹⁶sed se iu suferas kiel Kristano, li ne hontu; sed li gloru Dion en tiu nomo.

¹⁷Cxar jam venis la tempo por la komenco de la jugxo cxe la domo de Dio; kaj se gxi komencigxas cxe ni, kia estos la sorto de tiuj, kiuj ne obeas al la evangelio de Dio?

¹⁸Kaj se justulo apenaux savigxas, kie aperos malpiulo kaj pekulo?

¹⁹Tial ankaux tiuj, kiuj suferas laux la volo de Dio, alkonfidu siajn animojn en bonfarado al fidela Kreinto.