Read La Sankta Biblio, sen Ĉapelo esparanto 1 Johano 3 Bible Online

1 Johano 3 - La Sankta Biblio, sen Ĉapelo esparanto bible

1 Johano 3

¹Rigardu, kian amon la Patro donis al ni, ke ni estas nomataj infanoj de Dio; kaj tiaj ni estas. Pro tio la mondo nin ne konas, cxar gxi Lin ne konis.

²Amataj, nun ni estas infanoj de Dio, kaj ankoraux ne elmontrigxis, kio ni estos. Ni scias, ke se li elmontrigxos, ni estos similaj al li; cxar ni vidos lin, kiel li estas.

³Kaj cxiu, kiu havas cxi tiun esperon rilate lin, sin sanktigas tiel same, kiel li estas sankta.

⁴Cxiu, kiu faras pekon, faras ion kontraux la legxo; kaj peko estas kontrauxlegxeco.

⁵Kaj vi scias, ke li elmontrigxis, por forigi pekojn; kaj peko ne estas en li.

⁶Cxiu, kiu restas en li, ne pekas; cxiu pekanto lin ne vidis, nek lin konas.

⁷Infanetoj, neniu vin forlogu; kiu faras justecon, tiu estas justa tiel same, kiel li estas justa;

⁸kiu faras pekon, tiu estas el la diablo; cxar la diablo pekas de la komenco. Por tio la Filo de Dio elmontrigxis, por ke li detruu la farojn de la diablo.

⁹Cxiu, kiu naskigxis de Dio, ne faras pekon, cxar lia semo restas en li; kaj li ne povas peki, cxar li naskigxis de Dio.

¹⁰Jen kiel evidentigxas la infanoj de Dio, kaj la infanoj de la diablo: cxiu, kiu ne faras justecon, ne estas de Dio, nek tiu, kiu ne amas sian fraton.

¹¹Cxar jen estas la anonco, kiun vi auxdis de la komenco: ke ni amu unu la alian;

¹²ne kiel Kain estis de la malbonulo kaj mortigis sian fraton. Kaj pro kio li lin mortigis? Cxar liaj faroj estis malbonaj, kaj la faroj de lia frato estis justaj.

¹³Ne miru, fratoj, se la mondo vin malamas.

¹⁴Ni scias, ke ni jam pasis el morto en vivon, cxar ni amas la fratojn. Kiu ne amas, tiu restas en morto.

¹⁵Cxiu, kiu malamas sian fraton, estas hommortiganto; kaj vi scias, ke cxiu hommortiganto ne havas vivon eternan, restantan en li.

¹⁶Per cxi tio ni konas amon: cxar li demetis sian vivon pro ni; kaj ni devus demeti nian vivon pro la fratoj.

¹⁷Sed se iu havas mondan posedajxon kaj vidas sian fraton havantan bezonon kaj fermas sian kompaton kontraux li, kiel la amo de Dio restas en li?

¹⁸Infanetoj, ni amu, ne laux vorto nek laux lango, sed laux faro kaj vero.

¹⁹Per tio ni scios, ke ni estas el la vero, kaj ni certigos nian koron antaux Li

²⁰en cxio ajn, pri kio nia koro nin kondamnas; cxar Dio estas pli granda ol nia koro, kaj scias cxion.

²¹Amataj, se nia koro ne kondamnas nin, ni havas kuragxon antaux Dio;

²²kaj cxion ajn, kion ni petas, ni ricevas de Li, cxar ni observas Liajn ordonojn, kaj faras tion, kio placxas antaux Li.

²³Kaj jen estas Lia ordono, ke ni kredu al la nomo de Lia Filo, Jesuo Kristo, kaj amu unu la alian tiel same, kiel Li al ni donis ordonon.

²⁴Kaj kiu observas Liajn ordonojn, tiu en Li restas, kaj Li en tiu. Kaj per tio ni scias, ke Li restas en ni: per la Spirito, kiun Li donis al ni.