Read La Sankta Biblio, sen Ĉapelo esparanto 1 Johano 4 Bible Online

1 Johano 4 - La Sankta Biblio, sen Ĉapelo esparanto bible

1 Johano 4

¹Amataj, kredu ne al cxiu spirito, sed provu la spiritojn, cxu ili estas el Dio; cxar multaj falsaj profetoj eliris en la mondon.

²Jen kiel vi ekkonas la Spiriton de Dio: cxiu spirito, kiu konfesas, ke Jesuo Kristo venis en la karno, estas el Dio;

³kaj cxiu spirito, kiu ne konfesas Jesuon, ne estas el Dio; kaj cxi tiu estas la spirito de antikristo, pri kiu vi auxdis, ke gxi venas; kaj nun gxi jam estas en la mondo.

⁴Infanetoj, vi estas el Dio, kaj ilin venkis; cxar pli granda estas Tiu, kiu estas en vi, ol tiu, kiu estas en la mondo.

⁵Ili estas el la mondo; pro tio ili parolas laux la mondo, kaj la mondo ilin auxskultas.

⁶Ni estas el Dio; kiu konas Dion, tiu nin auxskultas; kiu ne estas el Dio, tiu nin ne auxskultas. Jen kiel ni ekkonas la spiriton de vero, kaj la spiriton de eraro.

⁷Amataj, ni amu unu la alian; cxar la amo estas el Dio; kaj cxiu, kiu amas, naskigxas el Dio kaj Dion konas.

⁸Kiu ne amas, tiu ne konas Dion, cxar Dio estas amo.

⁹Jen kiel la amo de Dio elmontrigxis en ni: ke Dio sendis en la mondon Sian Filon solenaskitan, por ke ni vivu per li.

¹⁰Jen estas la amo, ne ke ni amis Dion, sed ke Li amis nin, kaj sendis Sian Filon kiel repacigon pro niaj pekoj.

¹¹Amataj, se Dio tiel amis nin, ni ankaux devus ami unu la alian.

¹²Dion neniu iam vidis; se ni reciproke nin amas, Dio restas en ni, kaj Lia amo perfektigxis en ni;

¹³jen kiel ni scias, ke ni restas en Li, kaj Li en ni: cxar el Sia Spirito Li donis al ni.

¹⁴Kaj ni vidis kaj atestas, ke la Patro sendis la Filon por esti la Savonto de la mondo.

¹⁵En cxiu ajn, kiu konfesas, ke Jesuo estas la Filo de Dio, Dio restas, kaj li en Dio.

¹⁶Kaj ni konas kaj kredis la amon, kiun Dio havas al ni. Dio estas amo; kaj kiu restas en amo, tiu restas en Dio, kaj Dio restas en li.

¹⁷Jen kiel amo perfektigxis cxe ni: ke ni havu kuragxon en la tago de jugxo; cxar gxuste kia li estas, tiaj ankaux ni estas en cxi tiu mondo.

¹⁸Timo ne ekzistas en amo; sed perfekta amo eljxetas timon, cxar timo havas turmentegon; kaj timanto ne perfektigxas en amo.

¹⁹Ni amas, cxar Li unue nin amis.

²⁰Se iu diras: Mi amas Dion, kaj malamas sian fraton-tiu estas mensoganto; cxar kiu ne amas sian fraton, kiun li vidis, tiu ne povas ami Dion, kiun li ne vidis.

²¹Kaj la jenan ordonon ni havas de Li: ke kiu amas Dion, tiu amu ankaux sian fraton.