Read La Sankta Biblio, sen Ĉapelo esparanto Jugistoj 17 Bible Online

Jugistoj 17 - La Sankta Biblio, sen Ĉapelo esparanto bible

Jugistoj 17

¹Estis homo sur la monto de Efraim; lia nomo estis Mihxa.

²Li diris al sia patrino: La mil kaj cent argxentaj moneroj, kiujn oni prenis de vi kaj pro kiuj vi malbenis antaux miaj oreloj, jen la argxento estas cxe mi; mi prenis gxin. Kaj lia patrino diris: Mia filo estu benata de la Eternulo.

³Kaj li redonis la mil kaj cent argxentajn monerojn al sia patrino. Kaj lia patrino diris: Mi dedicxis la argxenton al la Eternulo el mia mano por mia filo, por fari figuron kaj idolon; nun mi redonas gxin al vi.

⁴Sed li redonis la argxenton al sia patrino. Lia patrino prenis ducent argxentajn monerojn kaj donis ilin al orfandisto, kaj li faris el tio figuron kaj idolon, kiu restis en la domo de Mihxa.

⁵Tiu homo Mihxa havis domon de dio; kaj li faris efodon kaj domajn diojn, kaj konsekris unu el siaj filoj, ke li estu por li pastro.

⁶En tiu tempo ne ekzistis regxo cxe Izrael; cxiu faradis tion, kio placxis al li.

⁷Estis junulo el Bet-Lehxem de Jehuda, el familio de Jehudaidoj, li estis Levido kaj logxis tie.

⁸Tiu homo iris el la urbo, el Bet-Lehxem de Jehuda, por eklogxi tie, kie li trovos oportune. Kaj li venis dum sia vojirado sur la monton de Efraim al la domo de Mihxa.

⁹Kaj Mihxa diris al li: De kie vi venas? Kaj tiu diris al li: Mi estas Levido el Bet-Lehxem de Jehuda, kaj mi iras, por eklogxi tie, kie mi trovos oportune.

¹⁰Tiam Mihxa diris al li: Restu cxe mi kaj estu por mi patro kaj pastro, kaj mi donados al vi po dek argxentaj moneroj cxiujare kaj necesajn vestojn kaj mangxajxon. Kaj la Levido iris.

¹¹Kaj la Levido konsentis resti cxe tiu homo, kaj la junulo estis por li kiel unu el liaj filoj.

¹²Kaj Mihxa konsekris la Levidon, kaj la junulo farigxis por li pastro kaj logxis en la domo de Mihxa.

¹³Kaj Mihxa diris: Nun mi scias, ke la Eternulo bonfaros al mi, cxar Levido farigxis por mi pastro.