Read La Sankta Biblio, sen Ĉapelo esparanto Apokalipso 5 Bible Online

Apokalipso 5 - La Sankta Biblio, sen Ĉapelo esparanto bible

Apokalipso 5

¹Kaj mi vidis en la dekstra mano de la Sidanto sur la trono libron, skribitan interne kaj malantauxe, sigelitan per sep sigeloj.

²Kaj mi vidis fortan angxelon, proklamantan per granda vocxo: Kiu estas inda malfermi la libron kaj rompi gxiajn sigelojn?

³Kaj neniu en la cxielo, nek sur la tero, nek sub la tero, povis malfermi la libron, aux rigardi gxin.

⁴Kaj mi multe ploris, cxar trovigxis neniu inda malfermi la libron, aux gxin rigardi;

⁵kaj unu el la presbiteroj diris al mi: Ne ploru; jen la leono el la tribo de Jehuda, la Markoto de David, venkis, por malfermi la libron kaj gxiajn sep sigelojn.

⁶Kaj mi vidis meze inter la trono kaj la kvar kreitajxoj, kaj meze de la presbiteroj, Sxafidon starantan, kvazaux oferbucxitan, havantan sep kornojn kaj sep okulojn, kiuj estas la sep Spiritoj de Dio, senditaj sur la tutan teron.

⁷Kaj li venis, kaj prenis gxin el la dekstra mano de la Sidanto sur la trono.

⁸Kaj kiam li prenis la libron, la kvar kreitajxoj kaj la dudek kvar presbiteroj falis antaux la Sxafido, havantaj cxiu harpon, kaj orajn pelvojn plenajn de incenso, kiuj estas la pregxoj de la sanktuloj.

⁹Kaj ili kantis novan kanton, dirante: Vi estas inda preni la libron kaj malfermi gxiajn sigelojn; cxar vi estis mortigita, kaj vi elacxetis al Dio per via sango homojn el cxiu tribo kaj lingvo kaj popolo kaj nacio,

¹⁰kaj faris ilin al nia Dio regno kaj pastroj; kaj ili regxas sur la tero.

¹¹Kaj mi rigardis, kaj mi auxdis vocxon de multaj angxeloj, ronde cxirkaux la trono kaj la kreitajxoj kaj la presbiteroj; kaj ilia nombro estis miriadoj da miriadoj kaj miloj da miloj;

¹²dirantaj per granda vocxo: Inda estas la Sxafido, la mortigita, ricevi la potencon kaj ricxon kaj sagxecon kaj forton kaj honoron kaj gloron kaj lauxdon.

¹³Kaj cxiun kreitajxon, kiu estis en la cxielo kaj sur la tero kaj sub la tero kaj sur la maro, kaj cxion en ili, mi auxdis dirantajn: Al la Sidanto sur la trono, kaj al la Sxafido, estu la lauxdo kaj la honoro kaj la gloro kaj la potenco por cxiam kaj eterne.

¹⁴Kaj la kvar kreitajxoj diris: Amen. Kaj la presbiteroj falis kaj adorklinigxis.