Read La Sankta Biblio, sen Ĉapelo esparanto Rut 2 Bible Online

Rut 2 - La Sankta Biblio, sen Ĉapelo esparanto bible

Rut 2

¹Naomi havis parencon de sxia edzo, viron eminentan, el la familio de Elimelehx; lia nomo estis Boaz.

²Kaj la Moabidino Rut diris al Naomi: Mi iros sur la kampon, kaj mi kolektos spikojn post tiu, cxe kiu mi trovos favoron. Kaj sxi respondis: Iru, mia filino.

³Kaj sxi foriris, kaj venis kaj kolektis post la rikoltistoj. Kaj okazis, ke la parcelo de la kampo apartenis al Boaz, kiu estis el la familio de Elimelehx.

⁴Kaj jen Boaz venis el Bet-Lehxem, kaj li salutis la rikoltistojn: La Eternulo estu kun vi! Kaj ili respondis al li: La Eternulo vin benu!

⁵Kaj Boaz demandis sian serviston, la estron de la rikoltistoj: Kiu estas cxi tiu knabino?

⁶Kaj la servisto, la estro de la rikoltistoj, respondis kaj diris: Sxi estas Moaba knabino, kiu revenis kun Naomi el la lando de Moab;

⁷sxi diris: Permesu al mi, ke mi sekvu kaj kolektu apud la garboj, post la rikoltistoj; kaj sxi restis cxi tie de la mateno gxis nun; sxi jxus sidigxis en la dometo por iomete da tempo.

⁸Kaj Boaz diris al Rut: Cxu vi auxdas, mia filino? ne iru kolekti sur la kampo de iu fremdulo, kaj ankaux ne foriru de cxi tie, sed restu cxi tie kun miaj junulinoj;

⁹rimarku la kampon, kie ili rikoltas, kaj sekvu ilin; mi jam ordonis al la servistoj, ke ili ne malhelpu vin; kaj kiam vi soifos, iru al la vazaro, kaj trinku el tio, el kio la servistaro cxerpas.

¹⁰Sxi jxetis sin vizagxaltere, kaj diris al li: Kial do mi trovis favoron en viaj okuloj, ke vi atentas min, kvankam mi estas fremdulino?

¹¹Kaj Boaz respondis kaj diris al sxi: Jam estas rakontita al mi cxio, kion vi faris al via bopatrino post la morto de via edzo: ke vi forlasis viajn gepatrojn kaj vian naskigxlandon, kaj iris al popolo, kiun vi ne konis hieraux nek antauxhieraux.

¹²La Eternulo rekompencu vin pro cxi tiu faro, kaj via rekompenco estu plena de la Eternulo, Dio de Izrael, sub kies flugiloj vi sercxis protekton.

¹³Kaj sxi diris: Estus suficxe, ke mi trovu favoron en viaj okuloj, mia sinjoro, cxar vi konsolis min kaj parolis amike al via sklavino, kvankam mi ne valoras esti egala al iu el viaj sklavinoj.

¹⁴Kaj en la horo de la mangxado Boaz diris al sxi: Alproksimigxu kaj mangxu kune, vi ankaux povas trempi vian panon en la vinagro. Kaj sxi sidigxis cxe la flanko de la rikoltistoj; kaj ili metis antaux sxin rostitajn grajnojn, kaj sxi mangxis kaj satigxis, kaj ankaux havis restajxon.

¹⁵Kiam sxi levigxis, por kolekti, Boaz ordonis al siaj servistoj, dirante: Ecx inter la garboj lasu sxin kolekti, kaj ne hontigu sxin;

¹⁶kaj vi ankaux sxajnigu al sxi, ke vi postlasis la malgrandajn garbetojn, kaj vi permesu al sxi, ke sxi kolektu ilin, kaj ne riprocxu sxin.

¹⁷Kaj sxi kolektadis sur la kampo gxis la vespero, kaj sxi drasxis tion, kion sxi kolektis, kaj tio estis cxirkaux efo da hordeo.

¹⁸Kaj sxi levis tion, kaj iris en la urbon; kaj sxia bopatrino vidis tion, kion sxi kolektis; sxi ankaux elprenis, kaj donis al sxi la restajxon, kiun sxi posedis de post sia satigxo.

¹⁹Sxia bopatrino diris al sxi: Kie vi kolektis hodiaux? kaj kie vi amasigis? estu benata tiu, kiu vin tiel favore akceptis! Sxi rakontis al sia bopatrino, kie sxi laboris, kaj sxi diris: La nomo de la viro, cxe kiu mi laboris hodiaux, estas Boaz.

²⁰Tiam Naomi diris al sia bofilino: Li estu benata de la Eternulo, kiu ne fortiris Sian favoron for de la vivantoj kaj de la mortintoj. Kaj Naomi plue diris al sxi: La viro estas nia parenco, unu el niaj savantoj.

²¹Kaj Rut, la Moabidino, diris: Li ankaux diris al mi: Restu kune kun miaj servistoj, gxis ili finos la tutan rikolton, kiu apartenas al mi.

²²Naomi respondis al sia bofilino Rut: Estos bone por vi, mia filino, ke vi cxiam iru kun liaj junulinoj, cxar eble oni hontigus vin, se vi irus aliloken.

²³Kaj sxi kunigxis kun la junulinoj de Boaz, por kolekti, gxis la fino de la rikolto de hordeo kaj de la rikolto de tritiko; kaj poste sxi logxis kune kun sia bopatrino.