Read La Sankta Biblio, sen Ĉapelo esparanto 1 Samuel 11 Bible Online

1 Samuel 11 - La Sankta Biblio, sen Ĉapelo esparanto bible

1 Samuel 11

¹Venis Nahxasx la Amonido, kaj starigxis tendare antaux Jabesx en Gilead. Kaj cxiuj logxantoj de Jabesx diris al Nahxasx: Faru kun ni interligon, kaj ni servos al vi.

²Sed Nahxasx la Amonido diris al ili: Mi faros kun la kondicxo, ke al cxiuj el vi mi elpikos la dekstran okulon kaj per tio metos malhonoron sur la tutan Izraelon.

³Tiam diris al li la plejagxuloj de Jabesx: Donu al ni tempon de sep tagoj, por ke ni sendu senditojn en cxiujn regionojn de Izrael; kaj se neniu nin helpos, tiam ni eliros al vi.

⁴Kaj venis la senditoj en Gibean de Saul kaj diris tiujn vortojn al la oreloj de la popolo, kaj la tuta popolo lauxte ekploris.

⁵Sed jen Saul venas de la kampo malantaux la bovoj. Kaj Saul diris: Kio estas al la popolo, ke ili ploras? Kaj oni transdiris al li la vortojn de la logxantoj de Jabesx.

⁶Kaj la spirito de Dio penetris Saulon, kiam li auxdis tiujn vortojn, kaj forte ekflamis lia kolero.

⁷Kaj li prenis paron da bovoj kaj dishakis ilin, kaj dissendis la partojn per la senditoj en cxiujn regionojn de Izrael, dirante: Se iu ne eliros post Saul kaj post Samuel, tiam tiel estos farite kun liaj bovoj. Kaj timo antaux la Eternulo falis sur la popolon, kaj ili eliris kiel unu homo.

⁸Li kalkulis ilin en Bezek, kaj la nombro de la Izraelidoj estis tricent mil, kaj la nombro de la Jehudaidoj estis tridek mil.

⁹Kaj ili diris al la venintaj senditoj: Tiel diru al la logxantoj de Jabesx en Gilead: Morgaux venos al vi helpo, kiam la suno brilos varmege. Kaj la senditoj venis kaj raportis al la logxantoj de Jabesx, kaj tiuj gxojis.

¹⁰Kaj la logxantoj de Jabesx diris: Morgaux ni eliros al vi, por ke vi agu kun ni, kiel placxos al vi.

¹¹En la sekvanta tago Saul dividis la popolon en tri tacxmentojn, kaj ili eniris en la tendaron dum la matena gardotempo, kaj venkobatis la Amonidojn, antaux ol la tago farigxis varma; la restintoj diskuris tiel, ke ne restis ecx du kune.

¹²Kaj la popolo diris al Samuel: Kiuj estas tiuj, kiuj diris: Cxu Saul regxos super ni? Donu tiujn homojn, ke ni ilin mortigu.

¹³Sed Saul diris: Neniun oni devas mortigi en cxi tiu tago, cxar hodiaux la Eternulo faris savon al Izrael.

¹⁴Kaj Samuel diris al la popolo: Venu, ni iru en Gilgalon, kaj ni novofestos tie la regxecon.

¹⁵Kaj la tuta popolo iris en Gilgalon, kaj ili regxigis tie Saulon antaux la Eternulo en Gilgal, kaj bucxis tie pacoferojn antaux la Eternulo, kaj forte gajis tie Saul kaj cxiuj Izraelidoj.