Read La Sankta Biblio, sen Ĉapelo esparanto 1 Samuel 3 Bible Online

1 Samuel 3 - La Sankta Biblio, sen Ĉapelo esparanto bible

1 Samuel 3

¹La knabo Samuel servadis al la Eternulo antaux Eli; kaj la vorto de la Eternulo estis grandpreza en tiu tempo; ne aperadis ofte profetaj vizioj.

²En tiu tempo unu fojon Eli kusxis sur sia loko (lia vidado komencis malakrigxi, ke li ne povis vidi);

³kaj la lucerno de Dio ankoraux ne estingigxis, kaj Samuel kusxis en la templo de la Eternulo, kie estis la kesto de Dio;

⁴tiam la Eternulo vokis Samuelon, kaj cxi tiu diris: Jen mi estas.

⁵Kaj li kuris al Eli, kaj diris: Jen mi estas, kiel vi vokis min. Sed tiu diris: Mi ne vokis; iru returne kaj kusxigxu. Kaj li iris kaj kusxigxis.

⁶Kaj la Eternulo denove vokis Samuelon, kaj Samuel levigxis kaj iris al Eli, kaj diris: Jen mi estas, kiel vi vokis min. Sed tiu diris: Mi ne vokis, mia filo; iru returne kaj kusxigxu.

⁷Samuel ankoraux ne konis la Eternulon, kaj ankoraux ne estis revelaciita al li la vorto de la Eternulo.

⁸Kaj la Eternulo denove vokis Samuelon la trian fojon; kaj li levigxis kaj iris al Eli, kaj diris: Jen mi estas, kiel vi vokis min. Tiam Eli komprenis, ke la Eternulo vokas la knabon.

⁹Kaj Eli diris al Samuel: Iru, kusxigxu; kaj se vi estos vokata, tiam diru: Parolu, ho Eternulo, cxar Via sklavo auxskultas. Kaj Samuel iris kaj kusxigxis sur sia loko.

¹⁰Kaj venis la Eternulo kaj starigxis, kaj vokis kiel la antauxajn fojojn: Samuel, Samuel! Kaj Samuel diris: Parolu, cxar Via sklavo auxskultas.

¹¹Tiam la Eternulo diris al Samuel: Jen Mi faros en Izrael tian faron, ke al cxiu, kiu tion auxdos, eksonoros ambaux liaj oreloj.

¹²En tiu tago Mi plenumos super Eli cxion, kion Mi diris pri lia domo; Mi komencos kaj finos.

¹³Mi sciigis al li, ke Mi jugxos lian domon por cxiam pro la krimo, ke li sciis, ke liaj filoj venigas malbenon sur sin, kaj li ne detenis ilin.

¹⁴Kaj tial Mi jxuris al la domo de Eli, ke neniam pekliberigxos la krimo de la domo de Eli per bucxofero nek per farunofero.

¹⁵Kaj Samuel kusxis gxis la mateno; poste li malfermis la pordojn de la domo de la Eternulo. Sed Samuel timis raporti pri la vizio al Eli.

¹⁶Kaj Eli vokis Samuelon, kaj diris: Samuel, mia filo! Kaj cxi tiu diris: Jen mi estas.

¹⁷Kaj tiu diris: Kia estas la afero, pri kiu Li parolis al vi? mi petas, ne kasxu antaux mi; tion kaj ankoraux pli faru al vi Dio, se vi kasxos antaux mi ion el cxio, kion Li diris al vi.

¹⁸Kaj Samuel rakontis al li cxion, kaj nenion kasxis antaux li. Kaj li diris: Li estas la Eternulo; Li faru tion, kio placxas al Li.

¹⁹Kaj Samuel kreskis, kaj la Eternulo estis kun li; kaj neniun el Liaj vortoj li faligis sur la teron.

²⁰Kaj eksciis la tuta Izrael, de Dan gxis Beer-Sxeba, ke Samuel farigxis fidinda profeto de la Eternulo.

²¹Kaj la Eternulo plue aperadis en Sxilo, post kiam la Eternulo revelaciis Sin al Samuel en Sxilo per la parolo de la Eternulo.