Read Lamkang DOWLLO 6 Bible Online

DOWLLO 6 - Lamkang bible

DOWLLO 6

¹Tunva hava nit rek thung ngi siikhu rekka nem set set lamda, Grik pauvi kpau Hebru rekki Hebru mii rekka mraal pii lamda mkho the chlamda, mleija meikhunuh rekki mnii ktaiki kthem pik nong thung ngi mnong in mleek inna kdingi mmaanni the lamda.

²Ungta sowm lei knii rekki siikhu rek own lamda, ungu the lamda, “Kchaa knee tum daatti nenni Isowr pauna tmaak pthiin ronime.

³Ava ngi mlei kurthuwkda ku u knao rek, kṭha nong ktlo rek, pthla leh lousing ngi kdim miilai tikheu naan arlakki atiker in, hava nong ktlora neenni kchol inni.

⁴Pdainu neenva kṭhil cha thu ungta pauna nong ktlo thung ngi kdak saanna plung plut inni.”

⁵Ungta mmaan dothe ngi kurtuwl mii mkheng plung pngamda, ungta mmaanni krin cha leh pthla kchiir ri kdim miilai kurthuwk, Stiphan leh Philip, ungta Prokhoras leh Nikanor ungu Timon leh Parmenas ungta Antia ki Jihudia rek dhormo kchet Nikolas havale lim kchol lamda.

⁶Kenyee rek maiṭhuwmmi hava mmaan prip lamda, ungta mleen thaanni mkhut in khiing lamda, ṭhil chlamda.

⁷Ungta Isowr pauna kurjouda ungu Jerusalem thung ngi siikhu rek kdung ngi nem set setda, ungta thiimpu rek knempokki krin cha thung ngi pṭoi lamda.

⁸Ungta Stiphan na plungnee leh rutanni dim chda, miirek arlakki klin langlang titinna rek leh tngana rek tloda.

⁹Ava dilli synagog thungki kintek mii rek angṭhe, (anto mdodit) ungta Kuirini kirek, ungu Alekjandria kirek, ungta Silisia leh Asia ki mii rekki rip lamda Stiphan karteen ṭhi lamda.

¹⁰Pdainu mma ngi pthla leh lousing ngi mpau nathung ngi rip bong pchaang lamme.

¹¹Ava dilli mmaanni tuprutti mii rek parseel lamda tipthe lamda, “Mma ngi Mousi leh Isowr kjowm kcha ngi mpau neenni karyaak in.”

¹²Ungta mmaanni mii rek leh kver rek ungu Nowlam chukpu rek sinchaak nlamda ungta mmaanni arva lamda kjowng lamda karseel lop maiṭhuwmmi ṭhi lamda.

¹³Ungu “Hava miilaiji mun kchiir leh Nowlam mraal kpii ngi pauna mdothe down liitme;

¹⁴mleija Nasareth ki Jisu ngi hava munna eakrep da, Mousi ngi nen nhin miido tpiik in nopa ava karthlengra dida mma dothe neenni karyaak in,” dida kindit kma sakhi kpii tiprip lamda.

¹⁵Ungta karseel lop thung ngi kukong mii mkheng ngi mma msut rim in thungta mmaija Waantamsii mai heppi dei lamda.